Connect with us

Savli

સાવલી ટાઉનમાં ફાઇનાન્સ પેઢીની ઓફિસમાં તસ્કરોનો હાથફેરો,લાખોની ચોરી થયાનો અંદાજ

Published

on

વડોદરા જીલ્લાના સાવલી ટાઉનમાં આવેલી એક ખાનગી ફાઈનાન્સ પેઢીની ઓફિસમાં તસ્કરોએ હાથફેરો કર્યો હતો. પરોઢિયે થયેલી ચોરીમાં તસ્કરોએ સીસીટીવી કેમેરાને પણ નુકશાન પહોચાડ્યું હતું. ઘટના બાદ સાવલી પોલીસે સ્થળ પર જઈને તપાસ હાથ ધરી છે. જયારે ફાઈનાન્સ પેઢીના સંચાલક બહારગામ હોવાથી કેટલી ચોરી થઇ છેટે જાણી શકાયું નથી.

વડોદરાના સાવલી ટાઉનમાં ખાડિયાબજારમાં ખાનગી ફાઈનાન્સ પેઢીની ઓફીસ આવેલી છે. બે દિવસ રજા હોવાથી ફાઈનાન્સ પેઢી બંધ હતી તે અરસામાં ગત રોજ સવારે 5 વાગ્યાના સુમારે કેટલાક ચોર તત્વો દોશીવગા તરફથી પેઢીની ઈમારતનો દરવાજો તોડીને અંદર પ્રવેશ્યા હતા. અને ચોરી કરવાની કોશિશ કરી હતી. ફાઈનાન્સ પેઢીના સંચાલક દ્વારા સ્ટ્રોંગ રૂમ બનાવવામાં આવેલી છે. જેને પણ તસ્કરોએ તોડવાનો પ્રયાસ કર્યો હતો. જોકે તસ્કરોને સફળતા મળી ન હતી. તસ્કરોએ પોતાના બચાવમાં સીસીટીવી કેમેરાને પણ નુકશાન પહોચાડ્યું હતું. જયારે પેઢી સંચાલકે મોબાઈલમાં સીસીટીવી તપાસતા ચોરી થયાનું માલુમ પડતા પોલીસને જાણ કરી હતી.

Advertisement

હાલ પોલીસે સ્થળ પર જઈને તપાસ હાથ ધરી છે. સ્ટ્રોંગરૂમ સિવાય પેઢીની ઓફિસમાં કેટલી રોકડ હતી. અને કેટલી ચોરી થઇ છે. તેની માહિતી મળી શકી નથી.જયારે સોના ચાંદીy ના દાગીના અને કેટલાક ચાંદીના વાસણો મળીને લાખોની ચોરી થયાનો અંદાજ પોલીસ સુત્રો દ્વારા જાણવા મળ્યો છે.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Savli

સાવલી: અમરાપુરા ગામે મહીસાગર નદીમાં નાહવા પડેલા વડોદરાના બે ડૂબ્યા

Published

on

વડોદરા જિલ્લાના સાવલી તાલુકાના અમરાપુરા ગામે મહીસાગર નદીમાં ડૂબી જવાથી વડોદરા શહેરના રહેવાસી બે વ્યક્તિઓના મોત નિપજ્યા છે. જ્યારે સ્થાનિક તરવૈયાઓ તેમજ એનડીઆરએફની ટીમ દ્વારા ડૂબી ગયેલા બંને મૃતકોના મૃતદેહ બહાર કાઢ્યા છે.

પ્રાપ્ત માહિતી અનુસાર સાવલી તાલુકાના અમરાપુરા ગામે પસાર થતી મહીસાગર નદીમાં ગોઠડા ગામે સગાઈના પ્રસંગ માટે આવેલા વડોદરા શહેરના પ્રતાપનગર વિસ્તારમાં રહેતા વિક્રમસિંહ ચૌહાણ તેમજ સુગરાબેન ગરાસીયા મહીસાગર નદીમાં નાહવા માટે ગયા હતા. આ દરમિયાન તેઓ નદીમાં ડૂબી જવાની ઘટના બની હતી.

Advertisement

પ્રતિષ્ઠિત પર્યટક સ્થળ લાંછનપુર ખાતે મહીસાગર નદીમાં નાહવા જવા પર પ્રતિબંધ હોવાને કારણે તેઓ અમરાપુરા ગામ ખાતે જઈને મહીસાગર નદીમાં નાહવા માટે ઉતર્યા હતા. જ્યાં નદીમાં વધુ ઊંડાઈમાં પહોંચી જતા તેઓ ડૂબી ગયા હતા સ્થાનિક ગ્રામજનોએ બંનેને ડૂબતા જોઈને બચાવવા માટે વહેતા પાણીમાં તરવૈયાઓ ફુદી પડ્યા હતા જોકે, તરવૈયાઓ તેઓને બચાવે તે પહેલા જ ડૂબી જવાથી તેઓનું મોત નીચું હતું સ્થાનિક તરવૈયાઓ એ વિક્રમસિંહ ચૌહાણ ના મૃત દેને બહાર કાઢ્યો હતો જ્યારે સુગરાબેન ગરાસિયાના મૃતદેહને શોધી કાઢવા માટે એનડીઆરએફના ટીમની મદદ લેવામાં આવી હતી

પ્રાથમિક માહિતી પ્રમાણે બંને મૃતકો વડોદરા શહેરના પ્રતાપ નગર વિસ્તારમાં રહેતા હોવાનું જાણવા મળ્યું છે. જ્યારે ગોઠડા ગામે સગાઈના પ્રસંગે આવ્યા હતા અને ત્યાંથી લાંછનપુર ખાતે મહિસાગર નદીમાં નાહવા માટે ગયા હતા. જોકે ત્યાં નદીમાં પર્યટકોને નાહવા પર પ્રતિબંધ હોવાને કારણે તેઓએ અન્ય રસ્તો શોધીને નજીકમાં અમરાપુરા ગામે જઈને નદીમાં ઝંપલાવ્યું હતું.

Advertisement
Continue Reading

Savli

સાવલી: બેફામ ગતિએ દોડતા ડમ્પરની અડફેટે મામાના ઘરે જતા બે સગા ભાઈઓના ઘટના સ્થળ પર કમકમાટીભર્યા મોત

Published

on


વડોદરા જિલ્લામાં બેફામ ગતીએ વિફરેલા સાંઢ ની જેમ દોડતા ડમ્પરો અત્યાર સુધી અનેક લોકોને કાળનો કોળીયો બનાવી ચુંક્યાં છે અને પોલીસ તંત્ર પણ આ વિફરેલા સાંઢની માફક દોડતા ડમ્પર ચાલકો પર લગામ લગાવવામાં નિષ્ફળ સાબિત  થઇ રહ્યું છે ત્યારે સાવલી તાલુકામાં બેફામ ગતીએ દોડી રહેલ ડમ્પર ચાલકે બાઈક પર સવાર થઇ નાના ભાઈને મામાના ઘરે મુકવા જતા સગાં ભાઈઓની બાઈકને અડફેટે લેતા બને સગાં ભાઈઓનું ઘટના સ્થળે ઉપર કમકમાટીભર્યું મોત નીપજ્યું હતું

Advertisement

આ અંગે પ્રાપ્ત માહિતી અનુસાર વડોદરા જિલ્લાના સાવલી તાલુકામાં લોટના ગામે રહેતા 21 વર્ષીય ધર્મકુલ રાજેન્દ્ર સિંહ પરમાર તેના 17 વર્ષીય નાના ભાઈ તુષાર રાજેન્દ્ર સિંહ પરમાર સાથે બાઈક પર સવાર થઇ મામાના ઘરે મુકવા જઈ રહ્યો હતો દરમિયાન સમલાયા ગાંગડીયા રોડ પર વિફરેલા સાંઢ ની માફક આવી રહેલ ડમ્પર ચાલકે તેમની બાઈકને અડફેટે લેતા બને સગા ભાઈઓ હવામા ફંગોળાઈ જમીન પર પટકાતા બને ભાઈઓને ગંભીર ઇર્જાઓ પહોંચતા તેમનું ઘટનાસ્થળે ઉપર કરૂણ મોત નિપજતા પરિવારમાં માતમ છવાઈ ગયો હતો

Advertisement

વડોદરા જિલ્લામાં બેફામ ગતિએ વિફરેલા સાંઢ ની માફક દોડી  રહેલ ડમ્પરે સર્જેલા ગોઝારા અકસ્માતના પગલે લોકટોળા ઘટના સ્થળે ઉમટી પડ્યા હતા અકસ્માત અંગેની જાણ સાવલી પોલીસને થતા પોલીસ કાફલો ઘટના સ્થળે દોડી આવ્યો હતો અને બને સગા ભાઈઓના મૃતદેહને સાવલી જન્મોત્રી સામુહિક આરોગ્ય કેન્દ્ર ખાતે પીએમ અર્થે ખસેડી અકસ્માત સર્જી ઘટના સ્થળે ડમ્પર મૂકી ફરાર થઇ ગયેલ ડમ્પર ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.

Advertisement
Continue Reading

Savli

ભાજપના શાસનમાં RSS કાર્યકરો ઇતિહાસમાં પહેલી વાર ન્યાય માટે કલેકટર કચેરીએ પહોચ્યા  

Published

on

વડોદરા જીલ્લાના સાવલી તાલુકામાં રામનવમીના દિવસે શોભાયાત્રા યોજનાર હિંદુ સંગઠન અને RSS સાથે જોડાયેલા બે કાર્યકરો પર પોલીસે એટ્રોસિટી એક્ટ હેઠળ ગુન્હો નોંધીને ધરપકડ કરી માર માર્યો હોવાના આક્ષેપ સાથે આજે રાષ્ટ્રીય સ્વયં સેવક સંઘના આગેવાનો જીલ્લા કલેકટરને રજૂઆત કરવા માટે આવી પહોચ્યા હતા. અને કિન્નાખોરી થી કામ કરતા સાવલી પી.એસ.આઈની તાત્કાલિક બદલી કરવાની માંગ કરી હતી.

રાજ્યમાં આશરે ત્રીસ વર્ષથી ભારતીય જનતા પાર્ટીનું મજબુત શાસન ચાલી રહ્યું છે. ભાજપના મોટા ભાગના નેતાઓ રાષ્ટ્રીય સ્વયંસેવક સંઘની વિચારધારા ધરાવતા નેતાઓ છે. રાજ્યના ભાજપ શાસનના લગભગ તમામ મુખ્યમંત્રીઓનું ગોત્ર RSS છે. છતાય આજે ઇતિહાસમાં પહેલી વાર RSSના કાર્યકરો પર થઇ રહેલી ખોટી ફિરયાદ મામલે આગેવાનો જીલ્લા કલેકટરના દ્વારે પહોચ્યા હતા.

Advertisement

સાવલીમાં થોડા સમય પહેલા RSSના એક કાર્યકર પર પાસા દરખાસ્ત કરવામાં આવી હતી. અને તેણે સાબરમતી જેલમાં મોકલી આપવામાં આવ્યો હતો. જે અંગે ગૃહ વિભાગ સુધી રજૂઆત થયા બાદ ત્રણ દિવસમાં RSSના કાર્યકર્તાને મુક્ત કરવામાં આવ્યો હતો. જયારે હવે રામનવમીએ સાવલી નગરમાં શોભાયાત્રા યોજનાર RSS અને હિંદુ સંગઠન સાથે જોડાયેલા બે કાર્યકરોને પોલીસે ધરપકડ કરીને એટ્રોસિટી એક્ટની કલમ હેઠળ ગુન્હો નોંધ્યો છે.

પોલીસનું કહેવું છે કે, બંને યુવાનોએ એક પોલીસ જવાનને જાતિવિષયક અપશબ્દો બોલીને ધમકી આપી હતી. જેથી પોલીસે તેઓ સામે કાર્યવાહી કરી છે. જોકે આક્ષેપ તો એવા પણ સામે આવ્યા છે કે, સાવલી પીએસઆઈ અનિરુદ્ધસિંહ કામલીયાએ તેમાંથી એક યુવાનને બેભાન ન થાય ત્યાં સુધી ઢોર માર માર્યો છે.

સમગ્ર મામલે ગત રાત્રીના સમયે RSS અને હિંદુ સંગઠનોએ પોલીસ મથકની બહાર મોરચો માંડીને રામધુન બોલાવી હતી. જેમાં એક અગ્રણીએ આત્મવિલોપણનો પ્રયત્ન કર્યો હતો. આજે RSS સહીત હિંદુ સંગઠનોએ જીલ્લા કલેકટરને આ બાબતે ધારદાર રજૂઆત કરી હતી. પોલીસ અધિકારીની શંકાસ્પદ ભૂમિકા પર સવાલો ઉભા કરીને તેઓને તાત્કાલિક ધોરણે સાવલી માંથી બદલી કરવાની માંગ હિંદુ સંગઠનોએ ઉઠાવી હતી.

Advertisement

સમગ્ર વિવાદમાં સાવલી ભાજપના ધારાસભ્ય કેમ રસ નથી લેતા ?

મામલો RSSનો હોય અને ભાજપના નેતાની ચુપકીદી?,આ વાત ગળે ઉતરે તેમ નથી. જોકે સાવલીનું ચિત્ર કઈક અલગ છે. સાવલીમાં ભાજપના ધારાસભ્ય કેતન ઈનામદારને સ્થાનિક RSSના નેતાઓ સાથે સારા સબંધો નથી તે જગજાહેર છે. એટલું જ નહિ વર્ષ 2023ના માર્ચમાં સાવલી ધારાસભ્યના ભાઈ સંદીપ ઈનામદાર પર જે અનીલ પ્રેમશંકર મિસ્ત્રીએ મારામારીની ફરિયાદ કરી હતી. તે અનીલ મિસ્ત્રી ગતરોજની ઘટનામાં પોલીસે જેને આરોપી બનાવ્યો છે તે પાર્થ મિસ્ત્રીના પિતા છે. પિતાએ ધારાસભ્યના ભાઈ પર પોલીસ ફરિયાદ કરી હોય તો ધારાસભ્ય શાને માટે તેઓના પક્ષમાં રજૂઆત કરીને તેઓ સાથે ઉભા રહે? જોકે RSSને ભાજપની સરકારમાં પોતાની લડાઈ જાતે લડવાની નોબત આવી હોય તેવો કદાચ રાજ્યનો પ્રથમ કિસ્સો હોઈ શકે!

Advertisement
Continue Reading
Advertisement

Trending