Connect with us

Vadodara

રંજનબેન ભટ્ટ ત્રીજી ટર્મ માટે રીપીટ થતા નારાજ ડો.જ્યોતિબેને બળવો કર્યો,ઉમેદવાર વિરુદ્ધ બોલે તે પહેલા જ સસ્પેન્ડ

Published

on


શિસ્તને વરેલી પાર્ટીમાં આજે વડોદરા લોકસભા બેઠકના ઉમેદવારની જાહેરાત થતા જ વિરોધ ખુલીને સામે આવ્યો હતો. ભારતીય જનતા પાર્ટીના મહિલા અગ્રણી અને મહિલા મોરચાના રાષ્ટ્રીય ઉપાધ્યક્ષ ડો. જ્યોતિબેન પંડ્યાએ રંજનબેન ભટ્ટને ત્રીજી વાર ઉમેદવારી મળતા તેના વિરોધમાં દેખાવો કરવાનું આયોજન કર્યું હતું. ડો. જયોતીબેન પંડ્યા મીડિયા સાથે વાત કરે તે પહેલા ભાજપે તેઓને તમામ હોદ્દાઓ પરથી સસ્પેન્ડ કરી દેતા રાજકીય મોરચે ખળભળાટ મચી જવા પામ્યો છે.

https://www.instagram.com/reel/C4fp2oARIYf/?igsh=MTRqcDh6YXIwczA4cw==

વડોદરા લોકસભા બેઠક પર 2014 માં નરેન્દ્રમોદી ચુંટણી લડ્યા બાદ તેઓએ રાજીનામું આપી દીધું હતું. અને વારાણસી બેઠક પરથી સાંસદ તરીકે કાર્યકાળ ચાલુ રાખ્યો હતો. ખાલી પડેલી બેઠક પર રંજનબેન ભટ્ટને લોકસભાની ઉમેદવારી મળી હતી. 2014 થી 2019  ત્યાર બાદ 2019 થી 2024 સુધી એમ બે ટર્મ સુધી રંજનબેનને રીપીટ કરવામાં આવ્યા હતા. લાગ્ભાળ 10 વર્ષ સુધી એકધારી સત્તા બાદ ઉમેદવાર બદલાશે તેવી આશા અપેક્ષા કાર્યકરોમાં હતી જેના કારણે અનેક નેતાઓએ પોતાની દાવેદારી પણ કરી હતી.


થોડા દિવસો પહેલા જ કોન્સેસ પ્રક્રિયા પણ કરવામાં આવી હતી. જ્યાં દાવેદારી કરતા નેતાઓની રજુઆતો સાંભળવામાં આવી હતી. જોકે ભાજપે જાહેર કરેલી ઉમેદવારોની બીજી યાદીમાં રંજનબેન ભટ્ટને જ રીપીટ કરતા સાંસદ બનવાનું સપનું જોતા નેતાઓની ઈચ્છા પર પાણી ફરી વળ્યું હતું.


ત્રીજી ટર્મ માં રંજનબેનને રીપીટ કરતાની સાથે જ તેઓની ઉમેદવારીના પ્રથમ હરોળના મહિલા અગ્રણી ડો. જજ્યોતિબેન પંડ્યાએ વિદ્રોહનું બ્યુગલ ફૂકી દીધું હતું. ભાજપની એવી તો શું મજબૂરી છે કે ત્રીજી ટર્મ માટે પણ રંજનબેન ભટ્ટને રીપીટ કરવા પડે તેવા વેધક સવાલો સાથે આજે તેઓએ પત્રકાર પરિષદ યોજીને વિરોધ નોંધાવવાનું નક્કી કર્યું હતું.


આ પહેલા તેઓએ દિવસ દરમિયાન રાષ્ટ્રીય કક્ષાના અને પ્રદેશ કક્ષાના નેતાઓને પોતાની નારાજગી દર્શાવીને પાર્ટીના તમામ હોદ્દાઓ પરથી રાજીનામું આપી દેવાની ચીમકી ઉચ્ચારી હતી. ડો. જ્યોતિબેન પંડ્યાની પત્રકાર પરિષદ શરુ થાય તે પહેલા ભાજપે રાષ્ટ્રીય મહિલા મોરચાના ઉપાધ્યક્ષ ડો. જ્યોતિબેન પંડ્યાને પ્રાથમિક સભ્ય સહીત પક્ષના તમામ હોદ્દાઓ પરથી તાત્કાલિક અસરથી સસ્પેન્ડ કરી દીધા હતા.


ડો. જ્યોતિબેન પંડ્યાએ રંજનબેન ભટ્ટનું નામ લીધા વિના આડકતરી રીતે ભ્રષ્ટાચારના આક્ષેપ કર્યા હતા. સુરત અને  અમદાવાદની સરખામણીમાં વડોદરા કે પાછળ રહી ગયું ? વિકાસ માટે આવતી ગ્રાન્ટ ક્યાં જતી રહે છે ? તેવા વેધક સવાલો ડો. જ્યોતિબેન પંડ્યાએ ઉઠાવ્યા હતા. અને મીડિયા કર્મીઓને તપાસ કરવા જણાવ્યું હતું. હજીતો ગત રોજ 13 માર્ચે LVP હોટલમાં મીડિયાકર્મીઓ સાથેની સી.આર પાટીલની બેઠકમાં વડોદરાના વિકાસની ધીમી ગતિ માટે પ્રદેશ અધ્યક્ષે વડોદરાના હાલના નેતાઓને જવાબદાર ગણાવ્યા હતા. અને આ જાહેરમાં બોલાયેલી વાત બાદ પણ રંજનબેનને ત્રીજી વાર રીપીટ કરવામાં આવ્યા હોવાથી ડો. જ્યોતિબેન પંડ્યાએ તોએની પસંદગી પર સવાલો ઉભા કર્યા હતા. ડો.જ્યોતિબેને વધુમાં જણાવ્યું હતું કે, મારી પસંદગી ન કરે તો વાંધો નહિ,શું વડોદરામાં બીજા કોઈ નેતા લોકસભાની ચુંટણી લડવા માટે શક્ષ્મ નથી? ત્રીજી ટર્મ માટે પણ રંજનબેનને ઉમેદવારી આપવાનું કારણ શું?

Vadodara

કંપનીઓ દ્વારા કરાતા આડેધડ પાર્કિંગના કારણે બાઇક સવારને મોત મળ્યું, ટેન્કર ચાલક અકસ્માત સર્જીને ફરાર

Published

on

આજરોજ બપોરના સમયે નંદેસરી ઔદ્યોગિક વસાહત માં બાઇક ચાલક ને ટેન્કર ચાલકે અડફેટે લેતા બાઈક સવારનું ઘટના સ્થળે જ મોત નીપજ્યું હતું. જ્યારે એક ઇજાગ્રસ્ત યુવકને સારવાર અર્થે મોકલી આપવામાં આવ્યો હતો.

નંદેસરી ઔદ્યોગિક વસાહતમાં આવેલ દીપક નાઈટ્રેટ તેમજ સીમાલીન કંપની દ્વારા રોડ રસ્તા ઉપર જ ટ્રાફિકને અડચણરૂપ પાર્કિંગ કરાતું હોવાથી ઘણીવાર મોટા અકસ્માતો સર્જાતા રહી ગયા છે.

પરંતુ આજ રોજ પાર્કિંગની ગેરવ્યવસ્થાના કારણે આણંદ જિલ્લામાં આવેલ નાપાડના બાબુભાઈ મોહમ્મદભાઈ રાઠોડનું ટેન્કર ચાલકની અડફેટે આવતા ઘટના સ્થળે જ કરુણ મોત નીપજ્યું હતું. બાબુભાઈ મોહમ્મદભાઈ રાઠોડ નંદેશરી સ્થિત ખાનગી વ્યક્તિના ત્યાં ડ્રાઇવરની નોકરી કરતા હતા.

દીપક નાઈટ્રેટ અને સીમાલીન જેવી કંપનીઓ દ્વારા કરાતા આડેધડ પાર્કિંગને કારણે રસ્તાઓ પર વાહનચાલકોને વાહન ચલાવવાનું મુશ્કેલ બને છે. તેવામાં પાર્કિંગની ગેરવ્યવસ્થાના કારણે આજે એક યુવકનું મોત નીપજ્યું છે. ઘટનાને પગલે નંદેસરી પોલીસ દોડી આવી હતી અને અકસ્માત સર્જી નાસી ગયેલ ટેન્કર ચાલક ની શોધખોડ આરંભી છે.

Continue Reading

Vadodara

“કોઇ પણ આંગણવાડીને મદરેસા નહી બનવા દઇએ” – દર્ભાવતી MLA શૈલેષ સોટ્ટા

Published

on

વડોદરા જીલ્લાના ડભોઇ તાલુકાના અંતિમ ગામ અને યાત્રાધામ તરીકે ઓળખાતા કરનાળીની આંગણવાડીમાં બાળકોને નમાઝ પઢાવ્યાની તસ્વીરો સોશિયલ મીડિયામાં વાયરલ થવા પામી છે. જેને લઇને રાજકીયમોરચે ખળભળાટ મચી જવા પામ્યો છે. સુત્રોના જણાવ્યા પ્રમાણે, ડભોઇના ધારાસભ્ય શૈલેષ સોટ્ટા દ્વારા આ અંગે શિક્ષણ મંત્રી સહિતના ઉચ્ચ પદાધિકારીઓનું ધ્યાન દોરવામાં આવ્યું છે. અને કહ્યું કે, કોઇ પણ આંગણવાડીને મદરેસા નહી બનવા દઇએ. આ અંગે ધર્મગુરૂ જ્યોતિર્નાથજીએ જણાવ્યું કે, બહુલક પ્રજા જ્યારે સનાતન ધર્મ સાથે જોડાયેલી છે, ત્યારે ઠંડા કલેજે ધર્માંતરણનો પગપેંસારો કરવા માટેના પ્રયાસો, તંત્ર કેમ ચુપ ? ડીંડોર સાહેબ શું કરે છે ? પાનશેરીયા સાહેબ શું કરે છે ? મુખ્યમંત્રી ભૂપેન્દ્ર પટેલ શું કરે છે ?

ડભોઇના કરનાળીની આંગણવાડીમાં બાળકોને નમાઝ પઢાવ્યાની તસ્વીરો સોશિયલ મીડિયામાં સામે આવતા ખળભળાટ મચી જવા પામ્યો છે. મામલાની ગંભીરતાને ધ્યાને લઇને ડભોઇના ધારાસભ્ય શૈલેષ સોટ્ટા દ્વારા આ અંગે શિક્ષણ મંત્રી સહિતના ઉચ્ચ પદાધિકારીઓનું ધ્યાન દોરવામાં આવ્યું છે.

ડભોઇના ધારાસભ્ય શૈલેષ મહેતા (સોટ્ટા)એ જણાવ્યું કે, ગઇ કાલે મારા ધ્યાને આવ્યું કે, કરનાળીના આંગણવાડીમાં ઇદનો તહેવાર કેવી રીતે ઉજવાય છે, તે રીતે બાળકો પાસે નમાઝ પઢાવવામાં આવી, માથે રૂમાલ બાંધીને બાળકોને નમાઝ કેવી રીતે પઢાય છે. અને ઇદનું મહત્વ શું છે તે બાબતનું જ્ઞાન આપવાનો પ્રયત્ન કરવામાં આવ્યો હતો. કરનાળી એટલે કુબેરભંડારીનું મંદિર, જ્યાં લાખો ભક્તોની આસ્થાનું કેન્દ્ર છે. આ ઘટના દુખદ અને ગંભીર છે. આંગણવાડીના સંચાલક દ્વારા આ વાતને ફેસબુક પર પ્રસિદ્ધી આપવામાં આવી છે. આની પર કાયદેસરના પગલાં લેવાની માંગ કરી છે. કુમળી વયના બાળકો છે, આ ઉંમરે તેમના મગજમાં જે નાંખવામાં આવે તેને સાચુ માનીને ચાલતા હોય છે. કરનાળીની આંગણવાડીમાં એક પણ બાળક મુસ્લિમ ધર્મનું નથી. અગાઉ જામનગરમાં આ પ્રકારની ઘટના સામે આવી હતી. કોઇ પણ આંગણવાડીને મદરેસા નહી બનવા દઇએ. જ્યાં પણ આવો બનાવ બનશે, તેને રોકવામાં આવશે.

ધર્મગુરુ જ્યોતિર્નાથજી જણાવે છે કે, વડોદરાના કરનાળી ગામે બાળકોને નમાઝ પઢાવી પર્વની ઉજવણી કરવાનું સામે આવ્યું છે. કરનાળી સનાતન ધર્મની પવિત્રભૂમી છે. ત્યાં આવા કૃત્ય કોની રહેમ રાહમાં થાય છે તે સૌથી મોટો પ્રશ્ન છે. હું એક જગ્યાની નથી વાત કરતો, જામનગરમાં પણ આંગણવાડીનો એક કિસ્સો છે, જેમાં તેમને ધાર્મિક વાતો શીખવાડમાં આવે છે. બહુલક પ્રજા જ્યારે સનાતન ધર્મ સાથે જોડાયેલી છે, ત્યારે ઠંડા કલેજે ધર્માંતરણનો પગપેંસારો કરવા માટેના પ્રયાસો, તંત્ર કેમ ચુપ ? ડીંડોર સાહેબ શું કરે છે ? પાનશેરીયા સાહેબ શું કરે છે ? મુખ્યમંત્રી ભૂપેન્દ્ર પટેલ શું કરે છે ? વડોદરા-જામનગરના કલેક્ટર ?

વધુમાં તેમણે જણાવ્યું કે, વડોદરા – જામનગરના શિક્ષણાધિકારીઓ ઉગ્ર પગલાં લે તેવી માગણી છે. ક્યાં કોઇને પણ બક્ષવામાં ન આવે. વારંવાર આવું થાય છે. સનાતન ધર્મની પ્રણાલીઓ પર થતી આવી કુઠારઘાતોને સહન કરવામાં નહી આવે, બાળમાનસો સાથે ખેલવાનું બંધ કરજો, નહિ તો વરવા પરિણામો બધાએ ભોગવવા પડશે.

Continue Reading

Vadodara

વડોદરા નેશનલ હાઇવે પર મોંઘીદાટ ગાડીઓમાં નબીરાઓનો સ્ટંટ કરતો વિડીયો વાયરલ

Published

on

વડોદરા નેશનલ હાઇવે પર નબીરાઓની સ્ટંટ બાજીનો વિડિયો વાયરલ થયો. જેમાં ચાર થી પાંચ મોંઘીદાટ ગાડીઓમાં સવાર થયેલ નબીરાઓ સ્ટંટ કરતા નજરે પડે છે. સામાન્ય જનતાને દંડ ફટકારતી પોલીસ સામે ફરી એકવાર સવાલો ઉઠ્યા.

વડોદરા નેશનલ હાઇવે પર એક સાથે 4 થી 5 કારે રોડ પર કબ્જે કર્યો હોય તેવો વિડિયો સોશિયલ મીડિયા પર વાયરલ થયો છે. જેમાં નબીરાઓએ સ્ટંટ કરી હાઇવે પર ફિલ્મી દ્રશ્યો તાજા કર્યા હતા. લક્સુરિયસ કારને હાઇવે પર વાંકીચૂકી ચલાવી દહેશત ઊભી કરી હતી. અવાર નવાર આવા નબીરાઓ હાઇવે પર આ પ્રકારના સ્ટંટ કરી લોકોના જીવ જોખમમાં મૂકે છે. પરંતુ આવા માલેતુજાર પરિવારના નબીરાઓ સામે પોલીસ મૂકપ્રેક્ષક બની ગઈ હોય તેવું જણાઈ આવે છે.

મહત્વનું છે કે, અગાઉ રાજ્યમાં એવા ઘણાય કિસ્સા બની ચુક્યા છે કે જેમાં સ્ટંટબાજી કરવામાં કે પછી ઓવર સ્પીડ પર ગાડી હંકારવવાના કારણે મોટી દુર્ઘટના બની હોય. જેમાં અમદાવાદમાં બનેલ તથ્યકાંડ બાદ ટ્રાફિક શાખાને કડકાઈ દાખવવા ગૃહ રાજ્ય મંત્રી હર્ષ સંઘવી દ્વારા સૂચના આપવામાં આવી હતી. પરંતુ તેમ છતાંય હજુ પણ પોલીસ દ્વારા કોઈ કડકાઈ ન કરવામાં આવતી હોય આવા નબીરાઓ બેફામ બનતા જઈ રહ્યા છે. જેથી પોલીસ દ્વારા આવા નબીરાઓ પર કડક વલણ દાખવવા માંગ ઉઠી છે.

Continue Reading

Trending