Connect with us

Vadodara

ખુલ્લા બોરવેલમાં પડી જતા 3 વર્ષીય માસુમ બાળકીનું મોત, ફાયરબ્રિગેડ દ્વરા સતત 20 મિનીટ રેસ્ક્યુ ઓપરેશન હાથ ધરાયું

Published

on

વડોદરા શહેરના છાણી વિસ્તારમાંયોગીનગર ટાઉનશીપ પાસેની ખુલ્લી જગ્યામાં આવેલા બોરવેલના ખાડામાં નાની બાળકી પડી ગઈ હોવાનો કોલ ફાયરબ્રિગેડને મળતા ફાયરબ્રિગેડનો કાફલો ઘટનાસ્થળે પહોચ્યો હતો. જ્યાં બોરવેલમાં 10 ફૂટ નીચે ઉતરી ગયેલી બાળકીને બચાવવા માટે લગભગ 20 મિનીટ સુધી રેસ્ક્યુ ઓપરેશન ચલાવ્યા બાદ બેભાન અવસ્થામાં બાળકીને બહાર કાઢી લેવામાં આવી હતી. જે બાદ 108 મારફતે સારવાર અર્થે ખસેડતા હાજર તબીબોએ તેણે મૃત જાહેર કરી હતી.

પ્રાપ્ત માહિતી અનુસાર શહેરના છાણી વિસ્તારમાં રામાકાકાની ડેરી પાસે યોગીનગર ટાઉનશીપ આવેલી છે. જે ટાઉનશીપ નજીક એક ખુલ્લી જગ્યામાં શ્રમજીવીઓ કાચા બાંધકામમાં વસવાટ કરતા હતા. જ્યાં તાજેતરમાં કરવામાં આવેલા બોરવેલનો ખાડો ખુલ્લો છોડી દેવામાં આવ્યો હતો. આજે 11 વાગ્યાના સુમારે એક 3 વર્ષની બાળકી રમતા રમતા બોરવેલના ખાડામાં સરકી પડી હતી. બાળકીના પરિવારજનોને તેની જાણ થતા બચાવો બચાવોની બુમરાડ મચાવી મૂકી હતી. જે બાદ મદદ માટે દોડી આવેલા અન્ય લોકોએ ફાયરબ્રિગેડને જાણ કરતા કાફલો ઘટના સ્થળે પહોચ્યો હતો. આ સાથે છાણી પોલીસ મથકનો સ્ટાફ તેમજ 108 એમ્બ્યુલન્સ પણ સ્થળ પર પહોચી ગઈ હતી.

ફાયરબ્રિગેડના જવાનો દ્વારા રસ્સાની મદદથી બાળકીને બહાર કાઢવાના પ્રયત્નો હાથ ધર્યા હતા. જ્યાં 20 મિનીટ સુધી ચાલેલા રેસ્ક્યુ ઓપરેશન બાદ બાળકીને બેભાન અવસ્થામાં બહાર કાઢવામાં આવી હતી. બાળકીનો શ્વાસ રૂંધાયો હોય તેણે તાત્કાલિક 108 એમ્બ્યુલન્સમાં પ્રાથમિક સારવાર આપવામાં આવી હતી. જે બાદ તેણે નજીકની હોસ્પિટલમાં ખસેડવામાં આવી હતી. જ્યાં હાજર તબીબોએ તેણે મૃત જાહેર કરી હતી.

3 વર્ષની બાળકીએ જીવ ગુમાવતા પરિવારજનોમાં આક્રંદ છવાઈ ગયો હતો. જયારે ખુલ્લા બોરવેલને કારણે વધુ એક માસુમનો જીવ જતા સ્થાનીકોમાં ભારે રોષ જોવા મળ્યો હતો. બોરવેલ ખુલ્લો રાખવાની ગંભીર બેદરકારી રાખનાર સામે કાર્યવાહી કરવાની માંગ ઉઠી છે ત્યારે છાણી પોલીસે અકસ્માત મોતનો ગુન્હો નોંધીને આગળની તપાસ હાથ ધરી છે.

Advertisement
Continue Reading
Advertisement

Karjan-Shinor

કરજણ ભરથાણા ટોલનાકા પાસે થી કંટેનરમાં ગોવાથી ગોધરા લઇ જવાતો એક કરોડથી વધુ કિંમતનો વિદેશી દારૂનો જથ્થો ઝડપી પાડી ચાલક અને ક્લીનરની ધરપકડ કરી

Published

on

ગાંધીના ગુજરાતમાં દારૂબંધી હોય શરાબ માફિયાઓ ગાંધીના ગુજરાતમાં દારૂનો જથ્થો ઠાલવવા અવનવા નુસખા અપનાવતા હોય છે ત્યારે પોલીસ પણ શરાબ માફિયાઓના નુસખાને નિષ્ફળ બનાવવા સક્રિય રહેતી હોય છે ત્યારે એલ.સી.બી. પોલીસે કરજણ પો.સ્ટે. વિસ્તારના ભરથાણા ટોલનાકા પાસે થી ગોવાથી કંટેનરમાં અંદાજિત એક કરોડનો વિદેશી દારૂનો જથ્થો ભરી ગોધરા જતા કંટેનરને પોલીસે ઝડપી પાડી ચાલક સહિત બે આરોપીઓની ધરપકડ કરી કાયદેસરની કાર્યવાહી હાથ ધરી છે



આ અંગે પ્રાપ્ત માહિતી અનુસાર વડોદરા જિલ્લાના કરજણ મથકના હદ વિસ્તારમાં આવેલ ભરથાણા ટોલનાકા ઉપર એલસીબી પોલીસની ટિમની વાહન ચેકીંગની કામગીરીમાં હતી દરમિયાન ભરુચ તરફથી આવતા એક કન્ટેનર ચાલકે પોલીસને દૂરથી વાહન ચેકિંગ કરતા જોઇ કન્ટેનર દૂર ઉભો કરી દીધેલ જેથી પોલીસને શંકા જતા કન્ટેનર પાસે જઇ કન્ટેનરની કેબીનમાં તપાસ કરતા કેબીનમાં ડ્રાઇવર તથા ક્લીનર મળી આવ્યા હતા પોલીસે તેમની પુછપરછ કરતા બન્ને જણાએ પોલીસને સંતોષકારક જવાબ ના આપી શકતા પોલીસને શકા ઉપજી હતી

Advertisement



પોલીસે કન્ટેનર ચાલક અને ક્લીનરને સાથે રાખી કન્ટેનરના પાછળ ભાગે તપાસ કરતા કન્ટેનરનો દરવાજો ખોલતા અધધ દારૂનો જથ્થો જોઈ પોલીસ પણ ચોકી ઉઠી હતી પોલીસે બન્ને આરોપીઓને કન્ટેનર સાથે પોલીસ પહેરા હેઠળ કરજણ પોલીસ મથક ખાતે લઇ જવા માં આવવા હતા અને પોલીસે સ્થાનિકોની મદદ લઇ ત્રણ કલાકની ભારે જહેમત બાદ કન્ટેનર માંથી વિદેશી દારૂની પેટીઓ બહાર કાઢી ગણતરી કરતા કુલ રૂપિયા 95,96,600ની કિંમતની 1999 પેટી માંથી 95966 નંગ વિદેશી દારૂની બોટલ મળી આવી હતી પોલીસે વિદેશી દારૂના જથ્થા સહીત કુલ એક કરોડ છ લાખ અઢાર હજાર છસ્સોની કિંમતનો મુદામાલ કબ્જે કરી કન્ટેનર ચાલક અને ક્લીનરની ધરપકડ કરી હતી



એલસીબી પોલીસે દારૂના જથ્થા સાથે ઝડપી પાડેલ કેરેલાના કન્ટેનર ચાલક અથુલ ગંગાધરણ પીલ્લઇ અને અનીશકુમાર ઉન્ની હીરાવાની પુછપરછ કરતા આ વિદેશી દારૂ ભરેલ કન્ટેનર 
તિરૂવનંતપુરમ ખાતે રહેતા રાજેશ કરુનાકરન અને કેરલના સુધી નામના ઇસમે ગોવાના પણજી ખાતે થી કન્ટેનર આપ્યું હતું અને કન્ટેનર ગોવાથી ગોધરા ખાતે લઇ જવાનું હતું અને ગોધરા પહોચી સુધીને ફોન કરવાનુ જણાવેલ આ દારૂ ભરેલા કન્ટેનરની એક ટ્રીપ મારવા માટે 60 હજાર આપવાનું નક્કી થયું હતું અને દારૂ ભરેલ કન્ટેનર સિધુ નામના ઇસમે અમને ગોવા ચેક પોસ્ટ પસાર કરાવી આપેલ અને તે ત્યા ઉતરી હતો એલસીબી પોલીસે પકડી પાડેલ અથુલ ગંગાધરણ પીલ્લઇ અને અનીશકુમાર ઉન્ની હીરાવા વિરુદ્ધ કરજણ પોલીસ મથકે ગુનો નોંધી દારૂના જથ્થો સપ્લાય કરનાર સુધી અને રાજેશ નામના ઇસમોને વૉન્ટેડ જાહેર કરી કાયદેસરની કાર્યવાહી હાથ ધરી છે

Advertisement
Continue Reading

Vadodara

નશાકારક સીરપનો વેપાર ફરી ધમધમ્યો, અમદાવાદ ગ્રામ્ય પોલીસે સીરપનો જથ્થો પકડતા ગોડાઉન વડોદરામાં મળ્યું

Published

on



ખેડા જીલ્લામાં થયેલા ચકચારી સીરપ કાંડમાં 7 જેટલા લોકોના મોત નિપજ્યા હતા. જ્યારે પોલીસે રાજ્યભરમાં આવી નકલી અને નશાકારક સીરપનું વેચાણ કરતા તત્વોને શોધી કાઢવા માટે એક ખાસ ડ્રાઈવ ચલાવી હતી. આ દરમિયાન અમદાવાદ ગ્રામ્ય પોલીસે નશાકારક સીરપના જથ્થા સાથે એક રિક્ષાને પકડી પાડયા બાદ તેના કનેક્શન વડોદરા સાથે નીકળતા વડોદરામાં ગોડાઉનને સીલ કરવામાં આવ્યું છે.


ખેડા જીલ્લામાં થોડા સમય પહેલા નશાકારક સીરપ પીવાથી 7 જેટલા નશાના આદીઓના મોટ નિપજ્યા હતા. જેમાં વડોદરા સાથે કનેક્શન નીકળતા મુખ્ય આરોપીની વડોદરાથી ધરપકડ કરવામાં આવી હતી. આ ઘટનાને થોડો સમય થયો છે ત્યાં તો અમદાવાદ ગ્રામ્ય એસ.ઓ.જીએ વટામણ ચોકડી પાસેથી એક રિક્ષામાં નશાકારક સીરપના જથ્થા સાથે શકીલ શેખ અને પ્રતીક પંચાલની ધરપકડ કરવામાં આવી હતી.

Advertisement



બંને પકડાયેલા આરોપીઓ મૂળ વડોદરાના હોવાથી પોલીસે તપાસનો દોર વડોદરા તરફ લંબાવ્યો હતો. જ્યારે સીરપનો જથ્થો વડોદરાના સુભાનપુરા વિસ્તારમાં આવેલા આનંદવન કોમ્પ્લેક્ષ માંથી લાવ્યા હોવાનું સામે આવતા અમદાવાદ પોલીસની ટિમ વડોદરા આવી પહોંચી હતી.




સુભાનપુરા આનંદવન કોમ્પ્લેક્ષની ઉત્તુંગ બિલ્ડીંગના ગ્રાઉન્ડ ફ્લોર પર આવેલી દુકાનમાં સીરપનો જથ્થો રાખવામાં આવતો હોવાનું સામે આવ્યું  છે. નશાકારક સીરપનું ગોડાઉન રાજુ નામના ઈસમનું હોવાનું જાણવા મળ્યું છે. જ્યારે પોલીસે તે દિશામાં તપાસ હાથ ધરી છે.

Advertisement
Continue Reading

Vadodara

વડોદરાના નવ નિયુક્ત જિલ્લા કલેક્ટર બિજલ શાહે આજે વિધિવત રીતે ચાર્જ સંભાળ્યો

Published

on

બિજલ શાહ જામનગર જિલ્લા કલેકટર પદે ફરજ બજાવી ચુક્યા છે



વડોદરાના જિલ્લા કલેકટર એ.બી.ગોરની મુખ્યમંત્રી કાર્યાલયમાં ખાસ ફરજ પરના અધિકારી બદલી થતા તેમને હરણી બોટ દુર્ઘટનાની તપાસનો રિપોર્ટ સરકારને સોંપ્યા બાદ વડોદરા જિલ્લા કલેકટર તરીકેનો ચાર્જ છોડતા વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળ્યો હતો

Advertisement



વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળતા અધિક નિવાસી કલેકટર બી એસ પ્રજાપતિ સહિત અધિકારીઓ અને વર્ગ-3 મહેસુલી કર્મચારી મહામંડળ દ્વારા
નવ નિયુક્ત જિલ્લા કલેકટરનું બુકે આપી કર્યું સ્વાગત કરવામાં આવ્યું હતું વડોદરાના નવ નિયુક્ત જિલ્લા કલેકટર બિજલ શાહ જામનગર જિલ્લા કલેકટર પદે ફરજ બજાવતા હતા



આ પ્રંસગે નવનિયુક્ત જિલ્લા કલેક્ટર બીજલ શાહએ જાણવ્યું હતું કે, વડોદરામાં સુઓમોટો વારસાઈની ઝુંબેશ ચલાવવામાં આવશે અને વર્ષ 2010-20 ની વચ્ચે જે લોકોના મૃત્યુ થયા હોય તેમના ડેટા કાઢી વારસાઈ ન થઈ હોય તો તેમના ઘરે જઈ વારસાઈ કરવા સમજાવીશું સાથે સરકારી જમીનમાં સરકારી પ્રોજેક્ટ માટે અડચણ આવી રહી હોય તેને તાત્કાલિક દૂર કરાવીશું

Advertisement
Continue Reading
Advertisement

Trending