વડોદરામાં નબીરાઓની દાદાગીરી : બ્લેક ફિલ્મવાળી કારે યુનિવર્સિટીના ત્રણ વિદ્યાર્થીઓને અડફેટે લીધા, રિતુ રાજ સિંહનું મોત

• વિદ્યાર્થીનું મોત: હિટ એન્ડ રનમાં એમ.એસ. યુનિવર્સિટીના રિતુ રાજ સિંહનો જીવ ગયો.
• વાહનની બેદરકારી: નંબર પ્લેટ વિનાની અને બ્લેક ફિલ્મવાળી કાર દ્વારા ઘટનાને અંજામ અપાયો.
• તંત્રની નિષ્ક્રિયતા: શું પોલીસના કેમેરા અને પેટ્રોલિંગ માત્ર મેમો પૂરતા સીમિત છે?
• ઉગ્ર માંગ: આરોપીની ત્વરિત ધરપકડ અને ટ્રાફિકના નિયમોના કડક અમલ માટે લોકમાંગ.

વડોદરા: વડોદરાના અમિતનગર સર્કલ પાસે તાજેતરમાં બનેલી એક હિટ એન્ડ રનની ઘટનાએ શહેરને હચમચાવી દીધું છે. આ ગોઝારા અકસ્માતમાં એમ.એસ. યુનિવર્સિટીના વિદ્યાર્થી રિતુ રાજ સિંહનું નિધન થયું છે, જ્યારે અન્ય બે વિદ્યાર્થીઓ હાલ હોસ્પિટલમાં સારવાર હેઠળ છે. આ ઘટનાના સીસીટીવી ફૂટેજ હવે સામે આવ્યા છે, જે અત્યંત ચોંકાવનારા છે.

⚠️ઘટનાનો ભયાનક નજારો:

સીસીટીવી ફૂટેજમાં જોઈ શકાય છે કે એક આઈ-20 (i20) કાર અત્યંત ઝડપે આવી અને વિદ્યાર્થીઓને જોરદાર ટક્કર મારીને ફરાર થઈ ગઈ. આ કારની વિશેષતા એ હતી કે તેના પર કોઈ નંબર પ્લેટ નહોતી અને કાચ પર ઘેરી બ્લેક ફિલ્મ લગાવેલી હતી. આ નબીરાની બેફામ રફ્તારે એક તેજસ્વી વિદ્યાર્થીનો ભોગ લીધો છે.

🧐તંત્ર સામે સવાલોના ઘેરા:

આ ઘટનાએ વડોદરા પોલીસ અને ટ્રાફિક તંત્રની કામગીરી પર ગંભીર સવાલો ઉભા કર્યા છે. નાગરિકોનો આક્રોશ છે કે, શું ટ્રાફિક કેમેરા અને પોલીસ માત્ર સામાન્ય નાગરિકોને મેમો આપવા માટે જ છે? નંબર પ્લેટ વગરની અને બ્લેક ફિલ્મવાળી ગાડીઓ બેરોકટોક શહેરમાં ફરી રહી છે છતાં તંત્ર કેમ અજાણ છે? વધુમાં,MS યુનિવર્સિટીના બોયઝ હોસ્ટેલમાં રહીને સાયન્સ વિભાગમાં અભ્યાસ કરતા ત્રણ વિદ્યાર્થીઓ 14 જુલાઈએ વહેલી સવારે માર્ગ અકસ્માતનો ભોગ બન્યા છે. રાત્રે આશરે 10 વાગ્યે સુજલ મનોજકુમાર ચૌહાણ (ઉં.વ. 21), મિહિર શૈલેષભાઈ પટેલ (ઉં.વ. 21) અને ઋતુરાજસિંહ નામના ત્રણ મિત્રો તેમના અન્ય એક મિત્રની મોટરસાયકલ લઈને ગોલ્ડન ચોકડી પાસે આવેલી સંગમ હોટેલમાં જમવા ગયા હતા. વિદ્યાર્થીઓ યુનિવર્સિટીમાંથી મોડી રાત્રે કઈ પરિસ્થિતિમાં બહાર હતા, તે બાબતે પણ યુનિવર્સિટી તંત્રની ગંભીરતા સામે પણ આંગળી ચીંધવામાં આવી રહી છે.

👮પોલીસ તપાસ:

હાલ પોલીસ દ્વારા સીસીટીવી ફૂટેજના આધારે આરોપી કારચાલકની ઓળખ કરવા માટે તપાસના ચક્રો ગતિમાન કરવામાં આવ્યા છે. વિદ્યાર્થીના પરિવારે અને યુનિવર્સિટીના અન્ય વિદ્યાર્થીઓએ આરોપીની તાત્કાલિક ધરપકડ કરી કડક સજા કરવાની માંગ કરી છે. શહેરના સુરક્ષિત ગણાતા માર્ગો પર હવે નબીરાઓના આતંકને ડામવા માટે પોલીસ કેટલી કડક કાર્યવાહી કરે છે, તે જોવું રહ્યું.