વિધર્મી સાથે મૈત્રી કારરથી રહેતા વડોદરા જિલ્લાના ચર્ચાસ્પદ બનેલા મહિલા કોન્સ્ટેબલનું ફરી એક વાર ડભોઇ તાલુકાના મોટા હબીપુરા ગામેથી અપહરણ થયા હોવાની ઘટના સામે આવી છે. જ્યારે ડભોઇ પોલીસે 15 જેટલા શખ્સો આમે અપહરણ અને રાયોટિંગનો ગુન્હો નોંધીને વધુ તપાસ હાથ ધરી છે.

થોડા સમય આગાઉ ડેસર પોલીસ સ્ટેશનમાં ફરજ બજાવતા મહિલા કોન્સ્ટેબલ મણીબેન ચૌધરીના અપહરણની ઘટનાએ ચકચાર મચાવી મૂકી હતી. પોલીસ કર્મચારીનું અપહરણ થાય તો સામાન્ય જનતાની સુરક્ષા કોણ કરશે તેવા પ્રશ્નો પણ ઉભા થયા હતા. જ્યારે હાલ મહિલા કોન્સ્ટેબ મણીબેન ચૌધરી રાજકોટ સિટીમાં ફરજ બજાવે છે. ત્યારે ડભોઇ તાલુકાના મોટા હબીપુરા ગામે મુસ્લિમ યુવક સાથે રહેતા મણીબેનનું ફરીએક વાર અપહરણ થઈ ગયું હોવાની ઘટના સામે આવી છે.

હબીપુરા ગામના સદ્દામહુસેન સિકંદરખાન ગરાસિયા સાથે કોન્સ્ટેબલ મણીબેન ચૌધરી મૈત્રી કરાર આધારે સાથે રહે છે. આજે સવારે જ્યારે મણીબેન તેઓના ઘરે હતા ત્યારે 15 જેટલા શખ્સો મારક હથિયારો સાથે ઘરમાં ધસી આવ્યા હતા. એક વ્યક્તિના હાથમાં ગુપ્તિ જેવું હથિયાર હતું જયારે કેટલાક ઈસમો પાસે બેઝબોલ સ્ટીક હતી. દરવાજો તોડીને ઘરમાં પ્રવેશેલા હુમલાખોરોએ મહિલા કોન્સ્ટેબલના પુરુષ મિત્ર સદ્દામહુસેનને માર માર્યો હતો. અને મણીબેનને ઉઠાવીને પાલયન થઈ ગયા હતા. સમગ્ર ઘટના અને સદ્દામહુસેન ગરાસિયાએ 15 જેટલા અજાણ્યા શખ્સો સામે ડભોઇ પોલીસ મથકે અપહરણ અને રાયોટિંગનો ગુન્હો નોંધાવ્યો છે. જ્યારે પોલીસે અપહરણકારોની શોધખોળ હાથ ધરી છે.

મહત્વનું છે કે અગાઉ પણ ડેસર પોલીસ મથક માંથી મણીબેન ચૌધરીનું અપહરણ થઈ ચૂક્યું છે. જે ઘટનામાં પણ હજી પોલીસે આરોપીઓ મળ્યાં નહીં એક પોલીસ કોન્સ્ટેબલનું જો અપહરણ થઈ જતું હોય અને પોલીસને ગુન્હેગારો મળતા ન હોય તો સામાન્ય નાગરિકોની શું વિસાત?

જિલ્લા પંચાયતના સભ્યોની ટીમ દ્વારા વર્ષ 1995ની તા. 24 સપ્ટેબર ના રોજ પાણીગેટ પોલીસની સાથે રાખી ભરવાડોના દબાણ દૂર કરવાની કામગીરી કરતા સમયે હુલ્લડ થતા પોલીસે ટીયરગેસ અને લાઠીચાર્જ સહીત 8 રાઉન્ડ ફાયરિંગ કરવાની ફરજ પડી હતી. જે હુલ્લડના બનાવમાં પાણીગેટ પોલીસે હાલના ભાજપના ધારાસભ્ય શૈલેષ મહેતા (સોટ્ટા) સહિત કુલ 28 આરોપી સામે રાયોટિંગ તથા હત્યાની કોશિશનો ગુનો નોંધી ચાર્જશીટ દાખલ કરવામાં આવી હતી. આ કેસ સેશન્સ કોર્ટમાં ચાલી જતા શૈલેષ મહેતા તથા અન્ય પાંચને 1 વર્ષની સજા થઇ હતી.

હુલ્લડના કેસમાં આરોપી થયેલ શૈલેષ મેહતા તે સમયે વાઘોડિયા રોડના કોંગ્રેસના કોર્પોરેટર હતા હાલ તેઓ ભાજપના ધારાસભ્ય છે. હુલ્લડના કેસ માં તેમના સહીત અન્ય આરોપી ઓની પણ પોલીસ દ્ધારા ધરપકડ કરવામાં આવી હતી. આ કેસ સેશન્સ કોર્ટમાં ચાલી જતા કોર્ટે શૈલેષ મહેતા સહિત 6 આરોપીઓને 27મી સપ્ટેમ્બર 2000ના રોજ એક વર્ષની સજાનો હુકમ કર્યો હતો. જે ચૂકાદો હાઇકોર્ટમાં પડકારતા હતો. આજે ધારાસભ્ય શૈલેષ મહેતા તથા અન્ય આરોપીઓની અપીલ ચાલી જતા તેઓના વકીલ તરફે થયેલ રજૂઆતો અને દલીલો ગ્રાહ્ય રાખી શૈલેષ મહેતા સહિત 6 આરોપીઓને નિર્દોષ છોડી મુકવાનો હુકમ કર્યો હતો જેથી 28 વર્ષ જૂના કેસમાં તેઓને મોટી રાહત મળી છે.