Connect with us

Vadodara

બુટલેગર વિપુલ પંચાલના શરાબના ગોડાઉન પર શહેર પીસીબી શાખાએ દરોડો પાડ્યો

Published

on

વડોદરા શહેરના મકરપુરા પોલીસ મથક વિસ્તારમાં આવેલા ઘાઘરેટીયામાં મકાન ભાડે રાખીને વિદેશી શરાબનો જથ્થો સંગ્રહ કરવામાં આવ્યો હોવાની બાતમી શહેર પીસીબી શાખાની ટીમને મળતા પીસીબી શાખાએ દડો પાડ્યો હતો.

જેમાં મોટા પ્રમાણમાં વિદેશી શરાબનો જથ્થો મળી આવ્યો હતો. જ્યારે બે આરોપીઓની ધરપકડ કરીને શરાબનો જથ્થો મંગાવનાર મુખ્ય સૂત્રધારને વોન્ટેડ જાહેર કરવામાં આવ્યો છે.

Advertisement

પ્રાપ્ત માહિતી અનુસાર વડોદરા શહેર પીસીબી શાખાની ટીમને બાતમી મળી હતી કે, મકરપુરા વિસ્તારમાં આવેલા ઘાઘરેટીયા નજીક કૃષ્ણનગર સરકારી સ્કૂલ પાસે બુટલેગર વિપુલ રમેશભાઈ પંચાલ દ્વારા પગારદાર માણસો રાખીને એક મકાનમાં વિદેશી શરાબનો જથ્થો ભેગો કરેલો છે. જે શરાબના જથ્થાની હોમ ડિલિવરી કરવા માટે ટુવિલર વાહન પર પગારદાર માણસો ધક્કા ખાય છે.

જે માહિતીના આધારે પોલીસે સ્થળ પર જઈને દરોડો પાડતા કૃષ્ણનગરમાં આવેલા એક મકાનમાં વિદેશી દારૂની વોડકા, બીયર સહિતની 3124 નંગ બોટલો મળી આવી હતી. પોલીસે સ્થળ પરથી બુટલેગર વિપુલ પંચાલ દ્વારા નોકરી પર રાખવામાં આવેલા નરેશ પરમાર તેમજ રાજુભાઈ બારીયાની ધરપકડ કરી હતી. જ્યારે મુખ્ય સૂત્રધાર વિપુલ રમેશભાઈ પંચાલ, રહે. કૃષ્ણનગર ઘાઘરેટિયા ને વોન્ટેડ જાહેર કરવામાં આવ્યો છે.

પોલીસે સ્થળ પરથી એક જુપીટર મોપેડ, બે મોબાઈલ ફોન, રોકડ રકમ તેમજ શરાબનો જથ્થો મળીને 7,83,229 રૂપિયાનો મુદ્દામાલ કબજે લીધો છે.

Advertisement

અત્રે ઉલ્લેખનીય છે કે, બુટલેગર વિપુલ રમેશ પંચાલ વડોદરા શહેર-જિલ્લામાં લગભગ 40 જેટલા પ્રોહિબિશનના ગુનામાં અગાઉ ઝડપાયેલો છે. તેમ છતાં પોલીસથી છૂપી રીતે મોટા પ્રમાણમાં વિદેશી શરાબનું વેચાણ કરતો હોય છે. એક વર્ષ અગાઉ સ્ટેટ મોનિટરિંગ સેલ દ્વારા પણ ઘાઘરેટીયા કૃષ્ણનગરમાં દરોડો પાડીને વિપુલ પંચાલનો મોટા પ્રમાણમાં વિદેશી શરાબનો જથ્થો ઝડપી પાડ્યો હતો. આ સાથે થોડા સમય પહેલા વરણામાં પોલીસે પણ બુટલેગર વિપુલ પંચાલને શરાબના જથ્થા સાથે ઝડપી પાડ્યો હતો. તેમ છતાં પણ વિપુલ પંચાલ વિદેશી શરાબના વેપલામાં સતત કાર્યરત રહ્યો છે. હાલ શહેર પીસીબી શાખાએ આરોપી વિપુલ રમેશ પંચાલને વોન્ટેડ જાહેર કરીને તેની શોધખોળ શરૂ કરી છે.

Advertisement
Continue Reading
Advertisement

Vadodara

ગંદા પાણીની ફરિયાદના પગલે પાલિકા તંત્રએ કૉમ્પ્લેક્ષની જ પાણીની લાઈન કાપી નાખતા ભર ઉનાળે 300 પરિવારોને હાલાકી

Published

on

શહેરના આજવા રોડ પર ખાતે આવેલ ફાતિમા કૉમ્પ્લેક્ષમાં છેલ્લા કેટલાક દિવસોથી ગંદુ પાણી આવતું હોવાના કારણે અહીંના રહીશોએ આ અંગે તંત્ર સમક્ષ ફરિયાદ કરી હતી. ત્યારે પાલિકાના કર્મચારીઓ અહીં આવીને પાણીની લાઈને કાપીને જતા રહેતા અંદાજે 300 જેટલા મકાનના રહીશોએ ભર ઉનાળે પાણી વિના ભારે હાલાકી વેઠવી પડી રહી છે.

https://www.instagram.com/reel/C7Lsk_HIb8P/?igsh=MWtmNHNlcnB4Y2lkYw==

શહેરના આજવા રોડ ખાતે આવેલ ફાતિમા કોમ્પ્લેક્સમાં હાલ પાણીની વિકટ પરિસ્થિતિ ઊભી થઈ છે. અહીંના રહીશોનું કહેવું છે કે, અમારે ત્યાં ગંદુ પાણી આવતું હતું જેથી અમે આ અંગે તંત્રને જાણ કરી હતી. ત્યારબાદ તંત્રએ અહીં આવી લાઈન ખરાબ હોવાનું જણાવી તે પાણીની લાઈન કાપી કાઢી છે અને ત્યારબાદ પાણી અપાતું બંધ થઈ ગયું છે. ભર ઉનાળે ત્રણ દિવસથી લોકોને પૂરતું પાણી મળતું નથી.

Advertisement

હાલ માત્ર અડધો કલાક પાણી આવે છે તે 300 જેટલા પરિવારોને પૂરું પાડી શકે તેમ નથી. અમારી માંગ છે કે, જ્યાં સુધી પ્રશ્નનું નિરાકરણ ના આવે ત્યાં સુધી રોજ કોર્પોરેશન પાણીનો બંબો મોકલી અમને તેનો પુરવઠો ઉપલબ્ધ કરાવે. અધિકારીઓએ એપાર્ટમેન્ટ તરફ આવતી મુખ્ય લાઈન તપાસવાના બદલે અમારા એપાર્ટમેન્ટની લાઈન કાપી નાખી છે તે ખોટું કર્યું છે.

Advertisement
Continue Reading

Vadodara

વડોદરાના સમા વિસ્તારના લોકોએ નોંધાવ્યો સ્માર્ટ મીટરોનો વિરોધ, મહિલાઓ સહીત અનેક લોકો MGVCL કચેરીની બહાર રસ્તા પર બેસી ગયા

Published

on

સ્માર્ટ સિટીના લોકો માટે સ્માર્ટ મીટરો માથાનો દુખાવો બની ગયા છે. એક તરફ વડોદરા શહેરમાં સ્માર્ટ પ્રીપેડ મીટરો લાગવાનું શરુ થઇ ગયું છે. ત્યાં બીજી તરફ છેલ્લા ઘણાય સમયથી ઠેર ઠેર આ સ્માર્ટ મીટરોનો ગ્રાહકો વિરોધ કરી રહ્યા છે. જે વિરોધ આજે પણ યથાવત જોવા મળ્યો.

Advertisement

શહેરમાં અલગ અલગ વિસ્તારોના લોકો દ્વારા સ્માર્ટ મીટરનો વિરોધ કરવામાં આવી રહ્યો છે. રોજે રોજ અલગ અલગ વિસ્તારોની MGVCL કચેરીની બહાર લોકોનો જમાવડો જોવા મળી રહ્યો છે. સ્માર્ટ મીટર હટાવી જુના મીટરો પાછા લાવવાની લોકો માંગ કરી રહ્યા છે. ત્યારે આજે ચોથા દિવસે સમા વિસ્તારના લોકો MGVCL કચેરી ખાતે પહોંચી સ્માર્ટ પ્રીપેડ મીટરોનો વિરોધ કરી રહ્યા છે. મહિલાઓ સહીત અનેક લોકો સમા MGVCL કચેરી સામે રસ્તા પર બેસી વિરોધ નોંધાવ્યો છે.

Advertisement

આ સ્માર્ટ મીટરમાં બીલ વધારે આવતું હોવાનો ગ્રાહકોએ આક્ષેપ કર્યો છે. તેમને એવો આક્ષેપ કર્યા છે કે, “અગાઉ 1500 થી 2000 રૂપિયા સુધીનું બીલ બે મહિને આવતું હતું જે સ્માર્ટ મીટરો લાગ્યા બાદ ફક્ત 15 જ દિવસમાં 6 હજારનું રિચાર્જ કરાવવું પડ્યું છે. જેથી નવા સ્માર્ટ મીટરો હટાવી જૂના મીટર પાછા લગાવવામાં આવે તેવી માંગ છે.”

Advertisement
Continue Reading

Vadodara

વડોદરાની MSUમાં કોમન એક્ટ લાગૂ થતાં ABVP મેદાને ઉતાર્યું, ફરી એકવાર પોલીસ સાથે ઘર્ષણના દ્રશ્યો સર્જાયા

Published

on



વડોદરાની એમ.એસ.યુનિવર્સિટી ફરી એકવાર વિવાદમાં આવી છે. યુનિવર્સિટીમાં કોમન એક્ટ લાગૂ થતાં સ્થાનિક વિદ્યાર્થીઓને મુશ્કેલી પડી રહી છે. વિદ્યાર્થીઓને પ્રવેશ પ્રક્રિયામાં પડતી મુશ્કેલીના કારણે એબિવિપી મેદાનમાં આવ્યું. વાઇસ ચાન્સેલર ને આવેદન પત્ર આપવા પહોંચતા પોલીસ સાથે ઘર્ષણના દ્રશ્યો સર્જાયા.

Advertisement

પ્રાપ્ત માહિતી અનુસાર, વિશ્વવિખ્યાત MSUમાં કોમન એક્ટ લાગૂ થયા પછી સ્થાનિક વિદ્યાર્થીઓ પ્રવેશ મેળવવામાં સમસ્યા ઉભી થઇ છે. જેમાં વડોદરા શહેર જિલ્લાના વિદ્યાર્થીઓને અગાઉ 55 ટકાએ એડમિશન અપાતું હતું. અને હવે નવા એક્ટમાં 55 ટકાએ એડમિશનનો નિયમ ન હોવાથી વડોદરાના હજારો વિદ્યાર્થીઓ પ્રવેશથી વંચિત રહેવાની સ્થિતનું નિર્માણ થયું છે. જેના કારણે આવા વિદ્યાર્થીઓના હિત માટે એબિવિપી મેદાનમાં આવ્યું છે. એબિવિપી દ્વારા વાઇસ ચાન્સેલરને આવેદન પત્ર આપવા માટે પહોંચતા પોલીસ સાથે ઘર્ષણ સર્જાયું હતું.

આવેદન પત્ર આપી રજૂઆત કરવા જતા ABVPના વિદ્યાર્થીઓને ગેટ પર જ રોકવામાં આવતા વિજિલન્સ અને પોલીસ સાથે ઘર્ષણ થયું હતું. જેમાં વિદ્યાર્થીઓ ગેટ કૂદી અંદર પ્રવેશ્યા હતા. આ સાથે જ વિજિલન્સ દ્વારા અધિકારી માફી માંગે તેવી માંગ કરી રહ્યા છે.

Advertisement

Continue Reading
Advertisement

Trending