પગાર ચૂકવવામાં થયેલ ભેદભાવને લઈ આશાવર્કર બહેનોએ મ્યુનિસિપલ કમિશનરને કરી રજૂઆત

પગાર વધારાની લાંબી લડત બાદ આશા વર્કર બહેનોના પગારમાં રાજ્ય સરકાર દ્વારા વધારો કરાયો છે ત્યારે વડોદરા મહાનગરપાલિકા માં કામ કરતી આશા વર્કરો ના પગારની ચુકવણીમાં થઈ રહેલ ભેદભાવને લઈ શુક્રવારે આશા વર્કર બહેનોએ મ્યુનિસિપલ કમિશનર ગેટની બહાર બેસી ગઈ થાળી વાટકી વગાડી રામધૂન કરી કોર્પોરેશન કમિશનરને આયોજનપત્ર આપી રજૂઆત કરી હતી

રાજ્યમાં ફરજ બજાવતી આશા વર્કર બહેનો દ્વારા પગાર વધારાની માંગીને લઈ લાંબી લડત ચલાવવામાં આવી હતી જે લડત બાદ રાજ્ય સરકાર દ્વારા આશા વર્કર બહેનોના પગારમાં વધારો કરાયો છે પરંતુ વડોદરા મહાનગરપાલિકા માં કામ કરતી આશા વર્કર બહેનોને પગાર ચૂકવવામાં ભેદભાવ થઈ રહ્યો છે.

વડોદરા મહાનગર સેવા સદનના આરોગ્ય અધિકારી દ્વારા પરિપત્ર પ્રસિદ્ધ કરી નોન શ્રમ વિસ્તારમાં રહેતી આશા વર્કર બહેનોને પગાર વધારો નહીં આપવાની જાહેરાત કરાઈ છે જેને લઇ નોન શ્રમ વિસ્તારમાં રહેતી આશાવર્કર બહેનો માં આરોગ્ય અમલદાર સામે રોષ જોવા મળી રહ્યો છે આશા વર્કર બહેનોએ એક સમાન કામ એક સમાન વેતનની રજૂઆત કરવા શુક્રવારે પાલિકાની કચેરીએ પહોંચ્યા હતા અને મ્યુનિસિપલ કમિશનરના મુખ્ય ગેટના દરવાજે જમીન પર બેસી થાળી વાટકા વગાડી રામધૂન કરી વિરોધ નોંધાયો હતો અને મ્યુ કમિશનરને રજુઆત કરી હતી. આશા વર્કર બહેનોની રજૂઆત અંગે મ્યુનિસિપલ કમિશનર 15 દિવસમાં સરકારના જી.આર. પ્રમાણે યોગ્ય કરી આપવાની ખાત્રી આપી હતી

સમાન વેતન સમાન પગાર ની માંગની સાથે પ્રિન્સિપલ કમિશનર કચેરીએ રજૂઆત કરવા આવેલી આશા વર્કર બહેનોએ 15 દિવસમાં યોગ્ય નિર્ણય નહીં લેવાય તો મ્યુનિસિપલ કમિશનર ગેટ ના દરવાજા ને તાળાબંધી કરવાની ચીમકી ઉચ્ચારી હતી