Connect with us

Savli

સાવલી : “વેઠ” ને કારણે નગરજનો કેટલું વેઠશે? ઠેરઠેર ખાડાઓ અને ખુલ્લી ડ્રેનેજ જીવલેણ સાબિત થશે!

Published

on

રાજ્યભરમાં જયારે ચોમાસું માથે છે ત્યારે મહાનગરો અને નગરપાલિકાઓ દ્વારા વરસાદી પાણીના નિકાલ માટે પ્રિ મોન્સુન કામગીરી કરવી પડે છે. જોકે કામગીરીમાં વેઠ ઉતારવાને કારણે નાગરિકોને વેઠવું પડે છે. વડોદરા જીલ્લાના સાવલી નગર પાલિકાની હાલત હાલ એવી છે કે, નગરમાં કોઈક જ રસ્તો એવો હશે કે જ્યાં ખાડાઓ નથી. સાવલી નગર પાલિકામાં અનેક સ્થાને ડ્રેનેજના ઢાંકણ તૂટેલી હાલતમાં છે. આ સાથે નલ સે જલ યોજના માટે ઠેર ઠેર પાણીની લાઈનો પણ ખોદવામાં આવી છે.

પાણીની લાઈનો ખોળવાને કારણે હાલ સાવલી નગરના અનેક વિસ્તારોમાં પીવાનું પાણી સમયસર મળતું નથી. આ સાથે જ ખુલ્લા ખાડાઓ અને ડ્રેનેજના મેનહોલ જીવલેણ સાબિત થઇ રહ્યા છે. તાજેતરમાં ખુલ્લી ડ્રેનેજલાઈનમાં ગાય ખાબકતા તેનું મોત થયું છે. જયારે હવે નગરપાલિકાના સત્તાધીશો કોઈ મનુષ્યનો જીવ જાય તેની રાહ જોતા હોય તેમ લાગી રહ્યું છે.

આ અંગે નગરપાલિકાના ચીફ ઓફિસર ને પૂછતા સબ સલામત હોવાના દાવા કરતા તેઓના કેમેરામાં કંડારાયા હતા. નગરમાં ઠેર ઠેર ખાડાઓ હોવાની પણ તેઓએ કબુલાત કરી હતી. જોકે નલ સે જલ યોજનાના પાણીના જોડાણ માટે ખાડા કર્યા હોવાનું તેઓએ જણાવ્યું હતું. આ સાથે પ્રિ મોન્સુન કામગીરીમાં સાવલી નગર માંથી પસાર થતી મુખ્ય વરસાદી કાંસની સફાઈ થઇ ગઈ હોવાનું ચીફ ઓફિસરે જણાવ્યું હતું.

આ અંગે નગરના અગ્રણી હસમુખભાઈ પટેલને પૂછતા તેઓએ જણાવ્યું હતું કે, સાવલી નગરમાં ઠેર ઠેર ગટરના ઢાંકણ તૂટેલી હાલતમાં છે. પ્રિ મોન્સુન કામગરી પણ ફક્ત ચોપડે જ કરવામાં આવી હોવાના આક્ષેપો કર્યા હતા.

Savli

સાવલી: વરસાદમાં પડેલા મોટા ખાડાથી ટેમ્પો પલ્ટી ગયો

Published

on

વડોદરા શહેર જિલ્લામાં છેલ્લા ત્રણ દિવસથી પડી રહેલા ધોધમાર વરસાદને કારણે ઠેર ઠેર ખાડાઓ પડી જવા પામ્યા છે જેમાં સાવલી નગર નજીક ભાટપુરા રોડ પર ખાડાઓને કારણે આજે એક આઇસર ટેમ્પો પલટી થઈ જવાની ઘટના બનવા પામી છે.

અસહ્ય ઉકડાટ બાદ વડોદરા શહેર જિલ્લામાં મેઘરાજાની મહેર થવા પામી છે જેમાં શહેર જિલ્લામાં સર્વત્ર ખૂબ સારો વરસાદ છેલ્લા ત્રણ દિવસથી નોંધાયો છે. આ વરસાદને કારણે તંત્રની પોલ પણ ખુલી જવા પામી છે.

વડોદરા જિલ્લાના સાવલી નગર નજીક ભાટપુરા રોડ ઉપર વરસાદને કારણે પડેલા રોડ પરના મોટા ખાડાઓમાં આઇસર ટેમ્પો ફસાતા પલટી ખાઈ ગયો હતો. પ્રિમોન્સૂન કામગીરીમાં નગરપાલિકાએ ઉતારેલી વેઠના કારણે વાહન ચાલકોને સહન કરવાનો વારો આવ્યો છે.

અકસ્માતમાં ટેમ્પો ચાલક નો આબાદ બચાવ થયો છે જો કે ખરાબ રસ્તાને કારણે નગરપાલિકા સત્તાધીશો વિરુદ્ધ રાહદારીઓમાં રોષ જોવા મળ્યો હતો

Continue Reading

Savli

બોગસ ખેડૂત બનાવવાના કૌભાંડમાં ધારાસભ્યની રજૂઆતના 10 મહિના બાદ આજે પોલીસ ફરિયાદ નોંધાશે

Published

on

10 મહિના પહેલા ધારાસભ્ય દ્વારા કરવામાં આવેલી બોગસ ખેડૂતોની એન્ટ્રી અંગેની ફરિયાદમાં હવે તંત્ર દ્વારા તપાસ કરીને જવાબદાર અધિકારીઓ વિરુદ્ધ પોલીસ ફરિયાદ નોંધવાની તજવીજ હાથ ધરવામાં આવી છે.

વડોદરા જિલ્લાના સાવલી તાલુકાના સામંતપુરા ગામે ખોટા મરણના દાખલા તેમજ ખોટા દસ્તાવેજો ઉભા કરીને એક નિયત સમય દરમિયાન કેટલાક ભૂમાફિયાઓને બોગસ ખેડૂતો તરીકે પ્રસ્થાપિત કરવાની કોશિશ કરવામાં આવી હતી. જે અંગે સ્થાનિક ગ્રામજનોએ ધારાસભ્યને 10 મહિના પહેલા રજૂઆત કરી હતી.

જે તે સમયે જરૂરી પુરાવા લઈને ધારાસભ્ય પોતે પોલીસ સ્ટેશન ગયા હતા અને તપાસ કરીને પોલીસ ફરિયાદ નોંધવાની માંગણી કરી હતી.સમગ્ર બોગસ ખેડૂત કૌભાંડમાં કેટલાક મહેસુલ વિભાગના અધિકારીઓની પણ સંડવણી હોવાની શંકા જતા પોલીસે ધનિષ્ઠ તપાસ શરૂ કરી હતી.

જેમાં 10 મહિના બાદ 20 જુને સમગ્ર મામલે પ્રથમ પોલીસ ફરિયાદ નોંધાવા જઈ રહી છે. સાવલી ધારાસભ્ય કેતન ઇનામદાર સાથે થયેલી વાતચીત પ્રમાણે, સામંતપુરા બોગસ ખેડૂત કૌભાંડમાં કેટલાક અધિકારીઓ સામે આજે ગુનો નોંધાશે. આ સાથે રાજ્ય સરકાર પાસે સમગ્ર બોગસ ખેડૂતો કૌભાંડની તપાસ માટે SIT ની રચના કરવાની પણ માંગણી કરવામાં આવી છે. પ્રાથમિક તબક્કે નોંધાયેલી ફરિયાદ બાદ તપાસમાં જે અધિકારીઓની સંડોવણી સામે આવશે તે તમામ વિરુદ્ધ ફોજદારી ગુન્હો નોંધીને કાર્યવાહી કરવામાં આવે તેવી માંગણી રાજ્ય સરકારમાં કરવામાં આવી છે.

Continue Reading

Savli

પોતાના મતવિસ્તારની ગ્રામપંચાયતના કથિત ગેરવહીવટ અંગે ધારાસભ્યએ જીલ્લા વિકાસ અધિકારીને પત્ર કેમ લખવો પડ્યો?

Published

on

વડોદરા જીલ્લાના સાવલી તાલુકાના ધારાસભ્ય કેતન ઈનામદારે તેઓના જ મતવિસ્તારના મોકસી ગામે ગ્રામપંચાયતમાં ગેરરીતી થયા હોવાના ગંભીર આક્ષેપો સાથેનો પત્ર જીલ્લા વિકાસ અધિકારીને લખીને તપાસની માંગણી કરી છે.

પ્રાપ્ત માહિતી અનુસાર વડોદરા જીલ્લાના સાવલી તાલુકાના મોકસી ગ્રામ પંચાયતના કેટલાક સભ્યો તેમજ ગ્રામજનોએ મોકસી ગ્રામ પંચાયતમાં થયેલી કથિત ગેરરીતી અંગે ધારાસભ્ય કેતન ઈનામદારને ફરિયાદ કરી હતી. જે ફરિયાદના આધારે ધારાસભ્યએ મોકસી ગ્રામ પંચાયતના બેંક સ્ટેટમેન્ટ અને આકારણીની તપાસ કરવા માટે જીલ્લા વિકાસ અધિકારીને પત્ર લખ્યો છે. ધારાસભ્યએ પત્રમાં જણાવ્યું છે કે, “તલાટી અને સરપંચ દ્વારા ગ્રામ પંચાયતના વહીવટમાં ગેરરીતી આચરવામાં આવી હોય તેમ જણાવેલ છે. પંચાયતના બેંક એકાઉન્ટની ડીટેલ્સ જોતા સરપંચ તથા તલાટીના મળતીયાઓના નામના ચેકો ઉપાડી વહીવટ કરેલ છે. અને પંચાયતની વેરા પાવતીઓ જોતા સરપંચ તલાટીના અંગત વ્યકિતઓના વેરા ઓછા કાપી ખરેખર ઝુપડપટ્ટીમાં રહેતા લોકોને મોટી રકમની પાવતીઓ આપેલ છે. અને ઉઘરાવેલ વેરાઓ પણ જમાં કરાવેલ નથી. આ બાબતે અંગત રસ લઈ સમગ્ર તાલુકામાં ગ્રામપંચાયતના વહીવટ કરતા સરપંચ/તલાટીઓ ઘ્વારા કરેલ ઉચાપતની તપાસ કરવી ખરેખર ઉચાપત થયેલ હોય તો કસુરવારો ઉ૫૨ કાયદાકીય તટસ્ત કાર્યવાહી કરવી તથા ભવિષ્યમાં કોઈ પણ ગ્રામપચાયત ધ્વારા ગેરવહીવટ ન થાય તેની તકેદારી રાખવા સૂચનાઓ આપવી.”

ધારાસભ્યએ ગ્રામ પંચાયતના વહીવટમાં થયેલી ગેરરીતી અંગે લખેલા પત્રથી સાવલી પંથકમાં ચર્ચા જાગી છે. પંચાયતના કથિત ગેરવહીવટ માટે ગ્રામજનોએ ધારાસભ્યને રજૂઆત કરી હોય તેવા ઘણા કિસ્સાઓ ભૂતકાળમાં બન્યા છે. જોકે આવા કિસ્સાઓમાં ધારાસભ્ય દ્વારા સંબંધિત અધિકારીને મૌખિક સૂચન આપવામાં આવતું હોય છે. ધારાસભ્ય પોતે ગ્રામ પંચાયતના વહીવટની તપાસ માટે અધિકારીને પત્ર લખે તેવો કિસ્સો જવલ્લે જ જોવા મળે છે.

Continue Reading

Trending