વડોદરા શહેરના વરણામાં પોલીસે બાતમીના આધારે વિદેશી શરાબ ભરેલી એક કાર સાથે બે આરોપીઓની ધરપકડ કરી છે. જ્યારે એક આરોપીને વોન્ટેડ જાહેર કરીને 9 લાખ ઉપરાંતનો મુદ્દામાલ કબ્જે લીધો છે.

પ્રાપ્ત માહિતી અનુસાર વરણામાં પોલીસ મથકમાં સ્ટાફને બાતમી મળી હતી કે, શાહપુરા ગામે બુટલેગર સચિન પાટણવાડીયા દ્વારા વિદેશી શરબનો વેપલો કરવા માટે મારુતિ બ્રેઝા કારમાં વિદેશી શરાબ લાવવામાં આવી રહ્યો છે. જે કાર સલાડ ગામ તરફથી શાહપુરા ગામ તરફ જનાર છે. જે બાતમીના આધારે પોલીસે શાહપુરા ગામ પાસે વોચ ગોઠવી હતી.

તે દરમિયાન બાતમી વાડી બ્રેઝા કાર આવી પહોંચતા પોલીસે તેને કોર્ડન કરતા પાછલી સીટ પર બેસેલો એક વ્યક્તિ કાર માંથી ઉતરીની નાસી છૂટ્યો હતો.જ્યારે કારમાં ડ્રાઇવર સીટ પર કમલાપ્રસાદ ઉર્ફે કાવો કહાર તેમજ બાજુની સીટ પર સચિન પાટણવાડીયા બેસેલો મળી આવ્યો હતો.

જ્યારે મારુતિ બ્રેઝા કારમાં વિદેશી શરાબનો મોટો જથ્થો મળી આવ્યો હતો.પોલીસે સ્થળ પરથી સચિન પાટણવાડીયા તેમજ વડોદરાના આજવા રોડ પર રહેતો કમલાપ્રસાદ ઉર્ફે કાવો કહારની ધરપકડ કરી હતી.જ્યારે મધ્યપ્રદેશના રહેવાસી સુનિલ નામના વ્યક્તિને વોન્ટેડ જાહેર કરવામાં આવ્યો છે.

પોલીસે સ્થળ પરથી એક મારુતિ બ્રેઝા કાર ,1572 નંગ વિદેશી શરાબની બોટલો તેમજ બે મોબાઈલ ફોન મળીને 9 લાખ ઉપરાંતનો મુદ્દામાલ કબ્જે લીધો છે.

વડોદરા શહેરના જલારામ નગર માં પરિવાર સાથે રહેતી ચાર વર્ષની માસુમ બાળકી ઘર આંગણે બેઠી હતી તે દરમિયાન વહેલી સવારે પાલિકાની ડોર ટુ ડોર કચરાની ગાડીના ચાલકે ઘર આંગણે બેઠેલી ચાર વર્ષની માસુમ બાળકીને અડફેટે લેતા બાળકીને ગંભીર ઇર્જાઓ પહોંચતા તેને સારવાર અર્થે અમદાવાદ સિવિલ હોસ્પિટલમાં સારવાર અર્થ ખસેડવામાં આવી હતી જયાં ટૂંકી સારવાર બાદ માસુમ બાળકીનું મોત નિપજતા જલારામ નગર માં છવાયો સન્નાટો છવાઈ ગયો હતો

વડોદરા શહેરના ન્યુ વીઆઇપી રોડ ખાતે આવેલ જલારામ નગર વિભાગ-2 માં રહેતા અને શાકભાજીની લારી ચલાવી પરિવારનું ગુજરાન કરતા મૂળ ઉત્તર પ્રદેશના કુશહવા પરિવારની ચાર વર્ષની માસુમ પુત્રી બે દિવસ અગાઉ સવારે આઠ વાગ્યાના સમય ની આસપાસ ઘર આંગણે બેઠી હતી તે દરમિયાન અયોધ્યા નગર જતા રોડ પર થી પાલિકાની ડોર ટુ ડોર કચરો લેવા આવતી ગાડી ના ચાલકે તકેદારી ન રાખતા ઘર આંગણે બેસેલ માસુમ બાળકીને અડફેટે લીધી હતી અને બાળકી ગાડીની અડફેટે આવતા ચાલકે ઘટના સ્થળે થી ભાગવા ગાડી સ્પીડમાં રિવર્સ લેતા ફરી થી માસુમ નેન્સી ગાડીના ટાયર નીચે આવતા ગાડીનો ચાલક કચરાની ગાડી સ્થળ પર છોડી ભાગી ગયો હતો.

પાલિકાની ડોર ટુ ડોર કચરો લેવા આવતી ગાડી ના ચાલકની બેદરકારીના કારણે ચાર વર્ષની માસુમ નેન્સીને ગંભીર ઈર્જાઓ પહોંચતા તેને તાત્કાલિક સારવાર અર્થે શહેરની સયાજી હોસ્પિટલ ખાતે ખસેડવામાં આવી હતી. જયાં પ્રાથમિક સારવાર બાદ વધુ સારવાર અર્થે તબીબો દ્ધારા નેન્સીને અમદાવાદ સિવિલ હોસ્પિટલ ખાતે રીફર કરવામાં આવતા અમદાવાદ સિવિલ હોસ્પિટલ ખાતે લઇ જવામાં આવી હતી જયાં ટૂંકી સારવાર બાદ માસુમ નેન્સીનું મોત નીપજ્યું હતું. નેન્સીના નિધનથી વીએમસી પ્રત્યે સ્થાનિકોમાં રોષ જોવા મળ્યો હતો.

સમગ્ર મામલે હરણી પોલીસ મથક માં મૃતક નેન્સી ના પિતા બ્રિજેશકુમાર કુશહવા દ્ધારા પાલિકાની ડોર ટુ ડોર કચરો એકત્ર કરવા આવતી ગાડી ના ચાલક વિરુદ્ધ ફરિયાદ નોંધાવતા પોલીસે ઘટના સ્થળે થી પાલિકાની ડોર ટુ ડોર કચરો એકત્ર કરતી ગાડી કબ્જે કરી ગાડી ચાલકની ધરપકડ કરી વધુ કાર્યવાહી હાથ ધરી છે.

વડોદરા શહેરમાં બિલ્ડરો દ્ધારા આચરવામાં આવતી છેતરપીંડીના કિસ્સાઓ વધી રહ્યા છે. જીવનભર બચત કરી જમા કરેલ પૂજી અને લોન લઇ દરેક વ્યક્તિ શહેરમાં પોતાના સપનાનું ઘર વસાવવાની ઈચ્છા ધરાવતા હોય છે. પરંતુ શહેરમાં એક વિધવા મહિલાને પોતાના સપના નું ઘર વસાવાનુ સપનું ભારે પડ્યું ઠગ બિલ્ડરે મકાનોની સ્કીમ લોન્ચ કરી વિધવા મહિલા પાસેથી બે ફ્લેટના બુકિંગ પેટે રૂ.1.27 કરોડ પડાવી દસ્તાવેજ ના કરી આપી ફલેટો બારોબાર અન્ય વ્યક્તિઓને વેચી છેતરપીંડી આચરી હોવાની ફરિયાદ ક્રાઇમબ્રાન્ચના ચોપડે નોંધાઈ છે.

શહેરના સેવાસી-અકોડિયા રોડ પર આવેલ એન્ટીકા ગ્રીનવુડ્સમાં રહેતા અને ઇન્ટિરિયર ડિઝાઈનરના વ્યવસાય સાથે સંકળાયેલ ઋતુબેન મિહીરભાઈ પંચાલે ક્રાઇમબ્રાન્ચમાં નોંધાવેલ ફરિયાદ અનુસાર વર્ષ 2019માં કોર્નર પોઇન્ટ ઇન્ફ્રાસ્ટ્રક્ચર પ્રાઇવેટ લીમીટેડ નામની કંપનીના ડાયરેક્ટર મેહુલભાઇ દિલીપભાઇ પંડ્યાએ વડોદરા અંકોડીયા ખાતે લોન્ચ કરેલ ઉટોપીયન કોર્નર નામની રહેણાક મકાનોની સ્કીમમાં ફ્લેટ નં પીઇ 4 અને પીઇ 77 રૂ.1.80 કરોડમાં બુક કરાવ્યા હતા. જે બંને ફ્લેટ પેટે રૂ. 1 લાખના બે ચેકો મળી કુલ 2 લાખ આપેલ હતા.

આ સાથે મારા પિતા રાજેન્દ્રભાઇ ગણાત્રાના નામથી મેહુલભાઇ પંડ્યાની સેવાસી ખાતે બીજી હેરીટેજ કોર્નર નામની રહેણાંક ફ્લેટોની સ્કીમનું આયોજન કરેલ તે સ્કીમમાં ફ્લેટ નંબર-33 વર્ષ 2012માં બુક કરાવેલ જે પેટે ટુકડે ટુકડે રોકડા રૂપિયા 1.25 કરોડ આપેલ અને દોઢ-બે વર્ષમાં ફ્લેટનું બાંધકામ પુર્ણ કરીને દસ્તાવેજ કરી આપવાનું કહેવામાં આવ્યું હતું.

પરંતુ મારા પિતાને બિલ્ડર મેહુલ પંડ્યાએ બાંધકામ પૂર્ણ કરી આપેલ નહિ અને બુક કરાવેલ ફ્લેટનો દસ્તાવેજ સમયસર કરી આપેલ નહિ જેથી મારા પિતા રાજેન્દ્રભાઇ અને મેહુલભાઇ પંડ્યા વચ્ચે વર્ષ 2018માં સો રૂપિયાના સ્ટેમ્પ પેપર ઉપર નોટરી કરી બાંહેધરી આપી મેહુલભાઇ પંડ્યાએ મારા પિતાને નુકશાની સાથે કુલ 2.05 કરોડ ત્રણ માણસમાં આપવાનું નક્કી કરી વિશ્વાસ આપેલ હતો. પરંતુ મેહુલભાઇ પંડ્યાએ બાહેંધરી કરાર મુજબ સમયસર નાણા પણ ચુકવેલ નહી કે બાહેંધરી કરારમાં નક્કી થયા મુજબ સમયસર દસ્તાવેજ પણ કરી આપ્યો ન હતો. આ બદલામાં પિતાના આપેલ નાણાંને મારા નામથી ઉટોપીયન કોર્નર નામની સ્કીમમાં ફ્લેટ નંબર-પીઇ 4 અને ફ્લેટ નંબર-પીઇ 7માં આ રકમ ભરપાઈ કરવાની મૌખિક વાતચીત થઈ હતી.

અદાલતમાં દાવો માંડતા હેરિટેજ કોર્નરમાં મારા પિતાએ બુક કરાવેલ ફ્લેટનો બાનાખત વર્ષ 2015માં કેતનભાઈ શાહને કરી આપ્યો હોવાનું જાણવા મળ્યું હતું. અને મારા નામથી બુક કરાવેલ ફ્લેટનો ટેક્સ ભર્યો ન હોય વડોદરા સેન્ટ્રલ જીએસટી અને સેન્ટ્રલ એક્સાઇઝ વિભાગ દ્વારા તે ફ્લેટ ટાંચમાં લીધો હોવાનું જાણવા મળ્યું હતું. સાઈટ ખાતે જઈ તપાસ કરતા અમે ખરીદેલ બંને ફ્લેટના તાળા મેહુલ પંડ્યાએ તોડી અન્ય વ્યક્તિને વેચાણ કર્યા હોવાનું જાણવા મળ્યું હતું. ગોરવા સબ રજીસ્ટરની કચેરીએ તપાસ કરતા મેહુલ પંડ્યાએ મારી ખોટી સહી કરી બાનાખત કરાર રદ કરાવ્યો હતો.

ઋતુબેન મિહીરભાઈ પંચાલે બિલ્ડર મેહુલ પંડ્યા વિરુદ્ધ ક્રાઇમબ્રાન્ચમાં ફરિયાદ નોંધાવતા ફરિયાદના આધારે ક્રાઇમબ્રાન્ચ દ્વારા ઠગ બિલ્ડરને ઝડપી પાડી તેના રિમાન્ડ મેળવવા ની તજવીજ હાથ ધરી છે.