શું છે Fake BTS ટેકનિક? સાયબર માફિયાઓ કેવી રીતે બદલી રહ્યા છે તમારા ફોનનું નેટવર્ક?

આજના ડિજિટલ યુગમાં મોબાઈલ હવે માત્ર વાતચીતનું સાધન નથી રહ્યો, પણ આપણી આખી દુનિયા એમાં સમાયેલી છે. બેન્કિંગથી લઈને શોપિંગ સુધી બધું જ એક ક્લિક પર છે. પરંતુ શું તમે જાણો છો કે તમારું સુરક્ષિત લાગતું મોબાઈલ નેટવર્ક પણ હવે હેકર્સના નિશાના પર છે? સાયબર માફિયાઓ હવે ‘Fake BTS’ અને ‘SMS Blaster’ જેવી અત્યંત ખતરનાક ટેકનિકનો ઉપયોગ કરી રહ્યા છે.

👉શું છે આ ‘Fake BTS’ સ્કેમ?

તમારા ફોનનું નેટવર્ક હંમેશા સૌથી મજબૂત સિગ્નલ શોધે છે. સ્કેમર્સ આનો જ ફાયદો ઉઠાવે છે. તેઓ Fake Base Transceiver Station (BTS) એટલે કે નકલી મોબાઈલ ટાવરનો ઉપયોગ કરે છે. આ નાના પોર્ટેબલ ડિવાઇસને કારની ડીકીમાં કે બેકપેકમાં છુપાવી શકાય છે.

• ટેકનિક: જ્યારે આ ડિવાઇસ તમારા નજીક હોય, ત્યારે તમારો ફોન અસલી ટાવર છોડીને આ ‘નકલી ટાવર’ સાથે કનેક્ટ થઈ જાય છે.
• ડાઉનગ્રેડ એટેક: હેકર્સ તમારા 5G કે 4G નેટવર્કને પરાણે 2G પર લાવી દે છે, જ્યાં સિક્યોરિટી પ્રોટોકોલ્સ નબળા હોય છે.

📟SMS બ્લાસ્ટ: એક સાથે હજારોને નિશાન

એકવાર તમારો ફોન આ નકલી નેટવર્ક સાથે જોડાય જાય, પછી શરૂ થાય છે ‘SMS Blaster’ નો ખેલ. આ ટેકનિકથી હેકર્સ તમારા નંબરનો ઉપયોગ કરીને અથવા તમારા ફોન પર સીધા જ જોખમી મેસેજ મોકલે છે:

1. “તમારું બેન્ક એકાઉન્ટ બંધ થઈ જશે, તુરંત લિંક પર ક્લિક કરો.”
2. “તમારું KYC અપડેટ કરવા માટે OTP આપો.”

​આ મેસેજ એટલા અસલી લાગે છે કે યુઝર્સ ડરીને ભૂલ કરી બેસે છે. ગ્રીસ અને ચીન જેવા દેશોમાં તો આવી ગેંગ પકડાઈ પણ છે જેઓ કારમાં આખું સેટઅપ લઈને ફરતા હતા.

🧐તમારા પર શું જોખમ છે?

સાયબર એક્સપર્ટ્સના મતે આ સ્કેમ નીચે મુજબના નુકસાન કરી શકે છે:

• ​OTP ચોરી: તમારા બેન્કિંગ ટ્રાન્ઝેક્શનના OTP હેકર્સ વાંચી શકે છે.
• ​ડેટા હાઈજેકિંગ: તમારો ખાનગી ડેટા અને નોટિફિકેશન હેકર્સના કન્ટ્રોલમાં જઈ શકે છે.
• ​અદ્રશ્ય સ્કેમ: સૌથી ડરામણી વાત એ છે કે યુઝરને ખબર પણ નથી પડતી કે તે અસુરક્ષિત નેટવર્ક પર છે.

👇બચવા માટે શું કરવું? (Expert Tips)

• નેટવર્ક પર નજર: જો તમારા ઘરમાં અચાનક હંમેશા કરતા વધુ ‘ફૂલ નેટવર્ક’ દેખાય અથવા નેટવર્ક વારંવાર બદલાય, તો સાવધ રહો.
• અજાણી લિંક: SMS માં આવેલી કોઈપણ લિંક પર ક્લિક કરવાનું ટાળો, ભલે તે બેન્ક જેવી લાગતી હોય.
• 2G સેટિંગ: એન્ડ્રોઇડ યુઝર્સ સેટિંગમાં જઈને ‘Allow 2G’ ઓપ્શન બંધ કરી શકે છે (જો ઉપલબ્ધ હોય તો), જેથી ફોન નબળા નેટવર્ક પર ન જાય.
• ​ઓફિશિયલ એપ: હંમેશા બેન્કની સત્તાવાર એપનો જ ઉપયોગ કરો.

🫵ટેલિકોમ કંપનીઓ અને સરકાર આ ટેકનિકને રોકવા માટે મથી રહી છે, પરંતુ તમારી જાગૃતિ જ તમારું સૌથી મોટું કવચ છે. સુરક્ષિત રહો, સાવધ રહો.