Connect with us

Savli

શક્રિય ગૌસેવકને કિશન ભરવાડની જેમ પતાવી દેવાની ધમકી મળી, ગૌસેવકે ઘટનાનો વિડીયો સોશ્યલ મીડિયામાં વાયરલ કર્યો

Published

on

 

વડોદરા જીલ્લાના સાવલી તાલુકામાં રહેતા અને ગૌરક્ષકની સેવા આપતા અજયસિંહ ચાવડાને જાનથી મારી નાખવાની ધમકી મળતા તેઓએ સાવલી પોલીસ મથકે ફરિયાદ આપી છે. આ સાથે સમગ્ર ઘટનાનો વિડીયો પણ સોશ્યલ મીડિયા પર વાયરલ કરવામાં આવ્યો હતો.

પ્રાપ્ત માહિતી અનુસાર સાવલી તાલુકાના રહેવાસી અજયસિંહ ચાવડા કતલખાને લઇ જવાતા પશુઓ ભરેલા વાહનો પકડીને તેણે પોલીસને હવાલે કરે છે. આ કામગીરીમાં તેઓને ઘણીવાર ખાટકીઓ સાથે ઘર્ષણ પણ થયું છે.તેમ છતાય તેઓ ગૌરક્ષકની સેવામાં સદાય પોતાના જીવનુ જોખમ ઉઠાવે છે. જ્યાં ગત રોજ તેઓએ એક વિડીયો સોશ્યલ મીડિયામાં વાયરલ કરીને  તેઓ પર હુમલો કરવાનો પ્રયાસ થયો હોવાની માહિતી દર્શાવી હતી.

https://www.instagram.com/reel/C4NrK5mIcR-/?igsh=cmp0dG85N3Z5bGh4

અજયસિંહે વિડીયોમાં જણાવ્યું હતું કે, તેઓ રાષ્ટ્રીય સ્વયં સેવક સંઘના કાર્યકર અને એક ગૌસેવક છે. 6 તારીખે સવારે તેઓ તેમના મિત્ર સાથે એકટીવા લઈને સમલાયા જવા માટે નીકળ્યા હતા. જ્યાં કરચિયા પાસેથી તેઓ જરૂરી સમાન ભૂલી જતા પરત સાવલી તરફ જતા હતા. આ દરમિયાન કેટલાક ઇસમોએ તેઓને ગોઠડા ચોકડી નજીક જોઇને બુમ પાડીને ઉભા રહેવા જણાવ્યું હતું.

જે બાદ થોડે આગળ મોટર સાયકલ પર છરો લઈને ઉભેલા શખ્સોએ તેઓનો પીછો કરીને મારી નાખવા માટે ધમકી પણ ઉચ્ચારી હતી. હથિયારો સાથે પીછો કરતા અજાણ્યા ઇસમોએ ધામી આપતા કહ્યું હતું કે, તારી પણ હાલત ધંધુકાના કિશન ભરવાડ જેવી કરવાની છે. જેઓ ત્યાંથી બચીને નીકળી ગયા બાદ સાવલી પોલીસ મથકે પહોચ્યા હતા. અને તેઓ પર હુમલો થઇ શકે છે તેવી ભીતિ વ્યક્ત કરીને પોલીસ અધિકારીને લેખિતમાં ફરિયાદ આપી હતી.

Savli

સાવલી: વરસાદમાં પડેલા મોટા ખાડાથી ટેમ્પો પલ્ટી ગયો

Published

on

વડોદરા શહેર જિલ્લામાં છેલ્લા ત્રણ દિવસથી પડી રહેલા ધોધમાર વરસાદને કારણે ઠેર ઠેર ખાડાઓ પડી જવા પામ્યા છે જેમાં સાવલી નગર નજીક ભાટપુરા રોડ પર ખાડાઓને કારણે આજે એક આઇસર ટેમ્પો પલટી થઈ જવાની ઘટના બનવા પામી છે.

અસહ્ય ઉકડાટ બાદ વડોદરા શહેર જિલ્લામાં મેઘરાજાની મહેર થવા પામી છે જેમાં શહેર જિલ્લામાં સર્વત્ર ખૂબ સારો વરસાદ છેલ્લા ત્રણ દિવસથી નોંધાયો છે. આ વરસાદને કારણે તંત્રની પોલ પણ ખુલી જવા પામી છે.

વડોદરા જિલ્લાના સાવલી નગર નજીક ભાટપુરા રોડ ઉપર વરસાદને કારણે પડેલા રોડ પરના મોટા ખાડાઓમાં આઇસર ટેમ્પો ફસાતા પલટી ખાઈ ગયો હતો. પ્રિમોન્સૂન કામગીરીમાં નગરપાલિકાએ ઉતારેલી વેઠના કારણે વાહન ચાલકોને સહન કરવાનો વારો આવ્યો છે.

અકસ્માતમાં ટેમ્પો ચાલક નો આબાદ બચાવ થયો છે જો કે ખરાબ રસ્તાને કારણે નગરપાલિકા સત્તાધીશો વિરુદ્ધ રાહદારીઓમાં રોષ જોવા મળ્યો હતો

Continue Reading

Savli

બોગસ ખેડૂત બનાવવાના કૌભાંડમાં ધારાસભ્યની રજૂઆતના 10 મહિના બાદ આજે પોલીસ ફરિયાદ નોંધાશે

Published

on

10 મહિના પહેલા ધારાસભ્ય દ્વારા કરવામાં આવેલી બોગસ ખેડૂતોની એન્ટ્રી અંગેની ફરિયાદમાં હવે તંત્ર દ્વારા તપાસ કરીને જવાબદાર અધિકારીઓ વિરુદ્ધ પોલીસ ફરિયાદ નોંધવાની તજવીજ હાથ ધરવામાં આવી છે.

વડોદરા જિલ્લાના સાવલી તાલુકાના સામંતપુરા ગામે ખોટા મરણના દાખલા તેમજ ખોટા દસ્તાવેજો ઉભા કરીને એક નિયત સમય દરમિયાન કેટલાક ભૂમાફિયાઓને બોગસ ખેડૂતો તરીકે પ્રસ્થાપિત કરવાની કોશિશ કરવામાં આવી હતી. જે અંગે સ્થાનિક ગ્રામજનોએ ધારાસભ્યને 10 મહિના પહેલા રજૂઆત કરી હતી.

જે તે સમયે જરૂરી પુરાવા લઈને ધારાસભ્ય પોતે પોલીસ સ્ટેશન ગયા હતા અને તપાસ કરીને પોલીસ ફરિયાદ નોંધવાની માંગણી કરી હતી.સમગ્ર બોગસ ખેડૂત કૌભાંડમાં કેટલાક મહેસુલ વિભાગના અધિકારીઓની પણ સંડવણી હોવાની શંકા જતા પોલીસે ધનિષ્ઠ તપાસ શરૂ કરી હતી.

જેમાં 10 મહિના બાદ 20 જુને સમગ્ર મામલે પ્રથમ પોલીસ ફરિયાદ નોંધાવા જઈ રહી છે. સાવલી ધારાસભ્ય કેતન ઇનામદાર સાથે થયેલી વાતચીત પ્રમાણે, સામંતપુરા બોગસ ખેડૂત કૌભાંડમાં કેટલાક અધિકારીઓ સામે આજે ગુનો નોંધાશે. આ સાથે રાજ્ય સરકાર પાસે સમગ્ર બોગસ ખેડૂતો કૌભાંડની તપાસ માટે SIT ની રચના કરવાની પણ માંગણી કરવામાં આવી છે. પ્રાથમિક તબક્કે નોંધાયેલી ફરિયાદ બાદ તપાસમાં જે અધિકારીઓની સંડોવણી સામે આવશે તે તમામ વિરુદ્ધ ફોજદારી ગુન્હો નોંધીને કાર્યવાહી કરવામાં આવે તેવી માંગણી રાજ્ય સરકારમાં કરવામાં આવી છે.

Continue Reading

Savli

સાવલી : “વેઠ” ને કારણે નગરજનો કેટલું વેઠશે? ઠેરઠેર ખાડાઓ અને ખુલ્લી ડ્રેનેજ જીવલેણ સાબિત થશે!

Published

on

રાજ્યભરમાં જયારે ચોમાસું માથે છે ત્યારે મહાનગરો અને નગરપાલિકાઓ દ્વારા વરસાદી પાણીના નિકાલ માટે પ્રિ મોન્સુન કામગીરી કરવી પડે છે. જોકે કામગીરીમાં વેઠ ઉતારવાને કારણે નાગરિકોને વેઠવું પડે છે. વડોદરા જીલ્લાના સાવલી નગર પાલિકાની હાલત હાલ એવી છે કે, નગરમાં કોઈક જ રસ્તો એવો હશે કે જ્યાં ખાડાઓ નથી. સાવલી નગર પાલિકામાં અનેક સ્થાને ડ્રેનેજના ઢાંકણ તૂટેલી હાલતમાં છે. આ સાથે નલ સે જલ યોજના માટે ઠેર ઠેર પાણીની લાઈનો પણ ખોદવામાં આવી છે.

પાણીની લાઈનો ખોળવાને કારણે હાલ સાવલી નગરના અનેક વિસ્તારોમાં પીવાનું પાણી સમયસર મળતું નથી. આ સાથે જ ખુલ્લા ખાડાઓ અને ડ્રેનેજના મેનહોલ જીવલેણ સાબિત થઇ રહ્યા છે. તાજેતરમાં ખુલ્લી ડ્રેનેજલાઈનમાં ગાય ખાબકતા તેનું મોત થયું છે. જયારે હવે નગરપાલિકાના સત્તાધીશો કોઈ મનુષ્યનો જીવ જાય તેની રાહ જોતા હોય તેમ લાગી રહ્યું છે.

આ અંગે નગરપાલિકાના ચીફ ઓફિસર ને પૂછતા સબ સલામત હોવાના દાવા કરતા તેઓના કેમેરામાં કંડારાયા હતા. નગરમાં ઠેર ઠેર ખાડાઓ હોવાની પણ તેઓએ કબુલાત કરી હતી. જોકે નલ સે જલ યોજનાના પાણીના જોડાણ માટે ખાડા કર્યા હોવાનું તેઓએ જણાવ્યું હતું. આ સાથે પ્રિ મોન્સુન કામગીરીમાં સાવલી નગર માંથી પસાર થતી મુખ્ય વરસાદી કાંસની સફાઈ થઇ ગઈ હોવાનું ચીફ ઓફિસરે જણાવ્યું હતું.

આ અંગે નગરના અગ્રણી હસમુખભાઈ પટેલને પૂછતા તેઓએ જણાવ્યું હતું કે, સાવલી નગરમાં ઠેર ઠેર ગટરના ઢાંકણ તૂટેલી હાલતમાં છે. પ્રિ મોન્સુન કામગરી પણ ફક્ત ચોપડે જ કરવામાં આવી હોવાના આક્ષેપો કર્યા હતા.

Continue Reading

Trending