Connect with us

Vadodara

પ્રોહીબિશન, મારામારી અને રાયોટિંગના ગુન્હામાં સંડોવાયેલા ત્રણ આરોપીઓની PASA હેઠળ અટકાયત

Published

on

પ્રોહિબિશન, મારામારી તેમજ રાઇટીંગના ગુનામાં સંડોવાયેલા ત્રણ ઈસમોને વડોદરા શહેર પીસીબી શાખાએ પાસા હેઠળ અટકાયત કરી રાજ્યની વિવિધ જેલમાં મોકલી આપ્યા છે.

શહેરના મકરપુરા પોલીસમાં થોડા સમય પહેલા શહેર પીસીબી શાખા દ્વારા દરોડો પાડીને વિદેશી શરાબના બે ગણનાપાત્ર કેસ શોધી કાઢવામાં આવ્યા હતા. જે કેસમાં આરોપી પૂનમ ઉર્ફે પુનિયો મનહરભાઈ ભાલીયાને વોન્ટેડ જાહેર કરવામાં આવ્યો હતો. લાખોની કિંમતના ઝડપાયેલા વિદેશી શરાબમાં અંતે આરોપીની ધરપકડ કરવામાં શહેર પીસીબી શાખાને સફળતા મળી હતી જ્યારે પ્રોહિબિશનના ગુનાઓમાં સંડોવાયેલા પૂનમ ઉર્ફે પુનિયો મનહરભાઈ ભાલીયાની આજરોજ પીસીબી શાખાએ પાસા હેઠળ અટકાયત કરીને ભાવનગર મધ્યસ્થ જેલમાં મોકલી આપ્યો છે.

જ્યારે બીજા બનાવામાં મકરપુરા પોલીસ મથકમાં નોંધાયેલા પ્રોહિબિશનના ગુનામાં ઝડપાયેલા આરોપી ભાવેશ મનહરભાઈ પટેલ ની શહેર પીસીબી શાખાએ પાસા હેઠળ અટકાયત કરી છે. બુટલેગર ભાવેશ મનહરભાઈ પટેલ પર વડોદરા શહેર જિલ્લામાં 19 જેટલા પ્રોહીબિશન તેમજ જુગાર ધારાના કેસો નોંધાયેલા છે.આરોપી ભાવેશ પટેલની ધરપકડ કરીને શહેર પીસીબી શાખાએ તેને પાલનપુર મધ્યસ્થ જેલ ખાતે મોકલી આપ્યો છે.

ત્રીજા કિસ્સામાં વડોદરા શહેરમાં રખડતા ઢોરો પકડવા માટે વડોદરા મહાનગરપાલિકાની ઢોર પાર્ટીની આસપાસ મંડળી બનાવીને ગફલત ભરી રીતે મોટરસાયકલ હંકાળતા ગૌપાલક સામે નોંધાયેલા રાયોટીંગના ગુનાને લઈને પીસીબી શાખાએ પાસાનું હથિયાર ઉગામ્યું છે.

શહેરના સમાં વિસ્તારમાં ગણેશ નગરમાં રહેતા રોહિત રણછોડભાઈ ભરવાડ દ્વારા વડોદરા મહાનગરપાલિકાની ઢોર પાર્ટીની ટીમ સાથે ઘર્ષણમાં ઉતરી પથ્થરમારો કરીને પકડાયેલા ઢોર છોડાવી જવાની ઘટનામાં બે વખત રાયોટિંગનો ગુન્હો નોંધાયો હતો. જેને લઈને શહેર પીસીબી શાખાએ આરોપીની પાશા હેઠળ અટકાયત કરીને ભાવનગર મધ્યસ્થ જેલમાં મોકલી આપ્યો છે.

Vadodara

કંપનીઓ દ્વારા કરાતા આડેધડ પાર્કિંગના કારણે બાઇક સવારને મોત મળ્યું, ટેન્કર ચાલક અકસ્માત સર્જીને ફરાર

Published

on

આજરોજ બપોરના સમયે નંદેસરી ઔદ્યોગિક વસાહત માં બાઇક ચાલક ને ટેન્કર ચાલકે અડફેટે લેતા બાઈક સવારનું ઘટના સ્થળે જ મોત નીપજ્યું હતું. જ્યારે એક ઇજાગ્રસ્ત યુવકને સારવાર અર્થે મોકલી આપવામાં આવ્યો હતો.

નંદેસરી ઔદ્યોગિક વસાહતમાં આવેલ દીપક નાઈટ્રેટ તેમજ સીમાલીન કંપની દ્વારા રોડ રસ્તા ઉપર જ ટ્રાફિકને અડચણરૂપ પાર્કિંગ કરાતું હોવાથી ઘણીવાર મોટા અકસ્માતો સર્જાતા રહી ગયા છે.

પરંતુ આજ રોજ પાર્કિંગની ગેરવ્યવસ્થાના કારણે આણંદ જિલ્લામાં આવેલ નાપાડના બાબુભાઈ મોહમ્મદભાઈ રાઠોડનું ટેન્કર ચાલકની અડફેટે આવતા ઘટના સ્થળે જ કરુણ મોત નીપજ્યું હતું. બાબુભાઈ મોહમ્મદભાઈ રાઠોડ નંદેશરી સ્થિત ખાનગી વ્યક્તિના ત્યાં ડ્રાઇવરની નોકરી કરતા હતા.

દીપક નાઈટ્રેટ અને સીમાલીન જેવી કંપનીઓ દ્વારા કરાતા આડેધડ પાર્કિંગને કારણે રસ્તાઓ પર વાહનચાલકોને વાહન ચલાવવાનું મુશ્કેલ બને છે. તેવામાં પાર્કિંગની ગેરવ્યવસ્થાના કારણે આજે એક યુવકનું મોત નીપજ્યું છે. ઘટનાને પગલે નંદેસરી પોલીસ દોડી આવી હતી અને અકસ્માત સર્જી નાસી ગયેલ ટેન્કર ચાલક ની શોધખોડ આરંભી છે.

Continue Reading

Vadodara

“કોઇ પણ આંગણવાડીને મદરેસા નહી બનવા દઇએ” – દર્ભાવતી MLA શૈલેષ સોટ્ટા

Published

on

વડોદરા જીલ્લાના ડભોઇ તાલુકાના અંતિમ ગામ અને યાત્રાધામ તરીકે ઓળખાતા કરનાળીની આંગણવાડીમાં બાળકોને નમાઝ પઢાવ્યાની તસ્વીરો સોશિયલ મીડિયામાં વાયરલ થવા પામી છે. જેને લઇને રાજકીયમોરચે ખળભળાટ મચી જવા પામ્યો છે. સુત્રોના જણાવ્યા પ્રમાણે, ડભોઇના ધારાસભ્ય શૈલેષ સોટ્ટા દ્વારા આ અંગે શિક્ષણ મંત્રી સહિતના ઉચ્ચ પદાધિકારીઓનું ધ્યાન દોરવામાં આવ્યું છે. અને કહ્યું કે, કોઇ પણ આંગણવાડીને મદરેસા નહી બનવા દઇએ. આ અંગે ધર્મગુરૂ જ્યોતિર્નાથજીએ જણાવ્યું કે, બહુલક પ્રજા જ્યારે સનાતન ધર્મ સાથે જોડાયેલી છે, ત્યારે ઠંડા કલેજે ધર્માંતરણનો પગપેંસારો કરવા માટેના પ્રયાસો, તંત્ર કેમ ચુપ ? ડીંડોર સાહેબ શું કરે છે ? પાનશેરીયા સાહેબ શું કરે છે ? મુખ્યમંત્રી ભૂપેન્દ્ર પટેલ શું કરે છે ?

ડભોઇના કરનાળીની આંગણવાડીમાં બાળકોને નમાઝ પઢાવ્યાની તસ્વીરો સોશિયલ મીડિયામાં સામે આવતા ખળભળાટ મચી જવા પામ્યો છે. મામલાની ગંભીરતાને ધ્યાને લઇને ડભોઇના ધારાસભ્ય શૈલેષ સોટ્ટા દ્વારા આ અંગે શિક્ષણ મંત્રી સહિતના ઉચ્ચ પદાધિકારીઓનું ધ્યાન દોરવામાં આવ્યું છે.

ડભોઇના ધારાસભ્ય શૈલેષ મહેતા (સોટ્ટા)એ જણાવ્યું કે, ગઇ કાલે મારા ધ્યાને આવ્યું કે, કરનાળીના આંગણવાડીમાં ઇદનો તહેવાર કેવી રીતે ઉજવાય છે, તે રીતે બાળકો પાસે નમાઝ પઢાવવામાં આવી, માથે રૂમાલ બાંધીને બાળકોને નમાઝ કેવી રીતે પઢાય છે. અને ઇદનું મહત્વ શું છે તે બાબતનું જ્ઞાન આપવાનો પ્રયત્ન કરવામાં આવ્યો હતો. કરનાળી એટલે કુબેરભંડારીનું મંદિર, જ્યાં લાખો ભક્તોની આસ્થાનું કેન્દ્ર છે. આ ઘટના દુખદ અને ગંભીર છે. આંગણવાડીના સંચાલક દ્વારા આ વાતને ફેસબુક પર પ્રસિદ્ધી આપવામાં આવી છે. આની પર કાયદેસરના પગલાં લેવાની માંગ કરી છે. કુમળી વયના બાળકો છે, આ ઉંમરે તેમના મગજમાં જે નાંખવામાં આવે તેને સાચુ માનીને ચાલતા હોય છે. કરનાળીની આંગણવાડીમાં એક પણ બાળક મુસ્લિમ ધર્મનું નથી. અગાઉ જામનગરમાં આ પ્રકારની ઘટના સામે આવી હતી. કોઇ પણ આંગણવાડીને મદરેસા નહી બનવા દઇએ. જ્યાં પણ આવો બનાવ બનશે, તેને રોકવામાં આવશે.

ધર્મગુરુ જ્યોતિર્નાથજી જણાવે છે કે, વડોદરાના કરનાળી ગામે બાળકોને નમાઝ પઢાવી પર્વની ઉજવણી કરવાનું સામે આવ્યું છે. કરનાળી સનાતન ધર્મની પવિત્રભૂમી છે. ત્યાં આવા કૃત્ય કોની રહેમ રાહમાં થાય છે તે સૌથી મોટો પ્રશ્ન છે. હું એક જગ્યાની નથી વાત કરતો, જામનગરમાં પણ આંગણવાડીનો એક કિસ્સો છે, જેમાં તેમને ધાર્મિક વાતો શીખવાડમાં આવે છે. બહુલક પ્રજા જ્યારે સનાતન ધર્મ સાથે જોડાયેલી છે, ત્યારે ઠંડા કલેજે ધર્માંતરણનો પગપેંસારો કરવા માટેના પ્રયાસો, તંત્ર કેમ ચુપ ? ડીંડોર સાહેબ શું કરે છે ? પાનશેરીયા સાહેબ શું કરે છે ? મુખ્યમંત્રી ભૂપેન્દ્ર પટેલ શું કરે છે ? વડોદરા-જામનગરના કલેક્ટર ?

વધુમાં તેમણે જણાવ્યું કે, વડોદરા – જામનગરના શિક્ષણાધિકારીઓ ઉગ્ર પગલાં લે તેવી માગણી છે. ક્યાં કોઇને પણ બક્ષવામાં ન આવે. વારંવાર આવું થાય છે. સનાતન ધર્મની પ્રણાલીઓ પર થતી આવી કુઠારઘાતોને સહન કરવામાં નહી આવે, બાળમાનસો સાથે ખેલવાનું બંધ કરજો, નહિ તો વરવા પરિણામો બધાએ ભોગવવા પડશે.

Continue Reading

Vadodara

વડોદરા નેશનલ હાઇવે પર મોંઘીદાટ ગાડીઓમાં નબીરાઓનો સ્ટંટ કરતો વિડીયો વાયરલ

Published

on

વડોદરા નેશનલ હાઇવે પર નબીરાઓની સ્ટંટ બાજીનો વિડિયો વાયરલ થયો. જેમાં ચાર થી પાંચ મોંઘીદાટ ગાડીઓમાં સવાર થયેલ નબીરાઓ સ્ટંટ કરતા નજરે પડે છે. સામાન્ય જનતાને દંડ ફટકારતી પોલીસ સામે ફરી એકવાર સવાલો ઉઠ્યા.

વડોદરા નેશનલ હાઇવે પર એક સાથે 4 થી 5 કારે રોડ પર કબ્જે કર્યો હોય તેવો વિડિયો સોશિયલ મીડિયા પર વાયરલ થયો છે. જેમાં નબીરાઓએ સ્ટંટ કરી હાઇવે પર ફિલ્મી દ્રશ્યો તાજા કર્યા હતા. લક્સુરિયસ કારને હાઇવે પર વાંકીચૂકી ચલાવી દહેશત ઊભી કરી હતી. અવાર નવાર આવા નબીરાઓ હાઇવે પર આ પ્રકારના સ્ટંટ કરી લોકોના જીવ જોખમમાં મૂકે છે. પરંતુ આવા માલેતુજાર પરિવારના નબીરાઓ સામે પોલીસ મૂકપ્રેક્ષક બની ગઈ હોય તેવું જણાઈ આવે છે.

મહત્વનું છે કે, અગાઉ રાજ્યમાં એવા ઘણાય કિસ્સા બની ચુક્યા છે કે જેમાં સ્ટંટબાજી કરવામાં કે પછી ઓવર સ્પીડ પર ગાડી હંકારવવાના કારણે મોટી દુર્ઘટના બની હોય. જેમાં અમદાવાદમાં બનેલ તથ્યકાંડ બાદ ટ્રાફિક શાખાને કડકાઈ દાખવવા ગૃહ રાજ્ય મંત્રી હર્ષ સંઘવી દ્વારા સૂચના આપવામાં આવી હતી. પરંતુ તેમ છતાંય હજુ પણ પોલીસ દ્વારા કોઈ કડકાઈ ન કરવામાં આવતી હોય આવા નબીરાઓ બેફામ બનતા જઈ રહ્યા છે. જેથી પોલીસ દ્વારા આવા નબીરાઓ પર કડક વલણ દાખવવા માંગ ઉઠી છે.

Continue Reading

Trending