ડભોઈ હાઇવે પર આઇસર ટેમ્પાની અડફેટે 31 વર્ષીય આશાસ્પદ યુવકનું મોત, ચાલક ફરાર પોલીસે તપાસ હાથ ધરી

વડોદરાના ડભોઈ તાલુકાના નેશનલ હાઇવે વડોદરા ટ્રેક ઉપર ગોઝારો અકસ્માત સર્જાયો હતો 31 વર્ષીય યુવકની મોટરસાયક્લને આઇસર ટેમ્પા ચાલકે ટક્કર મારતા ગંભીર ઇર્જાગ્રસ્ત યુવકને સારવાર અર્થે 108 એમ્બ્યુલન્સ મારફતે વડોદરાની સયાજી હોસ્પિટલ ખાતે ખસેડવામાં આવ્યો હતો જયાં તેનું ટૂંકી સારવાર દરમિયાન મોત નિપજતા પરિવારમાં માતમ છવાઈ ગયો હતો ડભોઇ પોલીસે ફરાર આઇશર ટેમ્પા ચાલક વિરુદ્ધ ગુનો નોંધી તેને ઝડપી પાડવાની તજવીજ હાથ ધરી છે

આ અંગે પ્રાપ્ત માહિતી અનુસાર વડોદરા શહેરના હરણી સમા રિંગરોડ વિસ્તારમાં આવેલ ઓમ રેસીડેન્સી ખાતે રહેતા 31 વર્ષીય નિલેશભાઈ ફાટુભાઈ તડવી પોતાની મોટર સાઇકલ લઇ કામ અર્થ ડભોઈ જઈ રહ્યા હતા નિલેશભાઈ ડભોઈ સરિતા ઓવર બ્રિજ નજીક એસટી ડેપો પાસે થી પસાર થઇ રહ્યા હતા દરમિયાન પુરઝડપે આવી રહેલ આઇસર ટેમ્પા ચાલકે નિલેશભાઈ ની મોટરસાયક્લને અડફેટે લેતા તેઓ ફૂટબોલની જેમ હવામાં ફંગોળાઈ રોડ પર પટકાયા હતા

અકસ્માતમાં નિલેશ ભાઈને માથાના અને શરીરના અન્ય ભાગે ગંભીર ઈજાઓ થતા તેમને સારવાર અર્થે તાત્કાલિક 108 એમ્બ્યુલન્સ મારફતે વડોદરાની સયાજી હોસ્પિટલ ખાતે ખસેડવામાં આવ્યા હતા જયાં તેમનું ટૂંકી સારવાર દરમિયાન મોત નિપજતા હોસ્પિટલમાં પરિવારના આક્રંદથી સન્નાટો પથરાઈ ગયો હતો ડભોઈ પોલીસે અકસ્માત સર્જી ફરાર થઇ ગયેલ આઇસર ચાલક વિરુદ્ધ ગુનો નોંધી તેને ઝડપી પાડવાની તજવીજ હાથ ધરી છે