વડોદરા શહેરના તરસાલી વિસ્તારમાં કાળજુ કંપાવી નાખે તેવી ઘટના સામે આવી છે જેમાં ઘરના મોભીએ પિતા પત્ની તેમજ પુત્રને શેરડીના રસમાં ઝેરી દવા પીવડાવી દીધા બાદ પોતે પણ ઝેરી દવા ગટગટાવીને આપઘાતનો પ્રયાસ કર્યો હતો. જ્યારે સમગ્ર ઘટનામાં હાલ પોલીસે તપાસ શરૂ કરી છે.

પ્રાપ્ત માહિતી અનુસાર, શહેરના તરસાલી વિસ્તારમાં રહેતા ચેતનભાઇ સોની દ્વારા શેરડીના રસમાં ઝેરી દવા ભેળવીને તેમના પત્ની બિંદુબેન સોની પિતા મનોહરલાલ સોની તેમજ પુત્ર આકાશ સોનીને ઝેરી દવા પીવડાવી દીધી હતી. જ્યારે દવાની અસરથી પિતા મનોહરલાલ સોની તેમજ પત્ની બિંદુબેન સોનીનું અવસાન થતાં પોલીસને જાણ કર્યા વિના જ બંનેના અંતિમ સંસ્કાર કરી દીધા હતા. જ્યારે જીવન અને મરણ વચ્ચે ઝોલા ખાતા પુત્ર આકાશ સોની ને સારવાર અર્થે સયાજી હોસ્પિટલ ખાતે ખસેડવામાં આવ્યા હતા.

ઘરમાં અચાનક બે વ્યક્તિઓના મોત નીપજવા અને પુત્રને સારવાર અર્થે ખસેડતા અસામાન્ય ઘટનાની જાણ સ્થાનિકોએ પોલીસને કરી હતી જ્યારે પોલીસે સમગ્ર ઘટના મામલે ચેતનભાઇને પૂછપરછ માટે બોલાવ્યા હતા. પોલીસ પૂછપરછ બાદ ચેતન સોનીએ પણ ઝેરી દવા ગટગટાવી દેતા તેઓને પણ સારવાર અર્થે હોસ્પિટલમાં ખસેડવામાં આવ્યા છે. હાલ ચેતન સોની તેમજ પુત્ર આકાશ સોનીની હાલત ગંભીર હોવાનું જાણવા મળી રહ્યું છે. જ્યારે પોલીસે ચેતનભાઇ સોની વિરોધ હત્યાની કલમ હેઠળ ગુનો દાખલ કર્યો છે.

ચેતનભાઇએ કયા સંજોગોમાં સમગ્ર પરિવારને ઝેરી દવા પીવડાવી તે હાલ પોલીસ જાણી શકી નથી. પરંતુ પોલીસની જાણ બહાર પોસ્ટ મોર્ટમ કરાવ્યા વિના જ પત્ની અને પિતાનો અંતિમ સંસ્કાર કરી દેવામાં આવ્યો છે. ચેતનભાઇ જે ઘરે ભાડે રહેતા હતા તે ઘરની બહાર ગ્રીલ પર પત્ની અને પિતાની અસ્થિ કળશ લટકાવેલા જોવા મળી રહ્યા છે. જ્યારે પુત્ર આકાશ અને હત્યારા પિતા ચેતન સોની હાલ સયાજી હોસ્પિટલમાં સારવાર લઈ રહ્યા છે.

આ સમાચાર સતત અપડેટ થઈ રહ્યા છે..

વડોદરા જિલ્લામાં બેફામ ગતીએ વિફરેલા સાંઢ ની જેમ દોડતા ડમ્પરો અત્યાર સુધી અનેક લોકોને કાળનો કોળીયો બનાવી ચુંક્યાં છે અને પોલીસ તંત્ર પણ આ વિફરેલા સાંઢની માફક દોડતા ડમ્પર ચાલકો પર લગામ લગાવવામાં નિષ્ફળ સાબિત  થઇ રહ્યું છે ત્યારે સાવલી તાલુકામાં બેફામ ગતીએ દોડી રહેલ ડમ્પર ચાલકે બાઈક પર સવાર થઇ નાના ભાઈને મામાના ઘરે મુકવા જતા સગાં ભાઈઓની બાઈકને અડફેટે લેતા બને સગાં ભાઈઓનું ઘટના સ્થળે ઉપર કમકમાટીભર્યું મોત નીપજ્યું હતું

આ અંગે પ્રાપ્ત માહિતી અનુસાર વડોદરા જિલ્લાના સાવલી તાલુકામાં લોટના ગામે રહેતા 21 વર્ષીય ધર્મકુલ રાજેન્દ્ર સિંહ પરમાર તેના 17 વર્ષીય નાના ભાઈ તુષાર રાજેન્દ્ર સિંહ પરમાર સાથે બાઈક પર સવાર થઇ મામાના ઘરે મુકવા જઈ રહ્યો હતો દરમિયાન સમલાયા ગાંગડીયા રોડ પર વિફરેલા સાંઢ ની માફક આવી રહેલ ડમ્પર ચાલકે તેમની બાઈકને અડફેટે લેતા બને સગા ભાઈઓ હવામા ફંગોળાઈ જમીન પર પટકાતા બને ભાઈઓને ગંભીર ઇર્જાઓ પહોંચતા તેમનું ઘટનાસ્થળે ઉપર કરૂણ મોત નિપજતા પરિવારમાં માતમ છવાઈ ગયો હતો

વડોદરા જિલ્લામાં બેફામ ગતિએ વિફરેલા સાંઢ ની માફક દોડી  રહેલ ડમ્પરે સર્જેલા ગોઝારા અકસ્માતના પગલે લોકટોળા ઘટના સ્થળે ઉમટી પડ્યા હતા અકસ્માત અંગેની જાણ સાવલી પોલીસને થતા પોલીસ કાફલો ઘટના સ્થળે દોડી આવ્યો હતો અને બને સગા ભાઈઓના મૃતદેહને સાવલી જન્મોત્રી સામુહિક આરોગ્ય કેન્દ્ર ખાતે પીએમ અર્થે ખસેડી અકસ્માત સર્જી ઘટના સ્થળે ડમ્પર મૂકી ફરાર થઇ ગયેલ ડમ્પર ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.

આતંકી સંગઠન સાથે સંકળાયેલા સિમિના 12 માથાભારે શખસોને શોધી કાઢવા શહેર પોલીસે ગતિવિધિઓ તેજ કરી દીધી છે. લોકસભાની સામી ચૂંટણીએ જ્યારે શહેરમાં કાયદો અને વ્યવસ્થા જળવાઈ રહે તે માટે શહેર પોલીસ એક્ટિવ મોડમાં છે ત્યારે સ્ટૂડન્ટ્સ ઈસ્લામિક મુવમેન્ટ ઓફ ઈન્ડિયા (સિમિ)ના 12 ભાગેડુઓને શોધવાના ભાગરૂપે કલેક્ટર કચેરી ખાતે નોટિસ ચોટાડાઈ છે. જેમની શહેર પોલીસે શોધખોળ તેજ કરી છે.

આગામી તા.7મી મેના રોજ વડોદરા લોકસભાની ચૂંટણી યોજાવાની છે અને તેને લઈને વડોદરા જિલ્લા ચૂંટણી તંત્રની સાથે શહેર-જિલ્લા પોલીસ પણ કાયદો અને વ્યવસ્થા જળરાઈ રહે તે માટે કમર કસેલી છે. ખાસ કરીને વડોદરામાં વાહન ચેકિંગથી માંડીને રાત્રી પેટ્રોલિંગ સહિતની કામગીરી કડક કરી દેવાઈ છે. ત્યારે બીજી તરફ આતંકી સંગઠન સાથે સંકળાયેલા સ્ટૂડન્ટ્સ ઈસ્લામિક મુવમેન્ટ ઓફ ઈન્ડિયા નામના વોન્ટેડ 12 શકમંદોને લઈને ગેઝેટમાં નોટીફિકેશન પ્રસિદ્ધ કરાયુ છે. જે 12 શકમંદો વડોદરા શહેરના રહેવાસી હોવાથી દિલ્હી હાઈકોર્ટ બિલ્ડિંગ ખાતે આવેલા અનલોફૂલ એક્ટિવિટિસ ટ્રીબ્યુનલ દ્વારા વડોદરા શહેરની કલેક્ટર કચેરી ખાતે નોટિસ બોર્ડ પર નામ- ફોટા સાથેની યાદી લગાવાઈ છે.

કલેક્ટર કચેરીના નિવાસી અધિક કલેક્ટર ડૉ. બી. એસ. પ્રજાપતિની ઓફિસની બહાર નોટિસ બોર્ડ પર લગાવેલી યાદી મુજબ, તે તમામ 12 સિમિના શકંમદોની યાદીમાં સૌથી ટોપમાં વાડીનો ડૉ. સદાબ પાનવાલા છે. જે બી.એચ.એમ.એસ. ડોક્ટર છે. જ્યારે નાની છીપવાડનો રહેવાસી મહંમદ હનીફ ગુલામ મોયુદિન શેખ એમ.એસ. યુનિવર્સિટીમાં બી.એસ. સી.નો અભ્યાસ કરેલો છે. જયારે યાકુતપુરાનો અલ્તાફ હુસેન મહંમદહુસેન શેખ એમ.કોમ. ભણેલો છે અને તેની સામે અમદાવાદના સેટેલાઈટ પોલીસ સ્ટેશનમાં ૨૦૦૩માં એક્ષપ્લોઝીવ સબટન્સ એક્ટ હેઠળ તેમજ હાફ મર્ડરનો પણ ગુનો નોંધાયેલો છે.