Connect with us

Vadodara

અનાજના વેપારી ઘરે થી દવા લેવા નીકળ્યા અને ચક્કર આવતા મોત ને ભેટ્યા, હાર્ટ એટેકથી મોત નીપજ્યું હોવાનું પ્રાથમિક તારણ

Published

on

રાજ્યભરના મોટાભાગના મહાનગરોમાં છેલ્લા ઘણા સમયથી યુવાવસ્થામાં તેમજ બાળ અવસ્થામાં કેટલાક લોકોને હૃદય રોગના હુમલા આવવાના કારણે મોત નિપજ્યા છે. જે વિષય ઘણો ચિંતાજનક છે. ત્યારે ગતરોજ વડોદરા શહેરના કલાલી વિસ્તાર માં રહેતા અનાજના વેપારી ઘરે થી દવા લેવા નીકળ્યા અને રસ્તામાં હ્ર્દય રોગનો હુમલો આવતા તેમને સારવાર મળે તે પહેલા જ તેમનું મોત નીપજ્યું હતું. જોકે મોત નું ચોક્કસ કારણ જાણવા પીએમ કરાવવા માં આવ્યું છે.

પ્રાપ્ત માહિતી અનુસાર વડોદરા શહેરના કલાલી વિસ્તારમાં આવેલ વેદાંત લાઈફ સ્ટાઇલ માં પરિવાર સાથે રહેતા 56 વર્ષીય અનાજના વેપારી અનિલભાઈ ઠક્કર ગતરોજ દવા લેવા માટે મોટરસાયકલ લઇને ઘરે થી નીકળ્યા હતા. અનિલભાઈ હજુ તો સોસાયટીના દરવાજાની પાસે જ પહોંચ્યા હતા અને તેમને ચક્કર આવતા મોટરસાયકલ સાઈડ પર કરી પરિવારજનો ને ફોન કરીને બોલાવ્યા હતા.

Advertisement

અનિલભાઈ એ ફોન કરી તેમની તબિયત લથડી હોવાની જાણ કરતા પરિવારજનો તાત્કાલિક સોસાયટીના ગેટ પાસે પહોંચી અનિલભાઈને સારવાર અર્થે નજીકની ખાનગી હોસ્પિટલમાં લઇ ગયા હતા. પરંતુ અનિલ ભાઈ ને સારવાર મળે તે પહેલા જ તેઓનું મોત નીપજ્યું હોય તબીબોએ તેમને મૃત જાહેર કરતા ગણતરીની મિનિટોમાં જ પરિવારના મોભી ને ગુમાવી દેતા પરિવારજનોમાં માતમ છવાઈ ગયો હતો. પ્રાથમિક તારણ અનુસાર અનિલ ભાઈનું મોત હાર્ટ એટેકથી થયું હોવાની આશકા છે. જેથી તેમના મોતનું ચોક્કસ કારણ જાણવા માટે પી.એમ. કરાવવામાં આવ્યું છે.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Vadodara

અમરનાથ યાત્રા માટે જરૂરી મેડીકલ કરાવવા માટે જમનાબાઈ હોસ્પીટલે યાત્રાળુઓની ભીડ ઉમટી

Published

on

બાબા બર્ફાનીના અમરનાથ ધામના દર્શન માટે જરૂરી મેડીકલ સર્ટીફીકેટ માટેના હેલ્થ ચેકઅપ આજથી શરુ કરી દેવામાં આવ્યા છે. શહેરના માંડવીની જમનાબાઈ હોસ્પીટલમાં મેડીકલ ઓફિસરની ઉપસ્થિતિમાં શ્રદ્ધાળુઓના મેડીકલ ચેકઅપ કરવામાં આવી રહ્યા છે. જ્યાં આજે પ્રથમ દિવસે મોટી સંખ્યામાં યાત્રાળુઓનો ધસારો અહી જોવા મળ્યો હતો. જોકે માત્ર 50 ટોકન જ આપવામાં આવતા યાત્રાળુઓ રોષે ભરાયા હતા.

Advertisement

અમરનાથ યાત્રામાં જવા માટે મેડીકલ ફિટનેસના પ્રમાણપત્રની જરૂર પડે છે. જેના માટે શ્રધ્ધાળુઓએ આધારકાર્ડની ઝેરોક્ષ અને યાત્રા માટે મેડિકલ ચેકઅપનું ફોર્મ સાથે રાખીને મેડીકલ ચેકઅપ કરાવવાનું હોય છે. તંત્ર દ્વારા અગાઉથી જ જાહેરાત કરવામાં આવી હતી કે શહેરના જમનાબાઈ હોસ્પિટલમાં વહેલા તે પહેલા ધોરણે 50 ટોકન આપવામાં આવશે, જોકે આજે 50 થી વધુ શ્રદ્ધાળુઓ મેડીકલ ફિટનેસ સર્ટીફીકેટ માટે આવી પહોચ્યા હતા.
આ વર્ષે લગભગ 29 જુનથી અમરનાથ યાત્રાનો પ્રારંભ થવાનો છે. જે માટે મેડીકલ ચેકઅપ શરુ કરવામાં આવ્યું છે. આજે પહેલા દિવસે મોટા પ્રમાણમાં શ્રદ્ધાળુઓ મેડીક ચેકઅપ માટે આવી પહોચ્યા હતા. કપરા ચઢાણમાં ઓક્સીજન લેવલ ઘટી જવાની તકલીફોને કારણે મેડીકલ કરાવવું ફરજીયાત છે ત્યારે આજે પહેલા દિવસે નિયત સંખ્યા કરતા પણ વધુ શ્રદ્ધાળુઓ આવી જતા અવ્યવસ્થા સર્જાઈ હતી.

Advertisement

ટોકન લેવા યાત્રાળુ મહિલા ડીમ્પલ ગોસ્વામીએ જણાવ્યું હતું કે,50 ટોકન સામે 100થી 200 લોકો આવી ગયા છે. અને ભારે ધક્કામુક્કી અને ભીડ સર્જાઈ છે. ભીડના કારણે બ્લડપ્રેશર પણ હાઈ થઇ જાય છે. અને ત્યાર બાદ મેડીકલ ચેકઅપ દરમિયાન બ્લડ પ્રેશર નોર્મલ ન હોય તો ફિટનેસ સર્ટિફિકેટ મળતું નથી. જેથી કોઈ યોગ્ય વ્યવસ્થા કરવી જોઈએ.
બીજી તરફ છેલ્લા 20 વર્ષથી અમરનાથ યાત્રાએ જતા અર્ચેસ ગોસ્વામીએ જણાવ્યું હતું કે, 20 વર્ષથી અમરનાથ યાત્રામાં જેટલી તકલીફ નથી પડતી તેટલી તકલીફ ફક્ત મેડીકલ સર્ટીફીકેટ લેવામાં પડે છે. યાત્રા દરમિયાન તમામ વ્યવસ્થાઓ હોય છે. જોકે યાત્રા પહેલાના પેપર વર્કમાં યાત્રાળુઓને ધક્કા ખવડાવીને થકાડી દેવામાં આવે છે.

યાત્રાળુઓને પડેલી તકલીફ બાબતે જમનાબાઈ હોસ્પિટલના મેડીકલ ઓફિસર ડો. પ્રકાશ ચૌહાણે મીડિયા સાથે વાતચીત કરતા જણાવ્યું હતું કે, અગાઉથી જ જાણ કરેલી છે કે, રોજના માત્ર 50 ટોકન જ આપવામાં આવશે તેમ છતાય જાગૃતતાના અભાવે આજે ભીડ ઉમટી આવી છે. જમનાબાઈ હોસ્પીટલમાં માર્યાદિત સ્ટાફ છે જેથી ટોકનની સંખ્યા પણ માર્યાદિત છે. શહેરની સયાજી હોસ્પિટલ ને ગોત્રી મેડીકલ કોલેજ ખાતે પણ યાત્રાળુઓ માટે મેડીકલ ફિટનેસ સર્ટીફીકેટની સુવિધા ઉપલબ્ધ છે. અને ત્યાં પુરતો સ્ટાફ હોવાને કારણે વધુ લોકો પોતાનું મેડીકલ કરાવી શકે છે. જેમ જેમ જાગૃતતા વધશે તેમ તેમ અહિયાં ભીડ ઓછી થશે

Advertisement

Continue Reading

Vadodara

વડોદરામાં વેચાતુ પતંજલી ગાયનું ઘી, ન્યુટ્રાસ્યુટીકલ સહિતના 11 ખાદ્ય પદાર્થોના નમૂના સબ-સ્ટાન્ડર્ડ જાહેર થયા

Published

on

વડોદરા મ્યુનિસિપલ કોર્પોરેશન દ્વારા શહેરનાં જુદા-જુદા વિસ્તારોમાંથી ખાધ પદાર્થોનાં શંકાસ્પદ નમુનાઓ લેવામાં આવેલ હતા. જેમાં દવાની એજન્સી, ઉત્પાદક પેઢીઓ તેમજ નાની મોટી દુકાનોમાંથી લેવામાં આવેલા ખાધ પદાર્થો સહીત ન્યુટ્રાસ્યુટીકલ પ્રોડકટસ તેમજ પેકેજ ડ્રીંકીંગ વોટરના શંકાસ્પદ નમુનાઓની ચકાસણી કરતા 11 જેટલા નમુનાઓ નાપાસ જાહેર થયેલ છે.

Advertisement

વડોદરા મહાનગર પાલિકાના ફૂડ વિભાગના ફૂડ સેફટી ઓફીસરો દ્વારા શહેરના વિવિધ વિસ્તારોમાં ચેકિંગ હાથ ધરવામાં આવ્યું હતું. આ કામગીરી દરમિયાન ટીમ દ્વારા ન્યુટ્રાસ્યુટીકલ પ્રોડકટસ, ઘી તેમજ પેકેજ ડ્રીંકીંગ વોટર સહીત અનેક  ખાદ્ય વસ્તુઓના સેમ્પલ લઈને ટેસ્ટિંગ માટે લેબોરેટરીમાં મોકલ્યા હતા. જેમાં 11 નમુનાઓ નાપાસ જાહેર થયેલ છે. આ 11 નમુનાઓ સબ-સ્ટાન્ડર્ડ જાહેર કરવામાં આવ્યા છે. જેમાં પતંજલિ ગાયનું ઘી, મહીસાગરનું પ્રીમિયમ ગાયનું ઘી, સુકુનનુ પ્રીમિયમ ઘી, પ્રસંગનું પ્રીમિયમ ગાયનું ઘી તેમજ હેલ્થ સપ્લિમેન્ટ, પેકેજ ડ્રીંકીંગ વોટર અને ન્યુટ્રાસ્યુટીકલ પ્રોડકટસનો સમાવેશ થાય છે.

Advertisement

વડોદરા શહેરમાં વારસીયા, રાવપુરા, નિઝામપુરા, તરસાલી, ગોરવા, છાણી, કાલુપુરા તેમજ હાથીખાના સહીત અલગ અલગ જગ્યાએ ફૂડ સેફટી ઓફીસરો દ્વારા દવાની એજન્સીઓ, ઉત્પાદક પેઢીઓ અને દુકાનોમાંથી પેકેજ ઘી, ડ્રીંકીંગ વોટર અને ન્યુટ્રાસ્યુટીકલ પ્રોડકટસના 11 જેટલા શંકાસ્પદ નમુના લેવામાં આવ્યા હતા. આ નમૂનાઓને પૃથકકરણ અર્થે ખોરાક અને ઔષધ નિયમન તંત્રમાં મોકલી આપવામાં આવ્યા હતા. જેના રિપોર્ટમાં 11 જેટલા નમૂનાઓ અપ્રમાણસર સબ-સ્ટાન્ડર્ડ જાહેર કરેલ છે.

ત્યારે હવે નાપાસ થયેલા નમુના જે દુકાનો, દવાની એજન્સીઓ તેમજ ઉત્પાદક પેઢીઓમાંથી લેવામાં આવ્યા હોય તેઓની સામે ફુડ સેફટી એન્ડ સ્ટાન્ડર્ડ એકટ અંતર્ગત વધુ કાયદેસરની કાર્યવાહી હાથ ધરવામાં આવશે.

Advertisement

Continue Reading

Vadodara

વડોદરાના મકરપુરા જાંબુઆ પાસે હિટ એન્ડ રન નો બનાવ યમ બનીને આવેલ કારે રિક્ષાને જોરદાર ટક્કર મારતા ગમખ્વાર અકસ્માત રીક્ષા ચાલકનું મોત નીપજ્યું

Published

on


વડોદરાના મકરપુરા જાંબુઆ પોલીસ ચેકપોસ્ટ પાસે હિટ એન્ડ રન નો બનાવ બન્યો છે. જેમાં યમ બનીને આવેલી એક કારે રિક્ષાને જોરદાર ટક્કર મારતા અકસ્માત સર્જાયો હતો. આ ગમખ્વાર અકસ્માતમાં રીક્ષા ચાલકનું મોત નીપજ્યું છે. જયારે કાર ચાલક અકસ્માત સર્જી ફરાર થઇ ગયો છે.

Advertisement

પ્રાપ્ત માહિતી અનુસાર, મકરપુરા જાંબુઆ પોલીસ ચેકપોસ્ટની સામે જ હિટ એન્ડ રનનો બનાવ બન્યો હતો. જેમાં પોલીસની નજર સામે જ એક કાર ચાલકે પુરપાટ ઝડપે આવી રિક્ષાને અડફેટે લીધી હતી. આ ટક્કર એટલી ખતરનાક હતી કે આખી રીક્ષા હવામાં ફંગોળાઈ ગઈ હતી. આ અકસ્માતમાં રીક્ષા ચાલકનું ઘટના સ્થળે જ કમકમાટી ભર્યું મોત થયું છે.

Advertisement

તો બીજી તરફ કાર ચાલક પણ અકસ્માત સર્જી ઘટન સ્થળે થી નાસી છૂટ્યો છે. મૃતક રીક્ષા ચાલક પર આખા ઘરનું ગુજરાન ચાલતું હતું. રીક્ષા ચાલકના મોત થી તેમના પરિવાર પર જાણે આભ ફાટી પડ્યું હોય તેવી સ્થિતિ સર્જાઈ છે. ત્રણ સંતાનોના પિતા અકસ્માતમાં મોતને ભેટતા સંતાનોએ પિતાની છત્રછાયા ગુમાવી દીધી છે. આ હિટ એન્ડ રનના બનાવને પગલે પોલીસે વધુ તાપસ હાથ ધરી છે.

Advertisement
Continue Reading
Advertisement

Trending