Connect with us

Vadodara

અજાણ્યા વાહનની અડફેટે દંપતિનું મોત,2 બાળકોનો બચાવ : અકસ્માત જોવા ઉભા રહેલા આઇસર ટેમ્પોને લકઝરી બસે ટક્કર મારતા બસ સ્ટુડિયોની દીવાલમાં ઘૂસી

Published

on

મુસાફરોના જીવ પડીકે બંધાયા, 8 લોકોને ઈજા પ્રાથમિક સારવાર અપાઈ

વડોદરા શહેર નજીક આજવા ચાર રસ્તા પાસે વહેલી સવારે એક અજાણ્યા વાહને બાઈકને ટક્કર મારતા દંપતીનું ઘટના સ્થળે જ કમ કમાટી ભર્યું મોત થયું હતું. જ્યારે તેમના બે બાળકોને સામાન્ય ઇજા પહોંચી હતી. આ ઘટના સર્જાયા બાદ એક આઇસર ટેમ્પોનો ચાલક ટેમ્પો બંધ કરી અકસ્માત જોવા ઉભો રહ્યો હતો. આ દરમિયાન  રાજસ્થાનથી સુરત તરફ જઈ રહેલી મુસાફરો ભરેલી એક લક્ઝરી બસે આઇસર ટેમ્પોને પાછળથી ટક્કર મારતા ચાલકે સ્ટેરીંગ પરનો કાબુ ગુમાવ્યો હતો. જેને લઇ બસ ડિવાઈડર કુદાવી લક્ષ્મી સ્ટુડિયો ની દિવાલમાં ઘૂસી ગઈ હતી. આ અકસ્માતમાં સાતથી વધુ મુસાફરોને ઈજા પહોંચી હોવાનું જાણવા મળ્યું છે.

Advertisement

વડોદરા શહેર નેશનલ હાઇવે ઉપર એક કલાકમાં બે અકસ્માતની ઘટના બની છે વહેલી સવારે એક દંપતી પોતાના બાળકો સાથે બાઈક પર પસાર થઈ રહ્યું હતું આ દરમિયાન આજવા ચોકડી પાસે સુરત થી અમદાવાદ તરફ જતા રસ્તા પર અજાણ્યા વાહને બાઈક પર સવાર દંપતિને જોરદાર ટક્કર મારી હતી. સર્જાયેલા અકસ્માતમાં દંપતિનું મોત થયું હતું.

જ્યારે તેમના બે બાળકોનો આબાદ બચાવ થયો છે. જેઓને સારવાર માટે સયાજી હોસ્પિટલ ખાતે ખસેડાયા હતા. આ ઘટનાના કલાકો બાદ અમદાવાદ થી સુરત તરફ જતા એક આઇસર ટેમ્પો ના ચાલકે પોતાનો આઇસર ટેમ્પો બંધ કરી અને અકસ્માત જોવા ઉભો હતો. આ દરમિયાન પાછળથી એક મુસાફરો ભરેલી લક્ઝરી બસે ટક્કર મારતા સ્ટેરીંગ પરનો કાબુ ગુમાવ્યો હતો. જેના કારણે બસ ડિવાઈડર કૂદીને લક્ષ્મી સ્ટુડિયોની દિવાલમાં ઘૂસી ગઈ હતી.

બસ પલટી મારતા અંદર બેસેલા મુસાફરોના જીવ પડીકે બંધાયા હતા. મુસાફરોની બૂમાબૂમથી હાઇવે નો માર્ગ ગુંજી ઉઠ્યો હતો. મેજર કોલ જાહેર થતાં જ 108 ની 4 એમ્બ્યુલન્સ સીઆરસી, ફાયર ફાઈટરની જુદીજુદી ટીમો તાબડતોડ ઘટના સ્થળે પહોંચી હતી અને બચાવ કામગીરી હાથ ધરી હતી. બસની અંદર રહેલા મુસાફરોને સામાન્ય નાની મોટી ઈજા પહોંચતા સ્થળ પર જ પ્રાથમિક સારવાર આપવામાં આવી હતી. આઇસર ટેમ્પો ચાલકને ઈજા પહોંચતા સારવાર માટે તેને હોસ્પિટલ ખસેડવામાં આવ્યો છે. જ્યારે બસના ચાલકને પણ ઈજા પહોંચી હતી. ટ્રાફિક એસીપી જે.આઈ.વસાવાએ માહિતી આપતા જણાવ્યું હતું કે સવારે 6:20 વાગ્યાના અરસામાં સુરત તરફથી અમદાવાદ તરફ જતા હાઈવે ઉપર બાઈક પર સવાર દંપતી તેમના બે બાળકો સાથે પસાર થઈ રહ્યું હતું. આ દરમિયાન એક અજાણ્યા વાહને તેમને ટક્કર મારી મારતા દંપત્તિનું મોત થયું છે.

Advertisement

આ દંપતીની ઓળખ થઈ ગઈ છે અને દાહોદ થી તેમના સંબંધીઓને બોલાવી લેવામાં આવ્યા છે. તેમના બે બાળકોને ઈજા પહોંચતા સયાજી હોસ્પિટલમાં ખસેડવામાં આવ્યા છે. જ્યારે આ ઘટનાના આશરે 1 કલાક પછી અમદાવાદથી સુરત તરફ જતા એક્સપ્રેસવે પર લક્ઝરી બસે ટેમ્પોને પાછળથી ટક્કર મારી હતી અને બાદમાં આ લક્ઝરી બસના ચાલકે સ્ટેરીંગ પરનો કાબુ ગુમાવ્યો હતો અને ડિવાઇડરમાં લોખંડની રેલીંગ તોડી લક્ષ્મી સ્ટુડિયોની દિવાલમાં બસ ઘૂસી ગઈ હતી.

અકસ્માતમા ટ્રક ચાલકને ઈજા પહોંચી હતી અને તેને પણ સારવાર માટે હોસ્પિટલ ખસેડ્યો છે અને બસના ચાલકને પણ ઇજા પહોંચી હતી. જ્યારે બસમાં બેસેલા મુસાફરોને નાની મોટી ઇજા પહોંચતા પ્રાથમિક સારવાર આપવામાં આવી છે. હાલ બસ દિવાલ તોડીને પલટી મારી જતા ક્રેઇનની મદદ વડે તેને બહાર કાઢવાની તજવીજ હાથ ધરવામાં આવી છે. જોકે આકસ્માતમાં મુસાફરો મુશ્કેલીમાં મુકાયા હતા.

Advertisement
Continue Reading
Advertisement

Dabhoi

ડભોઈમાં નવનિર્મિત સરિતા ઓવરબ્રિજ 7 દિવસ માટે બંધ કરવા જાહેરનામું પ્રસિદ્ધ કરાયું,કેવડિયા-રાજપીપળા તરફ જવા માટે વૈકલ્પિક વ્યવસ્થા જાણો..

Published

on

વડોદરા જિલ્લાના ડભોઇ નગરમાં તાજેતરમાં તૈયાર થયેલા સરિતા ફાટક ઓવરબ્રિજ ની કામગીરી હજી પણ પ્રગતિમાં છે. એક તરફના બ્રિજના નિર્માણ બાદ બીજી તરફના બ્રિજની કામગીરી હાલ ચાલુ કરવામાં આવી છે. આ સાથે હયાત બ્રિજ ઉપર ડામર લેયરની બાકી કામગીરી કરવા માટે તેમજ વારંવાર થતાં અકસ્માત રોકવા બ્રિજની હેડ વૉલ પર રંગકામ કરવા માટે આ બ્રિજને સાત દિવસ માટે બંધ કરવાનું જાહેરનામુ જિલ્લા કલેકટર દ્વારા પ્રસિદ્ધ કરવામાં આવ્યું છે.

અત્રે ઉલ્લેખનીય છે કે, બ્રિજ પર છેલ્લા ઘણા સમયથી વારંવાર અકસ્માતો સર્જાઇ રહ્યા હતા. આ સાથે સાથે એક્સપાન્શન જોઈન્ટ માંથી બ્રિજ તૂટી ગયો હોવાની પણ વાતો વહેતી થઈ હતી. જેના સમારકામ માટે પણ આ સાત દિવસમાં કાર્યવાહી હાથ ધરવામાં આવશે.

Advertisement

ભારદારી વાહનો તેમજ હળવા વાહનો માટે વડોદરા થી ડભોઇ જવા માટેનો ફક્ત આ એક જ મુખ્યમાર્ગ હતો ત્યારે હવે સાત દિવસ માટે રાજપીપળા- કેવડીયા થી વડોદરા તરફ તેમજ વડોદરા થી કેવડિયા અને રાજપીપળા તરફ જવા માટે જિલ્લા કલેકટર દ્વારા ડાયવર્ઝનની રૂપરેખા તૈયાર કરવામાં આવી છે.

Continue Reading

Vadodara

“શાળામાં આવતા કે જતી વખતે કશું થાય તેની જવાબદારી શાળા સંચાલકોની નહીં” તેવા બાહેધરી પત્રો વાલીઓ પાસેથી લેવાયા

Published

on

શાળા સંચાલકો અને વાન ચાલકો વચ્ચે અટવાતા વિદ્યાર્થીઓના વાલીઓ પાસે આજે શાળા શરૂ થવાના પ્રારંભે કેટલીક સ્કૂલોએ બાહેધરી પત્રો લીધા હતા. “ઘરેથી શાળાએ આવતા અથવા શાળાએથી ઘરે જતી વખતે કોઈ દુર્ઘટના બને તે માટે શાળા સંચાલકોની કોઈ જવાબદારી રહેશે નહીં” એવા તેઓ પાસેથી સેલ્ફ ડેકલેરેશન લેવામાં આવ્યા હોવાનું કહેવાય છે.

Advertisement

ઘણી વખત રાજ્યમાં શાળામાં જતા વાહનોના અકસ્માત અથવા આગ લાગવા જેવી ઘટના બની ચૂકી છે. ત્યારે આવી ઘટનાના પગલે રાજ્ય સરકારે આદેશ જારી કરતા ઘરેથી શાળાએ આવતા અથવા શાળાએથી ઘરે સ્કૂલ વાન કે ઓટો રીક્ષામાં જતા વિદ્યાર્થીઓને કશું થશે તો તેની જવાબદારી શાળા સંચાલકોની રહેશે તેવો નિર્ણય જાહેર કર્યો હતો.

Advertisement

જેના વિરોધમાં શાળા સંચાલકોએ જિલ્લા કલેકટર ખાતે આવેદનપત્ર આપી સરકારના નિર્ણય સામે નારાજગી વ્યક્ત કરી હતી. શાળા સંચાલકોએ જણાવ્યું હતું કે, ઘરેથી શાળાએ આવતા અથવા શાળાથી ઘરે જતી વખતે વાહનમાં જો કોઈ ઘટના બને છે તો અમારી જવાબદારી નથી. શાળાના પ્રાંગણમાં પ્રવેશથી પ્રાંગણની બહાર જતા વેળા સુધીની જ અમારી જવાબદારી છે.

ત્યારે સરકારના નિયમમાં ભવિષ્યમાં કદાચ શાળા સંચાલકો ભેળવાય નહીં તે માટે વાન અથવા રિક્ષામાં આવતા વિદ્યાર્થીઓને કશું થાય છે તો તેની જવાબદારી વાલીઓની રહેશે તેવા બાહેધરી પત્રો આજે કેટલાક શાળા સંચાલકો દ્વારા લેવામાં આવ્યા છે.

Advertisement

Continue Reading

Vadodara

10 વર્ષ બાદ પૂર્વ નગરસેવકની આંખો ઉઘડી,ક્રિકેટર યુસુફ પઠાણ દ્વારા સરકારી જમીન પર દબાણ કરાયાનો આક્ષેપ

Published

on

એક સમયે વડોદરા શહેરને ગૌરવ અપાવનાર પઠાણ બંધુઓ પૈકીના યુસુફ પઠાણે પશ્ચિમ બંગાળમાં લોકસભાની ચૂંટણી જીતી જતા હવે વડોદરા ભાજપના સત્તાધીશોના પેટમાં તેલ રેડાઈ રહ્યું છે. એક સપ્તાહ પૂર્વે શહેરના પૂર્વ મેયર સુનિલ સોલંકીએ યુસુફ પઠાણ વિરુદ્ધની એક ફેસબુક પોસ્ટ કરી હતી. જ્યારે હવે ભારતીય જનતા પાર્ટીના પૂર્વ કાઉન્સિલર વિજય પવાર દ્વારા યુસુફ પઠાણ દ્વારા સરકારી જમીન પર ગેરકાયદેસર કબજો કરવામાં આવ્યો હોવાની આક્ષેપ કરવામાં આવી રહ્યા છે.

Advertisement

વર્ષ 2012માં ભારતીય ક્રિકેટ ટીમના ખેલાડી યુસુફ પઠાણ દ્વારા વડોદરા મહાનગરપાલિકા પાસે સરકારી જમીન વેચાણ થી માંગણી કરી હતી. આશરે 978 ચોરસ મીટર જેટલી સરકારી જમીન માટે પ્રતિ ચોરસ મીટર 57,270 નું પ્રીમિયમ ભરવાની તૈયારી પણ ક્રિકેટર યુસુફ પઠાણે દર્શાવી હતી.

Advertisement

ભારતીય ક્રિકેટ ટીમમાં મહત્વનું સ્થાન ધરાવતા હોય જે તે સમયના ભારતીય જનતા પાર્ટીના પાલિકાના સત્તાધીશો દ્વારા આ જમીન આપવા માટે પાલિકાની સામાન્ય સભામાં સર્વાનુમતે દરખાસ્ત મંજૂર કરવામાં આવી હતી.

વડોદરા મહાનગરપાલિકાએ કરેલી દરખાસ્તને અંતિમ મંજૂરી માટે રાજ્યના શહેરી વિકાસ મંત્રાલયમાં મોકલી આપવામાં આવી હતી. જ્યાં વર્ષ 2014માં રાજ્યના શહેરી વિકાસ મંત્રાલય દ્વારા આ દરખાસ્તને નામંજૂર કરવામાં આવી હતી. દરખાસ્તના મંજૂર કરાઈ હોવા છતાંય તાંદલજા વિસ્તારમાં પઠાણ બંધુઓના નિવાસ્થાની બાજુમાં આવેલા પ્લોટ પર ક્રિકેટર યુસુફ પઠાણ દ્વારા કબજો કરી લઈને તબેલો બાંધી દીધો હોવાના આક્ષેપ પૂર્વ કાઉન્સિલર વિજય પવાર દ્વારા કરવામાં આવ્યા છે.

Advertisement

સમગ્ર મામલે પાલિકા દ્વારા યોગ્ય તપાસ કરીને તૃણમુલ કોંગ્રેસના સાંસદ તેમજ પૂર્વ ક્રિકેટર યુસુફ પઠાણ દ્વારા કોર્પોરેશનના પ્લોટ પર કરાયેલા કબજાને ખાલી કરાવીને પ્લોટ પાછો લેવાની માંગણી પૂર્વ નગરસેવક વિજય પવારે કરી છે.

Advertisement
Continue Reading
Advertisement

Trending