Connect with us

Vadodara

ઘોડા છૂટી ગયા બાદ તબેલાને તાળા મારવામાં પાલિકાને ફાવટ આવી ગઈ,ફ્રૂટ બજારના દબાણો દૂર કરવા પહોંચતા પહેલા જ પેપર ફૂટી ગયું

Published

on

ઘોડા છૂટી ગયા બાદ તબેલાને તાળા મારવા નીકળવામાં પાલિકાના અધિકારીઓને ખૂબ સારી ફાવટ આવી ગઈ છે. જેના કારણે પાલિકાની કોઈ કાર્યવાહી સંપૂર્ણપણે સફળ થતી નથી. આજે વડોદરા મહાનગરપાલિકાની દબાણ શાખા દ્વારા ખંડેરાવ માર્કેટ નજીકના ફ્રુટ બજારના વધારાના દબાણો દૂર કરવાની કાર્યવાહી હાથ ધરવામાં આવી હતી. જોકે દબાણ શાખા પહોંચે તે પહેલા જ લારીધારકોને સંદેશો મળી જતા લારીઓ ખસેડી દેવામાં આવી હતી આખરે દબાણ શાખાએ દેખાડા પૂરતી કામગીરી કરીને સંતોષ માન્યો હતો.

વડોદરા મહાનગરપાલિકાના અનગઢ વહીવટના અનેક ઉદાહરણો ભૂતકાળમાં સામે આવ્યા છે હરણી બોટ દુર્ઘટનામાં 14 વ્યક્તિઓએ જીવ ગુમાવ્યા બાદ પાલિકાના સત્તાધિશો સફાળા જાગ્યા હતા અને પાલિકાની માલિકીની કેટલીક મિલકતો સામે કાયદાના ભંગ અંગે કાર્યવાહી કરવામાં આવી હતી. દસ વર્ષથી ચાલતા રાત્રિ બજારમાં એકાએક પાલિકાને ફાયર સેફ્ટીના સાધનો નહીં હોવાનું બ્રહ્મજ્ઞાન થયું હતું. જ્યારે કેવડા બાગ સરદાર બજારમાં જન્મ મરણની પાલિકાની ઓફિસ ચલાવ્યા બાદ ઇમારત જર્જરીત થઇ હોવાનું જ્ઞાન પાલિકાના સત્તાધીશોને લાધ્યું હતું.

આવા તો અનેક કિસ્સાઓ છે, જેમાં પાલિકાના સત્તાધીશો ઘોડા છૂટી ગયા બાદ તબેલાને તાળા મારવા નીકળતા હોય છે. જ્યાં આજે પાલિકાની વડી કચેરી ખંડેરાવ માર્કેટની દીવાલને અડીને રોડ રસ્તા પર દબાણ કરીને ચાલવામાં આવતા ફ્રુટ બજારના દબાણો દૂર કરવાની કાર્યવાહી હાથ ધરવામાં આવી હતી. દબાણ શાખા સ્થળ પર પહોંચે તે પહેલા ફ્રુટના પથારાવાડાઓને માહિતી મળી ગઈ હતી, જેથી તેઓએ સ્થળ પરથી મોટા ભાગનો સામાન ખસેડી લીધો હતો. દબાણ શાખા પહોંચી ત્યારે તેઓના હાથમાં કઈ લાગ્યું ન હતું અને તે દેખાડા પૂરતો માલ સામાન જપ્ત કરવાની કાર્યવાહી પાલિકાની દબાણ શાખા એ કરી હતી.

અત્રે ઉલ્લેખનીય છે કે, દાયકાઓથી પાલિકાની વડી કચેરી પાસે આવેલા ફ્રુટ બજાર ના આડેધડ દબાણો કાર્યરત છે. અનેક સત્તાધિશો આવ્યા અને ગયા છતાં પણ ખંડેરાવ માર્કેટ નજીકના દબાણો દૂર થતા નથી. સમગ્ર શહેરને સ્માર્ટ સિટી બનાવવાની વાત કરતા વડોદરા મહાનગરપાલિકાના સત્તાધીશો પાલિકાની કચેરીની આસપાસના વિસ્તારને પણ સ્માર્ટ બનાવી શક્યા નથી તેનું ઉત્તમ ઉદાહરણ અહીં જોવા મળે છે.

Advertisement
Continue Reading
Advertisement

Karjan-Shinor

કરજણ ભરથાણા ટોલનાકા પાસે થી કંટેનરમાં ગોવાથી ગોધરા લઇ જવાતો એક કરોડથી વધુ કિંમતનો વિદેશી દારૂનો જથ્થો ઝડપી પાડી ચાલક અને ક્લીનરની ધરપકડ કરી

Published

on

ગાંધીના ગુજરાતમાં દારૂબંધી હોય શરાબ માફિયાઓ ગાંધીના ગુજરાતમાં દારૂનો જથ્થો ઠાલવવા અવનવા નુસખા અપનાવતા હોય છે ત્યારે પોલીસ પણ શરાબ માફિયાઓના નુસખાને નિષ્ફળ બનાવવા સક્રિય રહેતી હોય છે ત્યારે એલ.સી.બી. પોલીસે કરજણ પો.સ્ટે. વિસ્તારના ભરથાણા ટોલનાકા પાસે થી ગોવાથી કંટેનરમાં અંદાજિત એક કરોડનો વિદેશી દારૂનો જથ્થો ભરી ગોધરા જતા કંટેનરને પોલીસે ઝડપી પાડી ચાલક સહિત બે આરોપીઓની ધરપકડ કરી કાયદેસરની કાર્યવાહી હાથ ધરી છે



આ અંગે પ્રાપ્ત માહિતી અનુસાર વડોદરા જિલ્લાના કરજણ મથકના હદ વિસ્તારમાં આવેલ ભરથાણા ટોલનાકા ઉપર એલસીબી પોલીસની ટિમની વાહન ચેકીંગની કામગીરીમાં હતી દરમિયાન ભરુચ તરફથી આવતા એક કન્ટેનર ચાલકે પોલીસને દૂરથી વાહન ચેકિંગ કરતા જોઇ કન્ટેનર દૂર ઉભો કરી દીધેલ જેથી પોલીસને શંકા જતા કન્ટેનર પાસે જઇ કન્ટેનરની કેબીનમાં તપાસ કરતા કેબીનમાં ડ્રાઇવર તથા ક્લીનર મળી આવ્યા હતા પોલીસે તેમની પુછપરછ કરતા બન્ને જણાએ પોલીસને સંતોષકારક જવાબ ના આપી શકતા પોલીસને શકા ઉપજી હતી

Advertisement



પોલીસે કન્ટેનર ચાલક અને ક્લીનરને સાથે રાખી કન્ટેનરના પાછળ ભાગે તપાસ કરતા કન્ટેનરનો દરવાજો ખોલતા અધધ દારૂનો જથ્થો જોઈ પોલીસ પણ ચોકી ઉઠી હતી પોલીસે બન્ને આરોપીઓને કન્ટેનર સાથે પોલીસ પહેરા હેઠળ કરજણ પોલીસ મથક ખાતે લઇ જવા માં આવવા હતા અને પોલીસે સ્થાનિકોની મદદ લઇ ત્રણ કલાકની ભારે જહેમત બાદ કન્ટેનર માંથી વિદેશી દારૂની પેટીઓ બહાર કાઢી ગણતરી કરતા કુલ રૂપિયા 95,96,600ની કિંમતની 1999 પેટી માંથી 95966 નંગ વિદેશી દારૂની બોટલ મળી આવી હતી પોલીસે વિદેશી દારૂના જથ્થા સહીત કુલ એક કરોડ છ લાખ અઢાર હજાર છસ્સોની કિંમતનો મુદામાલ કબ્જે કરી કન્ટેનર ચાલક અને ક્લીનરની ધરપકડ કરી હતી



એલસીબી પોલીસે દારૂના જથ્થા સાથે ઝડપી પાડેલ કેરેલાના કન્ટેનર ચાલક અથુલ ગંગાધરણ પીલ્લઇ અને અનીશકુમાર ઉન્ની હીરાવાની પુછપરછ કરતા આ વિદેશી દારૂ ભરેલ કન્ટેનર 
તિરૂવનંતપુરમ ખાતે રહેતા રાજેશ કરુનાકરન અને કેરલના સુધી નામના ઇસમે ગોવાના પણજી ખાતે થી કન્ટેનર આપ્યું હતું અને કન્ટેનર ગોવાથી ગોધરા ખાતે લઇ જવાનું હતું અને ગોધરા પહોચી સુધીને ફોન કરવાનુ જણાવેલ આ દારૂ ભરેલા કન્ટેનરની એક ટ્રીપ મારવા માટે 60 હજાર આપવાનું નક્કી થયું હતું અને દારૂ ભરેલ કન્ટેનર સિધુ નામના ઇસમે અમને ગોવા ચેક પોસ્ટ પસાર કરાવી આપેલ અને તે ત્યા ઉતરી હતો એલસીબી પોલીસે પકડી પાડેલ અથુલ ગંગાધરણ પીલ્લઇ અને અનીશકુમાર ઉન્ની હીરાવા વિરુદ્ધ કરજણ પોલીસ મથકે ગુનો નોંધી દારૂના જથ્થો સપ્લાય કરનાર સુધી અને રાજેશ નામના ઇસમોને વૉન્ટેડ જાહેર કરી કાયદેસરની કાર્યવાહી હાથ ધરી છે

Advertisement
Continue Reading

Vadodara

નશાકારક સીરપનો વેપાર ફરી ધમધમ્યો, અમદાવાદ ગ્રામ્ય પોલીસે સીરપનો જથ્થો પકડતા ગોડાઉન વડોદરામાં મળ્યું

Published

on



ખેડા જીલ્લામાં થયેલા ચકચારી સીરપ કાંડમાં 7 જેટલા લોકોના મોત નિપજ્યા હતા. જ્યારે પોલીસે રાજ્યભરમાં આવી નકલી અને નશાકારક સીરપનું વેચાણ કરતા તત્વોને શોધી કાઢવા માટે એક ખાસ ડ્રાઈવ ચલાવી હતી. આ દરમિયાન અમદાવાદ ગ્રામ્ય પોલીસે નશાકારક સીરપના જથ્થા સાથે એક રિક્ષાને પકડી પાડયા બાદ તેના કનેક્શન વડોદરા સાથે નીકળતા વડોદરામાં ગોડાઉનને સીલ કરવામાં આવ્યું છે.


ખેડા જીલ્લામાં થોડા સમય પહેલા નશાકારક સીરપ પીવાથી 7 જેટલા નશાના આદીઓના મોટ નિપજ્યા હતા. જેમાં વડોદરા સાથે કનેક્શન નીકળતા મુખ્ય આરોપીની વડોદરાથી ધરપકડ કરવામાં આવી હતી. આ ઘટનાને થોડો સમય થયો છે ત્યાં તો અમદાવાદ ગ્રામ્ય એસ.ઓ.જીએ વટામણ ચોકડી પાસેથી એક રિક્ષામાં નશાકારક સીરપના જથ્થા સાથે શકીલ શેખ અને પ્રતીક પંચાલની ધરપકડ કરવામાં આવી હતી.

Advertisement



બંને પકડાયેલા આરોપીઓ મૂળ વડોદરાના હોવાથી પોલીસે તપાસનો દોર વડોદરા તરફ લંબાવ્યો હતો. જ્યારે સીરપનો જથ્થો વડોદરાના સુભાનપુરા વિસ્તારમાં આવેલા આનંદવન કોમ્પ્લેક્ષ માંથી લાવ્યા હોવાનું સામે આવતા અમદાવાદ પોલીસની ટિમ વડોદરા આવી પહોંચી હતી.




સુભાનપુરા આનંદવન કોમ્પ્લેક્ષની ઉત્તુંગ બિલ્ડીંગના ગ્રાઉન્ડ ફ્લોર પર આવેલી દુકાનમાં સીરપનો જથ્થો રાખવામાં આવતો હોવાનું સામે આવ્યું  છે. નશાકારક સીરપનું ગોડાઉન રાજુ નામના ઈસમનું હોવાનું જાણવા મળ્યું છે. જ્યારે પોલીસે તે દિશામાં તપાસ હાથ ધરી છે.

Advertisement
Continue Reading

Vadodara

વડોદરાના નવ નિયુક્ત જિલ્લા કલેક્ટર બિજલ શાહે આજે વિધિવત રીતે ચાર્જ સંભાળ્યો

Published

on

બિજલ શાહ જામનગર જિલ્લા કલેકટર પદે ફરજ બજાવી ચુક્યા છે



વડોદરાના જિલ્લા કલેકટર એ.બી.ગોરની મુખ્યમંત્રી કાર્યાલયમાં ખાસ ફરજ પરના અધિકારી બદલી થતા તેમને હરણી બોટ દુર્ઘટનાની તપાસનો રિપોર્ટ સરકારને સોંપ્યા બાદ વડોદરા જિલ્લા કલેકટર તરીકેનો ચાર્જ છોડતા વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળ્યો હતો

Advertisement



વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળતા અધિક નિવાસી કલેકટર બી એસ પ્રજાપતિ સહિત અધિકારીઓ અને વર્ગ-3 મહેસુલી કર્મચારી મહામંડળ દ્વારા
નવ નિયુક્ત જિલ્લા કલેકટરનું બુકે આપી કર્યું સ્વાગત કરવામાં આવ્યું હતું વડોદરાના નવ નિયુક્ત જિલ્લા કલેકટર બિજલ શાહ જામનગર જિલ્લા કલેકટર પદે ફરજ બજાવતા હતા



આ પ્રંસગે નવનિયુક્ત જિલ્લા કલેક્ટર બીજલ શાહએ જાણવ્યું હતું કે, વડોદરામાં સુઓમોટો વારસાઈની ઝુંબેશ ચલાવવામાં આવશે અને વર્ષ 2010-20 ની વચ્ચે જે લોકોના મૃત્યુ થયા હોય તેમના ડેટા કાઢી વારસાઈ ન થઈ હોય તો તેમના ઘરે જઈ વારસાઈ કરવા સમજાવીશું સાથે સરકારી જમીનમાં સરકારી પ્રોજેક્ટ માટે અડચણ આવી રહી હોય તેને તાત્કાલિક દૂર કરાવીશું

Advertisement
Continue Reading
Advertisement

Trending