Connect with us

Vadodara

દિલ્હીથી વડોદરા આવતા વિમાનમાં બૉમ્બની માહિતી મળતા મુસાફરો ગઈકાલ રાતથી અટવાયા, બૉમ્બ ન મળતા મુસાફરો સહીત તંત્રએ રાહતનો શ્વાસ લીધો

Published

on



દિલ્હી થી વડોદરા આવતા વિમાનમાં બૉમ્બ હોવાની માહિતી મળતા ખળભળાટ મચી જવા પામ્યો છે. માહિતી મળતા જ તંત્ર દોડતું થઇ ગયું હતું. મુસાફરો સહીત અન્ય લોકોના જીવ પડીકે બંધાયા હતા. આખરે મોડી રાત સુધી ચેકીંગ કર્યા બાદ બૉમ્બ ન મળતા મુસાફરો સહીત તંત્રએ રાહતના શ્વાસ લીધા છે. દિલ્હી થી વડોદરા આવવાની ફ્લાઇટ આજે સવારે 10:15 કલાકે પ્રસ્થાન થશે.

Advertisement

પ્રાપ્ત માહિતી અનુસાર, ગઈકાલે મોડી રાત્રે એર ઇન્ડિયા ફ્લાઈટ AI-819માં બૉમ્બ હોવાની માહિતી મળતા નાસભાગ મચી ગઈ હતી. માહિતી ની જાણ થતા જ એન એસ જી કમાન્ડો, સીઆઈએસએફ, તેમજ સ્થાનીક પોલીસ બૉમ્બ સ્ક્વોડ સાથે તંત્ર દોડતું થયું હતું. અને ફ્લાઈટને 10 કિલોમીટર દૂર ગ્રાઉન્ડ કરવામાં આવી હતી.

Advertisement

બૉમ્બ હોવાની માહિતીના આધારે સુરક્ષાના ભાગરૂપે AI- 819ના યાત્રીઓને પ્રથમ દોઠ કલાક ફ્લાઈટમાં જ બેસાડી રાખવામાં આવ્યા હતા. આખરે મોડી રાત સુધી ચેકીંગ કર્યા બાદ બૉમ્બ ન મળતા તંત્ર અને યાત્રીઓએ રાહતનો શ્વાસ લીધો હતો. AI – 819 ફ્લાઈટમાં 180 યાત્રી વડોદરા આવવા સવાર થયા હતા. અને હવે બૉમ્બ હોવાની માહિતી થી કેન્સલ થયેલ ફ્લાઈટ આજે 10.15 કલાકે દિલ્હી થી વડોદરા આવવા પ્રસ્થાન થશે.

Advertisement
Continue Reading
Advertisement

Vadodara

ગંદા પાણીની ફરિયાદના પગલે પાલિકા તંત્રએ કૉમ્પ્લેક્ષની જ પાણીની લાઈન કાપી નાખતા ભર ઉનાળે 300 પરિવારોને હાલાકી

Published

on

શહેરના આજવા રોડ પર ખાતે આવેલ ફાતિમા કૉમ્પ્લેક્ષમાં છેલ્લા કેટલાક દિવસોથી ગંદુ પાણી આવતું હોવાના કારણે અહીંના રહીશોએ આ અંગે તંત્ર સમક્ષ ફરિયાદ કરી હતી. ત્યારે પાલિકાના કર્મચારીઓ અહીં આવીને પાણીની લાઈને કાપીને જતા રહેતા અંદાજે 300 જેટલા મકાનના રહીશોએ ભર ઉનાળે પાણી વિના ભારે હાલાકી વેઠવી પડી રહી છે.

https://www.instagram.com/reel/C7Lsk_HIb8P/?igsh=MWtmNHNlcnB4Y2lkYw==

શહેરના આજવા રોડ ખાતે આવેલ ફાતિમા કોમ્પ્લેક્સમાં હાલ પાણીની વિકટ પરિસ્થિતિ ઊભી થઈ છે. અહીંના રહીશોનું કહેવું છે કે, અમારે ત્યાં ગંદુ પાણી આવતું હતું જેથી અમે આ અંગે તંત્રને જાણ કરી હતી. ત્યારબાદ તંત્રએ અહીં આવી લાઈન ખરાબ હોવાનું જણાવી તે પાણીની લાઈન કાપી કાઢી છે અને ત્યારબાદ પાણી અપાતું બંધ થઈ ગયું છે. ભર ઉનાળે ત્રણ દિવસથી લોકોને પૂરતું પાણી મળતું નથી.

Advertisement

હાલ માત્ર અડધો કલાક પાણી આવે છે તે 300 જેટલા પરિવારોને પૂરું પાડી શકે તેમ નથી. અમારી માંગ છે કે, જ્યાં સુધી પ્રશ્નનું નિરાકરણ ના આવે ત્યાં સુધી રોજ કોર્પોરેશન પાણીનો બંબો મોકલી અમને તેનો પુરવઠો ઉપલબ્ધ કરાવે. અધિકારીઓએ એપાર્ટમેન્ટ તરફ આવતી મુખ્ય લાઈન તપાસવાના બદલે અમારા એપાર્ટમેન્ટની લાઈન કાપી નાખી છે તે ખોટું કર્યું છે.

Advertisement
Continue Reading

Vadodara

વડોદરાના સમા વિસ્તારના લોકોએ નોંધાવ્યો સ્માર્ટ મીટરોનો વિરોધ, મહિલાઓ સહીત અનેક લોકો MGVCL કચેરીની બહાર રસ્તા પર બેસી ગયા

Published

on

સ્માર્ટ સિટીના લોકો માટે સ્માર્ટ મીટરો માથાનો દુખાવો બની ગયા છે. એક તરફ વડોદરા શહેરમાં સ્માર્ટ પ્રીપેડ મીટરો લાગવાનું શરુ થઇ ગયું છે. ત્યાં બીજી તરફ છેલ્લા ઘણાય સમયથી ઠેર ઠેર આ સ્માર્ટ મીટરોનો ગ્રાહકો વિરોધ કરી રહ્યા છે. જે વિરોધ આજે પણ યથાવત જોવા મળ્યો.

Advertisement

શહેરમાં અલગ અલગ વિસ્તારોના લોકો દ્વારા સ્માર્ટ મીટરનો વિરોધ કરવામાં આવી રહ્યો છે. રોજે રોજ અલગ અલગ વિસ્તારોની MGVCL કચેરીની બહાર લોકોનો જમાવડો જોવા મળી રહ્યો છે. સ્માર્ટ મીટર હટાવી જુના મીટરો પાછા લાવવાની લોકો માંગ કરી રહ્યા છે. ત્યારે આજે ચોથા દિવસે સમા વિસ્તારના લોકો MGVCL કચેરી ખાતે પહોંચી સ્માર્ટ પ્રીપેડ મીટરોનો વિરોધ કરી રહ્યા છે. મહિલાઓ સહીત અનેક લોકો સમા MGVCL કચેરી સામે રસ્તા પર બેસી વિરોધ નોંધાવ્યો છે.

Advertisement

આ સ્માર્ટ મીટરમાં બીલ વધારે આવતું હોવાનો ગ્રાહકોએ આક્ષેપ કર્યો છે. તેમને એવો આક્ષેપ કર્યા છે કે, “અગાઉ 1500 થી 2000 રૂપિયા સુધીનું બીલ બે મહિને આવતું હતું જે સ્માર્ટ મીટરો લાગ્યા બાદ ફક્ત 15 જ દિવસમાં 6 હજારનું રિચાર્જ કરાવવું પડ્યું છે. જેથી નવા સ્માર્ટ મીટરો હટાવી જૂના મીટર પાછા લગાવવામાં આવે તેવી માંગ છે.”

Advertisement
Continue Reading

Vadodara

વડોદરાની MSUમાં કોમન એક્ટ લાગૂ થતાં ABVP મેદાને ઉતાર્યું, ફરી એકવાર પોલીસ સાથે ઘર્ષણના દ્રશ્યો સર્જાયા

Published

on



વડોદરાની એમ.એસ.યુનિવર્સિટી ફરી એકવાર વિવાદમાં આવી છે. યુનિવર્સિટીમાં કોમન એક્ટ લાગૂ થતાં સ્થાનિક વિદ્યાર્થીઓને મુશ્કેલી પડી રહી છે. વિદ્યાર્થીઓને પ્રવેશ પ્રક્રિયામાં પડતી મુશ્કેલીના કારણે એબિવિપી મેદાનમાં આવ્યું. વાઇસ ચાન્સેલર ને આવેદન પત્ર આપવા પહોંચતા પોલીસ સાથે ઘર્ષણના દ્રશ્યો સર્જાયા.

Advertisement

પ્રાપ્ત માહિતી અનુસાર, વિશ્વવિખ્યાત MSUમાં કોમન એક્ટ લાગૂ થયા પછી સ્થાનિક વિદ્યાર્થીઓ પ્રવેશ મેળવવામાં સમસ્યા ઉભી થઇ છે. જેમાં વડોદરા શહેર જિલ્લાના વિદ્યાર્થીઓને અગાઉ 55 ટકાએ એડમિશન અપાતું હતું. અને હવે નવા એક્ટમાં 55 ટકાએ એડમિશનનો નિયમ ન હોવાથી વડોદરાના હજારો વિદ્યાર્થીઓ પ્રવેશથી વંચિત રહેવાની સ્થિતનું નિર્માણ થયું છે. જેના કારણે આવા વિદ્યાર્થીઓના હિત માટે એબિવિપી મેદાનમાં આવ્યું છે. એબિવિપી દ્વારા વાઇસ ચાન્સેલરને આવેદન પત્ર આપવા માટે પહોંચતા પોલીસ સાથે ઘર્ષણ સર્જાયું હતું.

આવેદન પત્ર આપી રજૂઆત કરવા જતા ABVPના વિદ્યાર્થીઓને ગેટ પર જ રોકવામાં આવતા વિજિલન્સ અને પોલીસ સાથે ઘર્ષણ થયું હતું. જેમાં વિદ્યાર્થીઓ ગેટ કૂદી અંદર પ્રવેશ્યા હતા. આ સાથે જ વિજિલન્સ દ્વારા અધિકારી માફી માંગે તેવી માંગ કરી રહ્યા છે.

Advertisement

Continue Reading
Advertisement

Trending