કરજણ : સાદરણામાં 5 દિવસથી પાણી નથી; ગટર લાઇનના કામમાં તંત્રએ જનતાને તરસ્યા રાખ્યા

• જળ સંકટ: સાદરણા ગામમાં છેલ્લા પાંચ દિવસથી પાણી પુરવઠો ઠપ; ગટર લાઇનના કામને કારણે ગ્રામજનો તરસ્યા.
• ભર ઉનાળે હાલાકી: કાળઝાળ ગરમીમાં પીવાના પાણી માટે ખેતરોમાં રઝળપાટ કરતા ગ્રામજનો.
• તંત્રની ઉદાસીનતા: પાણીના ટેન્કરની પણ વ્યવસ્થા ન કરાતા ગ્રામ પંચાયત સામે લોકોમાં ભારે આક્રોશ.
• માત્ર ખાતરી: હોબાળો થતા તંત્રએ ટૂંક સમયમાં પાણી આપવાનું વચન આપ્યું.

વડોદરા (કરજણ): કરજણ તાલુકાના સાદરણા ગામમાં છેલ્લા પાંચ દિવસથી પીવાના પાણી માટે આક્રોશ જોવા મળી રહ્યો છે. ગામમાં ચાલી રહેલા ગટર લાઇનના કામને કારણે પાણીનો પુરવઠો ખોરવાઈ ગયો છે, જેના લીધે ભર ઉનાળે ગ્રામજનોના હાલ બેહાલ થયા છે.

🧐ખેતરોમાં રઝળપાટ:

જ્યારે એક તરફ પારો 40 ડિગ્રીને વટાવી રહ્યો છે, ત્યારે સાદરણા ગામના લોકોએ પીવાના પાણીની એક-એક બુંદ માટે ખેતરોમાં રઝળપાટ કરવાની નોબત આવી છે. પશુઓ અને ઘરવપરાશ માટેના પાણીની અછતને કારણે ગૃહિણીઓ અને વૃદ્ધોમાં ભારે રોષ વ્યાપ્યો છે.

🤨પંચાયતની બેદરકારી:

આટલા દિવસોથી પાણી ન હોવા છતાં ગ્રામ પંચાયત દ્વારા પીવાના પાણીના ટેન્કરની વૈકલ્પિક વ્યવસ્થા કરવામાં આવી નથી. ગ્રામજનોનો આક્ષેપ છે કે તંત્ર માત્ર કામના બહાના હેઠળ પ્રજાને પીસી રહ્યું છે. લોકરોષ વધતા આખરે તંત્ર સફાળું જાગ્યું છે અને ટૂંક સમયમાં પાણી પુરવઠો રાબેતા મુજબ કરવાની ખાતરી આપી છે.

🫵ગટર લાઇનનું આયોજન વગરનું કામ હવે ગ્રામજનો માટે મુસીબત બની ગયું છે. શું તંત્ર આ ખાતરી મુજબ પાણી આપશે કે પછી સાદરણાના લોકોએ હજુ વધુ દિવસો તરસ્યા રહેવું પડશે?