Connect with us

Savli

ભાજપના શાસનમાં RSS કાર્યકરો ઇતિહાસમાં પહેલી વાર ન્યાય માટે કલેકટર કચેરીએ પહોચ્યા  

Published

on

વડોદરા જીલ્લાના સાવલી તાલુકામાં રામનવમીના દિવસે શોભાયાત્રા યોજનાર હિંદુ સંગઠન અને RSS સાથે જોડાયેલા બે કાર્યકરો પર પોલીસે એટ્રોસિટી એક્ટ હેઠળ ગુન્હો નોંધીને ધરપકડ કરી માર માર્યો હોવાના આક્ષેપ સાથે આજે રાષ્ટ્રીય સ્વયં સેવક સંઘના આગેવાનો જીલ્લા કલેકટરને રજૂઆત કરવા માટે આવી પહોચ્યા હતા. અને કિન્નાખોરી થી કામ કરતા સાવલી પી.એસ.આઈની તાત્કાલિક બદલી કરવાની માંગ કરી હતી.

રાજ્યમાં આશરે ત્રીસ વર્ષથી ભારતીય જનતા પાર્ટીનું મજબુત શાસન ચાલી રહ્યું છે. ભાજપના મોટા ભાગના નેતાઓ રાષ્ટ્રીય સ્વયંસેવક સંઘની વિચારધારા ધરાવતા નેતાઓ છે. રાજ્યના ભાજપ શાસનના લગભગ તમામ મુખ્યમંત્રીઓનું ગોત્ર RSS છે. છતાય આજે ઇતિહાસમાં પહેલી વાર RSSના કાર્યકરો પર થઇ રહેલી ખોટી ફિરયાદ મામલે આગેવાનો જીલ્લા કલેકટરના દ્વારે પહોચ્યા હતા.

Advertisement

સાવલીમાં થોડા સમય પહેલા RSSના એક કાર્યકર પર પાસા દરખાસ્ત કરવામાં આવી હતી. અને તેણે સાબરમતી જેલમાં મોકલી આપવામાં આવ્યો હતો. જે અંગે ગૃહ વિભાગ સુધી રજૂઆત થયા બાદ ત્રણ દિવસમાં RSSના કાર્યકર્તાને મુક્ત કરવામાં આવ્યો હતો. જયારે હવે રામનવમીએ સાવલી નગરમાં શોભાયાત્રા યોજનાર RSS અને હિંદુ સંગઠન સાથે જોડાયેલા બે કાર્યકરોને પોલીસે ધરપકડ કરીને એટ્રોસિટી એક્ટની કલમ હેઠળ ગુન્હો નોંધ્યો છે.

પોલીસનું કહેવું છે કે, બંને યુવાનોએ એક પોલીસ જવાનને જાતિવિષયક અપશબ્દો બોલીને ધમકી આપી હતી. જેથી પોલીસે તેઓ સામે કાર્યવાહી કરી છે. જોકે આક્ષેપ તો એવા પણ સામે આવ્યા છે કે, સાવલી પીએસઆઈ અનિરુદ્ધસિંહ કામલીયાએ તેમાંથી એક યુવાનને બેભાન ન થાય ત્યાં સુધી ઢોર માર માર્યો છે.

સમગ્ર મામલે ગત રાત્રીના સમયે RSS અને હિંદુ સંગઠનોએ પોલીસ મથકની બહાર મોરચો માંડીને રામધુન બોલાવી હતી. જેમાં એક અગ્રણીએ આત્મવિલોપણનો પ્રયત્ન કર્યો હતો. આજે RSS સહીત હિંદુ સંગઠનોએ જીલ્લા કલેકટરને આ બાબતે ધારદાર રજૂઆત કરી હતી. પોલીસ અધિકારીની શંકાસ્પદ ભૂમિકા પર સવાલો ઉભા કરીને તેઓને તાત્કાલિક ધોરણે સાવલી માંથી બદલી કરવાની માંગ હિંદુ સંગઠનોએ ઉઠાવી હતી.

Advertisement

સમગ્ર વિવાદમાં સાવલી ભાજપના ધારાસભ્ય કેમ રસ નથી લેતા ?

મામલો RSSનો હોય અને ભાજપના નેતાની ચુપકીદી?,આ વાત ગળે ઉતરે તેમ નથી. જોકે સાવલીનું ચિત્ર કઈક અલગ છે. સાવલીમાં ભાજપના ધારાસભ્ય કેતન ઈનામદારને સ્થાનિક RSSના નેતાઓ સાથે સારા સબંધો નથી તે જગજાહેર છે. એટલું જ નહિ વર્ષ 2023ના માર્ચમાં સાવલી ધારાસભ્યના ભાઈ સંદીપ ઈનામદાર પર જે અનીલ પ્રેમશંકર મિસ્ત્રીએ મારામારીની ફરિયાદ કરી હતી. તે અનીલ મિસ્ત્રી ગતરોજની ઘટનામાં પોલીસે જેને આરોપી બનાવ્યો છે તે પાર્થ મિસ્ત્રીના પિતા છે. પિતાએ ધારાસભ્યના ભાઈ પર પોલીસ ફરિયાદ કરી હોય તો ધારાસભ્ય શાને માટે તેઓના પક્ષમાં રજૂઆત કરીને તેઓ સાથે ઉભા રહે? જોકે RSSને ભાજપની સરકારમાં પોતાની લડાઈ જાતે લડવાની નોબત આવી હોય તેવો કદાચ રાજ્યનો પ્રથમ કિસ્સો હોઈ શકે!

Advertisement
Continue Reading
Advertisement

Savli

સાવલી: બેફામ ગતિએ દોડતા ડમ્પરની અડફેટે મામાના ઘરે જતા બે સગા ભાઈઓના ઘટના સ્થળ પર કમકમાટીભર્યા મોત

Published

on


વડોદરા જિલ્લામાં બેફામ ગતીએ વિફરેલા સાંઢ ની જેમ દોડતા ડમ્પરો અત્યાર સુધી અનેક લોકોને કાળનો કોળીયો બનાવી ચુંક્યાં છે અને પોલીસ તંત્ર પણ આ વિફરેલા સાંઢની માફક દોડતા ડમ્પર ચાલકો પર લગામ લગાવવામાં નિષ્ફળ સાબિત  થઇ રહ્યું છે ત્યારે સાવલી તાલુકામાં બેફામ ગતીએ દોડી રહેલ ડમ્પર ચાલકે બાઈક પર સવાર થઇ નાના ભાઈને મામાના ઘરે મુકવા જતા સગાં ભાઈઓની બાઈકને અડફેટે લેતા બને સગાં ભાઈઓનું ઘટના સ્થળે ઉપર કમકમાટીભર્યું મોત નીપજ્યું હતું

Advertisement

આ અંગે પ્રાપ્ત માહિતી અનુસાર વડોદરા જિલ્લાના સાવલી તાલુકામાં લોટના ગામે રહેતા 21 વર્ષીય ધર્મકુલ રાજેન્દ્ર સિંહ પરમાર તેના 17 વર્ષીય નાના ભાઈ તુષાર રાજેન્દ્ર સિંહ પરમાર સાથે બાઈક પર સવાર થઇ મામાના ઘરે મુકવા જઈ રહ્યો હતો દરમિયાન સમલાયા ગાંગડીયા રોડ પર વિફરેલા સાંઢ ની માફક આવી રહેલ ડમ્પર ચાલકે તેમની બાઈકને અડફેટે લેતા બને સગા ભાઈઓ હવામા ફંગોળાઈ જમીન પર પટકાતા બને ભાઈઓને ગંભીર ઇર્જાઓ પહોંચતા તેમનું ઘટનાસ્થળે ઉપર કરૂણ મોત નિપજતા પરિવારમાં માતમ છવાઈ ગયો હતો

Advertisement

વડોદરા જિલ્લામાં બેફામ ગતિએ વિફરેલા સાંઢ ની માફક દોડી  રહેલ ડમ્પરે સર્જેલા ગોઝારા અકસ્માતના પગલે લોકટોળા ઘટના સ્થળે ઉમટી પડ્યા હતા અકસ્માત અંગેની જાણ સાવલી પોલીસને થતા પોલીસ કાફલો ઘટના સ્થળે દોડી આવ્યો હતો અને બને સગા ભાઈઓના મૃતદેહને સાવલી જન્મોત્રી સામુહિક આરોગ્ય કેન્દ્ર ખાતે પીએમ અર્થે ખસેડી અકસ્માત સર્જી ઘટના સ્થળે ડમ્પર મૂકી ફરાર થઇ ગયેલ ડમ્પર ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.

Advertisement
Continue Reading

Savli

RSS Vs સાવલી પોલીસ: સંઘ અને હિન્દુ સંગઠનના કાર્યકરો કેમ પોલીસ મથકની બહાર રામધુન કરવા બેઠા?, જાણો..

Published

on

વડોદરા જીલ્લાના સાવલી પોલીસ મથકના પી.એસ.આઈ દ્વારા એક યુવકને ઢોર માર માર્યો હોવાનો આક્ષેપ કરીને રાષ્ટ્રીય સ્વયં સેવક સંઘના કાર્યકરો અને ધર્મ રક્ષા સમિતિના આદેવાનો પોલીસ મથકની બહાર રાત્રીના સમયે ધરણા પર બેસી ગયા હતા. પોલીસની બર્બરતા સામે કાર્યવાહી કરવાની માંગ સાથે RSS સહીત હિંદુ સંગઠનના કાર્યકરોએ રામધુન પણ બોલાવી હતી.

Advertisement

સાવલી પોલીસ મથકના પી.એસ.આઈ અનિરુદ્ધસિંહ કામલીયા દ્વારા નિર્દોષ નાગરીકોને માર મારવામાં આવતો હોવાની ફરિયાદ વારંવાર ઉઠવા પામી છે. એક વર્ષ પહેલા સાવલી પોલીસ મથકમાં વિસનગર ગામના સરપંચને માર મારવામાં આવ્યો હોવાના આક્ષેપો થયા હતા. જોકે તે સમયે પણ પોલીસ અધિકારી વિરુદ્ધ કોઈ કાર્યવાહી કરવામાં આવી ન હતી. જયારે એક દિવસ પહેલા રામનવમીના દિવસે શોભાયાત્રા દરમિયાન જ હિન્દુ રક્ષા સમિતિના કાર્યકરને સાવલી પોલીસ દ્વારા બેરહેમી પૂર્વક માર મારવામાં આવ્યો હોવાના આક્ષેપ થઇ રહ્યા છે.

આર.એસ.એસના જિલ્લાના સહ શારીરિક પ્રમુખ જયપાલસિંહ મહીડાએ આક્ષેપ કર્યા હતા કે, રામનવમીના દિવસે શોભાયાત્રા દરમિયાન આગેવાની કરનાર ધર્મ રક્ષા સમિતિના આગેવાન પાર્થભાઈને પોલીસે બોલાવીને માર મારવામાં આવ્યો હતો. પાર્થ બેહોશ થયો ત્યાં સુધી સાવલી પી.એસ.આઈએ તેણે લાફા ઝીંકીને માર માર્યો હતો. અગાઉ પણ વિસનગરના સરપંચને ક્રુરતા પૂર્વક માર મારવામાં આવ્યો હતો. પોલીસ રક્ષક છે કે ભક્ષક તે સમજાતું નથી. એક યુવકને બેભાન થાય ત્યાં સુધી તેણે મારવામાં આવ્યો છે. હાલ યુવક સયાજી હોસ્પીટલમાં સારવાર લઇ રહ્યો છે.

Advertisement

ભોગ બનનાર યુવક પાર્થ સુથારના પિતા અનીલ સુથારે જણાવ્યું હતું કે, પોલીસે ખોટી રીતે મારા દીકરા સામે કાર્યવાહી કરી છે. પોલીસે તેની સામે ગુન્હો નોંધ્યો હોય તો તેની ધરપકડ કરવી જોઈએ, માર મારવાની શું જરૂર હતી? રામનવમીના ઉત્સવમાં RSSના કાર્યકર તરીકે મારો પુત્ર કામ કરે છે તેને લીધે પોલીસ તેના પર કિન્નાખોરી રાખીને કાર્યવાહી કરે છે. પાર્થ સુથારનાં પિતાએ એવો પણ આક્ષેપ કર્યો હતો કે ભાદરવા પોલીસ મથકના પી.એસ.આઈ લીમ્બોલા માટે તેઓએ ડુંગરીપુરામાં અન્ય કોઈની જમીન પર ફાર્મ હાઉસ બનાવી આપ્યું હતુ. જેની બીલ 28.50 લાખ થયું છે. જેની સામે માત્ર 6.20 લાખ જ ચુકવણી કરી છે. બાકીના પૈસા માટે હું છ મહિનાથી તેઓ સાથે ઉઘરાણી કરું છું જેથી મને અને મારા પરિવાર પર દબાણ લાવવા માટે મારા પુત્રને ખોટા કેસમાં ફસાવી દેવાનું કાવતરું પોલીસે ઘડ્યું છે.

Advertisement

આ અંગે સાવલી પી.એસઆઈ અનિરુદ્ધસિંહ કામલીયાને પૂછતા તેઓએ જણાવ્યું હતું કે, યુવક અને તેના પરિવાર દ્વારા કરવામાં આવેલા તમામ આક્ષેપો ખોટા છે. યુવક પાર્થ સુથાર દ્વારા પોલીસને  ગાળો દેવામાં આવી હતી. અને હેડ કોન્સ્ટેબલને જાતિ વિષયક ઉચ્ચારણો કરવામાં આવ્યા હતા. જેથી પોલીસે તેઓ પર કાર્યવાહી કરી છે. પોલીસ પર દબાણ લાવવા માટે આ બધી બાબતો ઉપજાવી કાઢેલી છે. કોઈ પી.એસ.આઈના ફાર્મ હાઉસ બનાવવાના ખર્ચ બાબતે પાર્થના પિતાએ કરેલા આક્ષેપ બાબતે પૂછતા પી.એસ.આઈ કામલીયાએ જણાવ્યું હતું કે, પી.એસ.આઈ લીમ્બોલાનું કોઈ ફાર્મ હાઉસ જ નથી. ગઈકાલે શોભાયાત્રા નીકળી અને એમાં સમગ્ર ઘટના બની જે અંગે પોલીસે કાર્યવાહી કરી છે. આરોપીના પરિવાર દ્વારા કરવામાં આવેલા આક્ષેપો પાયા વિહોણા છે.

Advertisement
Continue Reading

Savli

મંજુસર GIDCની ફ્લોરમિલમાં ગ્રાઈન્ડર તૂટી પડતા ત્રણ મજૂર ઘઉંના જથ્થા નીચે દબાયા,એકનું મોત

Published

on

વડોદરા જીલ્લાના સાવલી મંજુર GIDCમાં આવેલી ફલોરમિલમાં ગ્રાઈન્ડર મશીન તૂટતા ત્રણ કામદારો ઘઉંના જથ્થા નીચે દબાઈ ગયા હતા. ઘટનાની જાણ ફાયરબ્રિગેડને કરવામાં આવતા ફાયરબ્રિગેડનો કાફલો ઘટના સ્થળે પહોચ્યો હતો જ્યાં ઘઉં નીચે દબાયેલા મજુરોને બચાવવાની કામગીરી શરુ કરવામાં આવી હતી.



પ્રાપ્ત માહિતી અનુસાર સાવલીના મંજુર GIDCમાં પુનમ આટામિલ આવેલી છે. જ્યાં રોજીંદા હજારો ટન ઘઉંનો જથ્થો લઈને તેને લોટમાં તબદીલ કરવામાં આવે છે. આ પ્રોસેસ માટે હેવી ડ્યુટી ઘંટીઓ તેમજ ગ્રાઈન્ડર મશીનોનો ઉપયોગ કરવામાં આવે છે. જ્યાં ગત રાત્રીના સમયે ફોલરમિલમાં પડેલા ઘઉંના જથ્થાને એકઠો કરવા માટે ત્રણ મજુરો કામ કરતા હતા .તે સમયે વિશાળકાય ગ્રાઈન્ડર મશીન તૂટી પડતા ત્રણ મજુરો મશીન નીચે દટાયા હતા. મશીનમાં ઘઉંનો જથ્થો પણ હતો. જે જથ્થો પણ કામદારો પર પડ્યો હતો.

Advertisement



કામદારોને બચાવવા માટે JCB મશીનોની મદદ લેવામાં આવી હતી. જ્યાં JCBનો ઉપયોગ કરીને ઘઉંનો જથ્થો ખસેડવામાં આવ્યો હતો. જેમાં ભારે જહેમત બાદ ત્રણેય કામદારોને બહાર કાઢવામાં આવ્યા હતા. આ બચાવ કામગીરી દરમિયાન એક કામદારે ઘઉં નીચે દબાઈ જવાથી દમ તોડી દીધો હતો. જયારે અન્ય બે કામદારોને ગંભીર હાલતમાં સારવાર અર્થે વડોદરા ખાતે ખસેડવામાં આવ્યા હતા. જ્યાં તેઓની હાલત સ્થિત હોવાનું જાણવા મળે છે.

Advertisement

Advertisement
Continue Reading
Advertisement

Trending