Connect with us

Savli

ડેસર તાલુકામાં તસ્કરોએ તરખાટ મચાવ્યો, ઘરમાં પ્રવેશી વૃદ્ધ દંપતીનું ગળુ દબાવી તસ્કરોએ લૂંટ કરી 

Published

on

શિયાળાની શરૂઆત થતા જ તસ્કરોએ ડેસર તાલુકાને નિશાન બનાવ્યું છે. ગત રાત્રી દરમિયાન ડેસરના મોટી વરણોલી ગામે પાંચ જેટલા તસ્કરોએ તરખાટ મચાવ્યો હતો અને ચાર મકાનના તાળા તોડી રોકડા અને દાગીના સહિત લાખોની માતાની ચોરી કરી બિન્દાસ પણે રફુચક્કર થઈ ગયા હતા. અને જાગી ગયેલા મકાન માલિકે બૂમરાણ કરતાં તસ્કરોએ ગળુ દબાવી સોનાની ચેન અને બુટ્ટી લૂંટી લીધી હતી.

આ અંગે પ્રાપ્ત માહિતી અનુસાર ગત રાત્રીના ડેસર તાલુકાના મોટી વરણોલી ના રાઠોડ ફળિયામાં રહેતા તખતસિંહ પર્વતસિંહ રાઠોડ, બળવંતસિંહ છત્રસિંહ રાઠોડ, રંજનબેન મોહનસિંહ રાઠોડ, મધુબેન અમરસિંહ રાઠોડ ના મકાનોને તસ્કરો એ નિશાન બનાવી મોડી રાત્રીના પાંચ જેટલા તસ્કરોએ મોઢે રૂમાલ બાંધીને રંજનબેન રાઠોડ ના મકાનમાં પાછળથી તાળું તોડી પ્રવેશ કર્યો હતો.

તસ્કરો રંજનબેનના મકાન માં પ્રવેશી તિજોરી નું તાળું તોડતા અવાજ થતા ઓસરીમાં સૂઈ રહેલા રંજનબેન રાઠોડ અને મોહન સિંહ રાઠોડ જાગી ગયા હતા અને લાઇટ ચાલુ કરી મકાનની બારીમાંથી અંદર જોતા તસ્કરો તિજોરી તોડી રહ્યા હતા ત્યારે રંજનબેન એ બુમરાણ મચાવતા બે તસ્કરોએ રંજનબેન નું મોઢું દબાવીને તેઓના ગળામાંથી સોનાની ચેન અને કાનમાંથી બુટ્ટી કાઢી ધક્કો મારી દીધો હતો જ્યારે બૂમાબૂમ કરતા મોહન સિંહ રાઠોડ ને ધક્કો મારી જમીન ઉપર પાડી દઈ મકાનમાંથી પાછળના દરવાજે ભાગી છુટયા હતા.

તસ્કરો તિજોરીમાંથી રોકડા રૂપિયા 25 હજાર, સવા તોલાની સોનાની ચેન અને બુટ્ટી ચોરી ગયા હતા જ્યારે બળવંતસિંહ રાઠોડ ના મકાનની ત્રણ તિજોરી તોડીને 4 હજાર રોકડા અને બે વીંટી સહીત કુલ 88 હજાર રૂપિયાની ચોરી કરી ફરાર થઇ ગયા હતા. જ્યારે અન્ય બંધ મકાનોને નિશાન બનાવ્યા હતા તેમાંથી કેટલી ચોરી થઈ છે તે પોલીસ તપાસમાં બહાર આવશે સમગ્ર મામલે ડેસર પોલીસને જાણ કરતા પોલીસ કાફલો ઘટના સ્થળે દોડી આવ્યા હતા વધુ તપાસ હાથ ધરી હતી

Continue Reading
Click to comment

Leave a Reply

Your email address will not be published. Required fields are marked *

Savli

સાવલી: વરસાદમાં પડેલા મોટા ખાડાથી ટેમ્પો પલ્ટી ગયો

Published

on

વડોદરા શહેર જિલ્લામાં છેલ્લા ત્રણ દિવસથી પડી રહેલા ધોધમાર વરસાદને કારણે ઠેર ઠેર ખાડાઓ પડી જવા પામ્યા છે જેમાં સાવલી નગર નજીક ભાટપુરા રોડ પર ખાડાઓને કારણે આજે એક આઇસર ટેમ્પો પલટી થઈ જવાની ઘટના બનવા પામી છે.

અસહ્ય ઉકડાટ બાદ વડોદરા શહેર જિલ્લામાં મેઘરાજાની મહેર થવા પામી છે જેમાં શહેર જિલ્લામાં સર્વત્ર ખૂબ સારો વરસાદ છેલ્લા ત્રણ દિવસથી નોંધાયો છે. આ વરસાદને કારણે તંત્રની પોલ પણ ખુલી જવા પામી છે.

વડોદરા જિલ્લાના સાવલી નગર નજીક ભાટપુરા રોડ ઉપર વરસાદને કારણે પડેલા રોડ પરના મોટા ખાડાઓમાં આઇસર ટેમ્પો ફસાતા પલટી ખાઈ ગયો હતો. પ્રિમોન્સૂન કામગીરીમાં નગરપાલિકાએ ઉતારેલી વેઠના કારણે વાહન ચાલકોને સહન કરવાનો વારો આવ્યો છે.

અકસ્માતમાં ટેમ્પો ચાલક નો આબાદ બચાવ થયો છે જો કે ખરાબ રસ્તાને કારણે નગરપાલિકા સત્તાધીશો વિરુદ્ધ રાહદારીઓમાં રોષ જોવા મળ્યો હતો

Continue Reading

Savli

બોગસ ખેડૂત બનાવવાના કૌભાંડમાં ધારાસભ્યની રજૂઆતના 10 મહિના બાદ આજે પોલીસ ફરિયાદ નોંધાશે

Published

on

10 મહિના પહેલા ધારાસભ્ય દ્વારા કરવામાં આવેલી બોગસ ખેડૂતોની એન્ટ્રી અંગેની ફરિયાદમાં હવે તંત્ર દ્વારા તપાસ કરીને જવાબદાર અધિકારીઓ વિરુદ્ધ પોલીસ ફરિયાદ નોંધવાની તજવીજ હાથ ધરવામાં આવી છે.

વડોદરા જિલ્લાના સાવલી તાલુકાના સામંતપુરા ગામે ખોટા મરણના દાખલા તેમજ ખોટા દસ્તાવેજો ઉભા કરીને એક નિયત સમય દરમિયાન કેટલાક ભૂમાફિયાઓને બોગસ ખેડૂતો તરીકે પ્રસ્થાપિત કરવાની કોશિશ કરવામાં આવી હતી. જે અંગે સ્થાનિક ગ્રામજનોએ ધારાસભ્યને 10 મહિના પહેલા રજૂઆત કરી હતી.

જે તે સમયે જરૂરી પુરાવા લઈને ધારાસભ્ય પોતે પોલીસ સ્ટેશન ગયા હતા અને તપાસ કરીને પોલીસ ફરિયાદ નોંધવાની માંગણી કરી હતી.સમગ્ર બોગસ ખેડૂત કૌભાંડમાં કેટલાક મહેસુલ વિભાગના અધિકારીઓની પણ સંડવણી હોવાની શંકા જતા પોલીસે ધનિષ્ઠ તપાસ શરૂ કરી હતી.

જેમાં 10 મહિના બાદ 20 જુને સમગ્ર મામલે પ્રથમ પોલીસ ફરિયાદ નોંધાવા જઈ રહી છે. સાવલી ધારાસભ્ય કેતન ઇનામદાર સાથે થયેલી વાતચીત પ્રમાણે, સામંતપુરા બોગસ ખેડૂત કૌભાંડમાં કેટલાક અધિકારીઓ સામે આજે ગુનો નોંધાશે. આ સાથે રાજ્ય સરકાર પાસે સમગ્ર બોગસ ખેડૂતો કૌભાંડની તપાસ માટે SIT ની રચના કરવાની પણ માંગણી કરવામાં આવી છે. પ્રાથમિક તબક્કે નોંધાયેલી ફરિયાદ બાદ તપાસમાં જે અધિકારીઓની સંડોવણી સામે આવશે તે તમામ વિરુદ્ધ ફોજદારી ગુન્હો નોંધીને કાર્યવાહી કરવામાં આવે તેવી માંગણી રાજ્ય સરકારમાં કરવામાં આવી છે.

Continue Reading

Savli

સાવલી : “વેઠ” ને કારણે નગરજનો કેટલું વેઠશે? ઠેરઠેર ખાડાઓ અને ખુલ્લી ડ્રેનેજ જીવલેણ સાબિત થશે!

Published

on

રાજ્યભરમાં જયારે ચોમાસું માથે છે ત્યારે મહાનગરો અને નગરપાલિકાઓ દ્વારા વરસાદી પાણીના નિકાલ માટે પ્રિ મોન્સુન કામગીરી કરવી પડે છે. જોકે કામગીરીમાં વેઠ ઉતારવાને કારણે નાગરિકોને વેઠવું પડે છે. વડોદરા જીલ્લાના સાવલી નગર પાલિકાની હાલત હાલ એવી છે કે, નગરમાં કોઈક જ રસ્તો એવો હશે કે જ્યાં ખાડાઓ નથી. સાવલી નગર પાલિકામાં અનેક સ્થાને ડ્રેનેજના ઢાંકણ તૂટેલી હાલતમાં છે. આ સાથે નલ સે જલ યોજના માટે ઠેર ઠેર પાણીની લાઈનો પણ ખોદવામાં આવી છે.

પાણીની લાઈનો ખોળવાને કારણે હાલ સાવલી નગરના અનેક વિસ્તારોમાં પીવાનું પાણી સમયસર મળતું નથી. આ સાથે જ ખુલ્લા ખાડાઓ અને ડ્રેનેજના મેનહોલ જીવલેણ સાબિત થઇ રહ્યા છે. તાજેતરમાં ખુલ્લી ડ્રેનેજલાઈનમાં ગાય ખાબકતા તેનું મોત થયું છે. જયારે હવે નગરપાલિકાના સત્તાધીશો કોઈ મનુષ્યનો જીવ જાય તેની રાહ જોતા હોય તેમ લાગી રહ્યું છે.

આ અંગે નગરપાલિકાના ચીફ ઓફિસર ને પૂછતા સબ સલામત હોવાના દાવા કરતા તેઓના કેમેરામાં કંડારાયા હતા. નગરમાં ઠેર ઠેર ખાડાઓ હોવાની પણ તેઓએ કબુલાત કરી હતી. જોકે નલ સે જલ યોજનાના પાણીના જોડાણ માટે ખાડા કર્યા હોવાનું તેઓએ જણાવ્યું હતું. આ સાથે પ્રિ મોન્સુન કામગીરીમાં સાવલી નગર માંથી પસાર થતી મુખ્ય વરસાદી કાંસની સફાઈ થઇ ગઈ હોવાનું ચીફ ઓફિસરે જણાવ્યું હતું.

આ અંગે નગરના અગ્રણી હસમુખભાઈ પટેલને પૂછતા તેઓએ જણાવ્યું હતું કે, સાવલી નગરમાં ઠેર ઠેર ગટરના ઢાંકણ તૂટેલી હાલતમાં છે. પ્રિ મોન્સુન કામગરી પણ ફક્ત ચોપડે જ કરવામાં આવી હોવાના આક્ષેપો કર્યા હતા.

Continue Reading

Trending