Connect with us

Madhya Gujarat

પંચમહાલ: ગોધરા SOGની ટીમે ચિખોદ્રા ખાતે મકાનમાં ગેરકાયદેસર દવાખાનું ચલાવતા ડિગ્રી વગરના નકલી તબીબને ઝડપી પાડ્યો

Published

on

પંચમહાલની ગોધરા SOGની ટીમે ગોધરા તાલુકાના મહેલોલ PSC સેન્ટરના મેડિકલ ઓફિસર સાથે મળી એક બોગસ તબીબને ઝડપી પાડ્યો. રહેમતનગરના ચિખોદ્રા ખાતે મકાનમાં ગેરકાયદેસર દવાખાનું ચલાવતા ડિગ્રી વગરના નકલી તબીબની ધરપકડ કરી કાર્યવાહી હાથ ધરવામાં આવી છે.

પ્રાપ્ત માહિતી અનુસાર, પંચમહાલ જિલ્લાના ગોધરા તાલુકામાં આવેલ રહેમતનગરના ચિખોદ્રા ખાતે એક મકાનમાં ગેરકાયદેસર રીતે ઉમર ફારુક યુસફ વાઢેલ નામનો શખ્સ દવાખાનું ખોલી લોકોના સ્વાસ્થ્ય સાથે ચેડા કરતો હતો. આ અંગે મહેલોલ પીએસસી સેન્ટર ના મેડિકલ ઓફિસર હીમિશા નરેશભાઈ ગાયકવાડને માહિતી મળતા તેઓએ ગોધરા SOGની ટીમને જાણ કરી હતી. બાતમીના આધારે પોલીસે બોગસ દવાખાનું ચલાવતા ડિગ્રી વગરના તબીબ ઉમર ફારુક યુસફ વાઢેલને રહેમતનગર ચિખોદ્રા ખાતેથી દરોડા પાડી ઝડપી પાડ્યો.

દરોડામાં ચેકીંગ દર્મિયાન એવું સામે આવ્યું કે, ઉમર ફારુક યુસફ વાઢેલ માન્ય ડિગ્રી વગર જ ગેરકાયદેસર દવાખાનું ચલાવી રહ્યો હતો. જેના આધારે પોલીસ દ્વારા ઉમર ફારુક યુસફ વાઢેલની ધરપકડ કરી દવાખાનામાંથી મળેલ દવાઓ, ઇન્જેક્શનો તેમજ મેડિકલ સમાન એમ કુલ મળી 15,293/- રૂપિયાનો મુદ્દામાલ જપ્ત કરવામાં આવ્યો.આ સાથે જ બોગસ તબીબ ઉમર ફારુક યુસફ વાઢેલ સામે ગોધરા બી-ડિવિઝન પોલીસે ગુનો નોંધી વધુ કાર્યવાહી હાથ ધરી હતી.

Continue Reading

Madhya Gujarat

50 ફૂટ ઉચી ટાંકી ઉપર જીવન ટુંકાવવા ચઢેલા ત્રણ સંતાનના પિતાને સમજાવટ બાદ નીચે ઉતરતા પગ લપસ્યો,નીચે પટકાતા મોત

Published

on

છોટાઉદેપુર જિલ્લામાં આજે ત્રણ સંતાનોના પિતા સિંધી ટાઉન બસ સ્ટેન્ડ પાસે આવેલ 50 ફૂટ ઉચી ટાંકી ઉપર અગમ્યકારણોસર જીવન ટુંકાવનાના આશય સાથે આત્મહત્યાના કરવા ચડી ગયા હતા જેને પગલે લોકટોળા સ્થળ પર એકત્રિત થઇ ગયા હતા લોકોની સમજાવટ બાદ આત્મહત્યા કરવાનો નિર્ણય પડતો મૂકી ત્રણ સંતાનોના પિતા 50 ફૂટ ઉચી ટાંકી ઉપરથી નીચે ઉતરી રહ્યા હતા તે દરમિયાન તેમનો પગ લપસી જતા 50 ફૂટ ઉપરથી નીચે પટકાયેલ ચાર સંતાનોના પિતાનું મોત નિપજતા પરિવારમાં ગમગીની છવાઈ ગઈ હતી

https://www.instagram.com/reel/C17JUkhoE4L/?igsh=MWdkajRscDJvZjB4aA==



આ અંગે પ્રાપ્ત માહિતી અનુસાર છોટાઉદેપુર જિલ્લામાં આવેલ સિંધી નગર વિસ્તારમાં રહેતા ત્રણ સંતાનોના પિતા ઇમરાનગોરી કલરકામ કરી પરિવારનું ગુજરાન ચલાવતા હતા ત્યારે આજે ઇમરાનભાઈ અગમ્યકારણોસર ઘર નજીક આવેલ સિંધી ટાઉન બસ સ્ટેન્ડ પાસેની 50 ફૂટ ઉચી ટાંકી ઉપર જીવન ટુંકાવનાના આશય સાથે આત્મહત્યાના કરવા ટાંકી પર ચડી જતા લોકટોળા એકત્રિત થઇ ગયા હતા અને ફાયર બ્રિગેડને આ અંગે જાણ કરતા ફાયર લાશ્કરો પણ ઘટના સ્થળે દોડી આવ્યા હતા.



ઘટના અંગે ઇમરાન ગોરીના પરિવારજનોને જાણ થતા તાત્કાલિક પરિવાર જાણો ટાંકી ખાતે દોડી આવ્યા હતા અને પરિવારજનો તેમજ લોકટોળાની સમજાવટ બાદ ઇમરાન ગોરીએ જીવન ટૂંકાવવાનો નિર્ણય પડતો મૂકી ટાંકી પર થી નીચે ઉતરી રહ્યો હતો દરમિયાન દુર્ભાગ્યવશ ઇમરાન ગોરીનો પગ લપસી જતા તે 50 ફૂટ ઉંચી ટાંકી પરથી નીચે પટકાયો હતો અને તે ને ગંભીર ઇર્જાઓ પહોંચતા સારવાર અર્થે હોસ્પિટલ ખાતે ખસેડવામાં આવ્યો હતો જયાં તેને દમ તોડી દેતા પરિવારમાં માતમ છવાઈ ગયો હતો.

Continue Reading

Chhotaudaipur

SMC દ્ધારા છોટાઉદેપુર ખાતે આઇસર ટ્રકમાં ઇલેક્ટ્રિક બોક્સની આડમાં લઇ જવાતો 27.90 લાખ ઉપરાતનો વિદેશી શરાબનો જથ્થો ઝડપી પાડી બે આરોપી ની ધરપકડ કરી

Published

on

ગાંધીના ગુજરાત માં દારૂબધી છે. અને આ દારૂબંધી નો ચુસ્ત અમલ કરવામાં આવતો હોવાના સરકાર દાવા કરતી હોય છે. પરંતુ ગુજરાત રાજ્યમાં શરાબ માફિયાઓ દ્ધારા રાજ્યના અનેક શહેરોમાં દારૂ ઘૂસાડવા માટે અવનવા કીમિયા અપનાવવામાં આવતા હોય છે. ત્યારે SMC દ્ધારા છોટાઉદેપુર જિલ્લાના દેવળીયા ગામ નજીક આવેલ હોટલ ના ખુલ્લા પાર્કિંગ સામે થી આઇસર ટ્રકમાં ભરીને લઇ જવાતો 27.90 લાખ ઉપરાતના વિદેશી શરાબનો જથ્થો ઝડપી પાડી કુલ 48.17 લાખ ઉપરાતનો મુદામાલ જપ્ત કરી બે આરોપી ની ધરપકડ કરી હતી.

પ્રાપ્ત માહિતી અનુસાર SMC પોલીસ ઈંસ્પેક્ટર આર. જી. ખાંટ ને બાતમી મળી હતી કે, છોટા ઉદેપુર પોલીસ સ્ટેશનના હદ વિસ્તારમાં છોટાઉદેપુર થી પાવી જેતપુર જતા રોડ પર આવેલ દેવળીયા ગામ નજીકની શિવકૃપા કાઠીયાવાડી ધાબાના ખુલ્લા પાર્કિંગ સામે ઉભેલ એક આઇશર ટ્રકમાં ઇલેક્ટ્રિક બોક્સની આડમાં સંતાડીને મોટી માત્રામાં વિદેશી શરાબ નો જથ્થો લઇ જવામાં આવી રહ્યો છે.

SMC ને બાતમી મળતા SMC પોલીસ ઈંસ્પેક્ટર આર. જી. ખાંટ તેમની ટિમ સાથે તાત્કાલિક પાવી જેતપુર રોડ પર આવેલ દેવળીયા ગામ નજીકની શિવકૃપા કાઠીયાવાડી ધાબાના ખુલ્લા પાર્કિંગ સામે વોચ ગોઠવી ઉભા થઇ ગયા હતા તે દરમિયાન બાતમી આધારિત આઇસર ટ્રક આવતા તેને કોર્ડન કરી ટ્રક ચલાકની પુછપરછ કરતા યોગ્ય જવાબ ના આપી શકતા પોલીસે ટ્રક ચાલકને સાથે રાખી ટ્રક માં તપાસ કરતા ટ્રક માંથી ઇલેક્ટ્રિક બોક્સની આડમાં છુપાવવા માં આવેલ વિદેશી શરાબની રૂ. 27,90,530ની કિંમતની 6,537 નંગ બોટલ મળી આવતા રાજસ્થાનના ટ્રક ચાલક સવેરામ ઉમારામ ચારણ અને ખેતારામ હીરારામ ચરણ ની ધરપકડ કરી વિદેશી શરાબના જથ્થો, ઇલેક્ટ્રિક બોક્સ, આઇસર ટ્રક તેમજ મોબાઇલ ફોન સહીત રૂ 48,17,140 ની કિંમતનો મુદામાલ જપ્ત કર્યો હતો

પોલીસે ઝડપી પાડેલ આરોપી સવેરામ ઉમારામ ચારણ અને ખેતારામ હીરારામ ચરણ ની પ્રાથમિક પુછપરછ કરતા આ શરાબનો જથ્થો નરેશ અને અનિલ નાથાલાલ વડેચા દ્ધારા ભરી આપવામાં આવ્યો હતો જે રાજકોટ ખાતે પહોંચાડવાનો હતો જયાં કોઈ અજાણી વ્યક્તિ આ જથ્થો લેવા આવનાર હતું. જેથી પોલીસે શરાબનો જથ્થો મોકલનાર નરેશ અને અનિલ નાથાલાલ વડેચા તેમજ રાજકોટના અજાણ્યા ઈસમને વોન્ટેડ જાહેર કરી ઝડપી પાડેલ બને આરોપી વિરુદ્ધ ગુનો દાખલ કરી વધુ કાર્યવાહી હાથ ધરી છે.

Continue Reading

Trending