Connect with us

Vadodara

પાવાગઢના ડુંગર ઉપરથી પગ લપસી જતા યુવક અને પ્રેમિકા ખીણમાં પડ્યા,આખી રાત ઇજાગ્રસ્ત પડી રહ્યા બાદ સવારે મદદ માંગતા દિલધડક ઓપરેશન હાથ ધર્યું

Published

on

યાત્રાધામ પાવાગઢ ખાતે દર્શન માટે આવેલા પ્રેમી-પ્રેમિકાનો પગ લપસતા પાવાગઢના ડુંગર પરથી 150 ફૂટ ઉંડી ખીણ પડી જતા તેઓને ગંભીર ઇજા પહોંચી હતી ગત રોજ સાંજના સમયે બનેલી ઘટના બાદ અંધારું થઈ જતા તેઓ કોઈને મળ્યા ન હતા. આખી રાત જંગલમાં ઇજાગ્રસ્ત હાલતમાં પડી રહ્યા બાદ સવારે મોબાઈલ ફોન શોધીને 108ને ફોન કરતા પાવાગઢ પોલીસ અને 108 ટીમે 4 કલાકની મહેનત બાદ બંનેને શોધી કાઢીને રેસ્ક્યુ કર્યા હતા.

ગાંધીનગર પાસે કલોલના રહેવાસી કિશન રમેશભાઈ ઠાકોર પોતાની પરણિત પ્રેમિકા સાથે પાવાગઢમાં દર્શન માટે આવ્યા હતા. ગત રોજ ત્રીજી તારીખે તેઓ દર્શન કરીને નજીકના ડુંગર પર બેઠા હતા.જ્યાં તેઓએ નાસ્તો કર્યો હતો. સાંજ પડતા ત્યાંથી ઉભા થઈને નીકળવા જતા પ્રેમિકાનો પગ લાપસ્યો હતો.

Advertisement

પ્રેમિકા ખીણમાં પડે તે પહેલાં બચાવવા માટે પ્રેમી કિશન ઠાકોર ખીણ તરફ ઝુક્યો હતો.જ્યાં તેનો પણ પગ લપસી જતા ડુંગર પરથી સીધા 150 ફૂટ નીચે ખીણમાં પડ્યા હતા.ઇજાગ્રસ્ત થયા બાદ કણસતા તેઓએ મદદ માટે પોકાર લગાવી હતી જોકે કોઈ મદદે આવ્યું ન હતું.

જે સ્થળે બંને પટકાયા હતા એ સ્થળ એક સમયે મેંગેનીઝની ખાણ હતી.અને ચારેય તરફ પાણી અને વચ્ચે એક ચટ્ટાન હતી જેના પર તેઓએ ઇજાગ્રસ્ત હાલતમાં આખી રાત વિતાવી હતી.રાત્રીના સમયે જંગલી જાનવરોના અવાજ અને વહેતા ઝરણાંના અવાજ વચ્ચે તેઓ પડી રહ્યા હતા.

વહેલી સવારે અજવાળું થતા મહામુસીબતે તેઓએ મોબાઈલ ફોન શોધ્યો હતો.અને 108 માં ફોન કરીને મદદ માંગી હતી. “અમે પાવાગઢની ખીણમાં પડી ગયા છે અને અમને વાગ્યું છે” આવો કોલ મળતા જ 108 ની ટીમ યુવક અને તેની પ્રેમિકાની શોધખોળમાં લાગી હતી. ફોન પર જે રીતે વર્ણન કર્યું હતું તે રીતે શોધખોળ કરવા છતાંય તેઓનું લોકેશન મળતું ન હતું. અને બે કલાકની મથામણ બાદ 108 દ્વારા પોલીસ અને ફાયર ટીમની મદદ લેવામાં આવી હતી.

ફાયરબ્રિગેડ,પોલીસ,તેમજ સ્થાનિક ટુકડીઓ સાથે બંનેની શોધખોળ શરૂ કતી હતી. જયારે કલકોનો જહેમત બાદ બંનેનો પત્તો લાગ્યો હતો. 150 ફૂટ ઉંડી ખીણ માંથી ઇજાગ્રસ્ત બે વ્યક્તિઓને બહાર કાઢવાએ પડકાર ભર્યું કામ હતું.

ફાયરબ્રિગેડ અને પોલીસ દ્વારા પહેલા ખીણમાં ઉતરીને બંનેને સ્ટ્રેચર પર બાંધ્યા હતા.અને ત્યાર બાદ મહામુસીબતે દોરડા વળે તેઓને ઉપર ખેંચીને ખીણ માંથી બહાર કાઢ્યા હતા. જેઓને ત્યાંથી એમ્બ્યુલન્સ મારફતે પાવાગઢના પ્રાથમિક આરોગ્ય કેન્દ્ર ખાતે ખસેડવામાં આવ્યા હતા. દિવસ દરમિયાન ચાલેલા દિલધડક રેસ્ક્યુ ઓપરેશન બાદ તંત્રએ રાહતનો શ્વાસ લીધો હતો.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Vadodara

અમરનાથ યાત્રા માટે જરૂરી મેડીકલ કરાવવા માટે જમનાબાઈ હોસ્પીટલે યાત્રાળુઓની ભીડ ઉમટી

Published

on

બાબા બર્ફાનીના અમરનાથ ધામના દર્શન માટે જરૂરી મેડીકલ સર્ટીફીકેટ માટેના હેલ્થ ચેકઅપ આજથી શરુ કરી દેવામાં આવ્યા છે. શહેરના માંડવીની જમનાબાઈ હોસ્પીટલમાં મેડીકલ ઓફિસરની ઉપસ્થિતિમાં શ્રદ્ધાળુઓના મેડીકલ ચેકઅપ કરવામાં આવી રહ્યા છે. જ્યાં આજે પ્રથમ દિવસે મોટી સંખ્યામાં યાત્રાળુઓનો ધસારો અહી જોવા મળ્યો હતો. જોકે માત્ર 50 ટોકન જ આપવામાં આવતા યાત્રાળુઓ રોષે ભરાયા હતા.

Advertisement

અમરનાથ યાત્રામાં જવા માટે મેડીકલ ફિટનેસના પ્રમાણપત્રની જરૂર પડે છે. જેના માટે શ્રધ્ધાળુઓએ આધારકાર્ડની ઝેરોક્ષ અને યાત્રા માટે મેડિકલ ચેકઅપનું ફોર્મ સાથે રાખીને મેડીકલ ચેકઅપ કરાવવાનું હોય છે. તંત્ર દ્વારા અગાઉથી જ જાહેરાત કરવામાં આવી હતી કે શહેરના જમનાબાઈ હોસ્પિટલમાં વહેલા તે પહેલા ધોરણે 50 ટોકન આપવામાં આવશે, જોકે આજે 50 થી વધુ શ્રદ્ધાળુઓ મેડીકલ ફિટનેસ સર્ટીફીકેટ માટે આવી પહોચ્યા હતા.
આ વર્ષે લગભગ 29 જુનથી અમરનાથ યાત્રાનો પ્રારંભ થવાનો છે. જે માટે મેડીકલ ચેકઅપ શરુ કરવામાં આવ્યું છે. આજે પહેલા દિવસે મોટા પ્રમાણમાં શ્રદ્ધાળુઓ મેડીક ચેકઅપ માટે આવી પહોચ્યા હતા. કપરા ચઢાણમાં ઓક્સીજન લેવલ ઘટી જવાની તકલીફોને કારણે મેડીકલ કરાવવું ફરજીયાત છે ત્યારે આજે પહેલા દિવસે નિયત સંખ્યા કરતા પણ વધુ શ્રદ્ધાળુઓ આવી જતા અવ્યવસ્થા સર્જાઈ હતી.

Advertisement

ટોકન લેવા યાત્રાળુ મહિલા ડીમ્પલ ગોસ્વામીએ જણાવ્યું હતું કે,50 ટોકન સામે 100થી 200 લોકો આવી ગયા છે. અને ભારે ધક્કામુક્કી અને ભીડ સર્જાઈ છે. ભીડના કારણે બ્લડપ્રેશર પણ હાઈ થઇ જાય છે. અને ત્યાર બાદ મેડીકલ ચેકઅપ દરમિયાન બ્લડ પ્રેશર નોર્મલ ન હોય તો ફિટનેસ સર્ટિફિકેટ મળતું નથી. જેથી કોઈ યોગ્ય વ્યવસ્થા કરવી જોઈએ.
બીજી તરફ છેલ્લા 20 વર્ષથી અમરનાથ યાત્રાએ જતા અર્ચેસ ગોસ્વામીએ જણાવ્યું હતું કે, 20 વર્ષથી અમરનાથ યાત્રામાં જેટલી તકલીફ નથી પડતી તેટલી તકલીફ ફક્ત મેડીકલ સર્ટીફીકેટ લેવામાં પડે છે. યાત્રા દરમિયાન તમામ વ્યવસ્થાઓ હોય છે. જોકે યાત્રા પહેલાના પેપર વર્કમાં યાત્રાળુઓને ધક્કા ખવડાવીને થકાડી દેવામાં આવે છે.

યાત્રાળુઓને પડેલી તકલીફ બાબતે જમનાબાઈ હોસ્પિટલના મેડીકલ ઓફિસર ડો. પ્રકાશ ચૌહાણે મીડિયા સાથે વાતચીત કરતા જણાવ્યું હતું કે, અગાઉથી જ જાણ કરેલી છે કે, રોજના માત્ર 50 ટોકન જ આપવામાં આવશે તેમ છતાય જાગૃતતાના અભાવે આજે ભીડ ઉમટી આવી છે. જમનાબાઈ હોસ્પીટલમાં માર્યાદિત સ્ટાફ છે જેથી ટોકનની સંખ્યા પણ માર્યાદિત છે. શહેરની સયાજી હોસ્પિટલ ને ગોત્રી મેડીકલ કોલેજ ખાતે પણ યાત્રાળુઓ માટે મેડીકલ ફિટનેસ સર્ટીફીકેટની સુવિધા ઉપલબ્ધ છે. અને ત્યાં પુરતો સ્ટાફ હોવાને કારણે વધુ લોકો પોતાનું મેડીકલ કરાવી શકે છે. જેમ જેમ જાગૃતતા વધશે તેમ તેમ અહિયાં ભીડ ઓછી થશે

Advertisement

Continue Reading

Vadodara

વડોદરામાં વેચાતુ પતંજલી ગાયનું ઘી, ન્યુટ્રાસ્યુટીકલ સહિતના 11 ખાદ્ય પદાર્થોના નમૂના સબ-સ્ટાન્ડર્ડ જાહેર થયા

Published

on

વડોદરા મ્યુનિસિપલ કોર્પોરેશન દ્વારા શહેરનાં જુદા-જુદા વિસ્તારોમાંથી ખાધ પદાર્થોનાં શંકાસ્પદ નમુનાઓ લેવામાં આવેલ હતા. જેમાં દવાની એજન્સી, ઉત્પાદક પેઢીઓ તેમજ નાની મોટી દુકાનોમાંથી લેવામાં આવેલા ખાધ પદાર્થો સહીત ન્યુટ્રાસ્યુટીકલ પ્રોડકટસ તેમજ પેકેજ ડ્રીંકીંગ વોટરના શંકાસ્પદ નમુનાઓની ચકાસણી કરતા 11 જેટલા નમુનાઓ નાપાસ જાહેર થયેલ છે.

Advertisement

વડોદરા મહાનગર પાલિકાના ફૂડ વિભાગના ફૂડ સેફટી ઓફીસરો દ્વારા શહેરના વિવિધ વિસ્તારોમાં ચેકિંગ હાથ ધરવામાં આવ્યું હતું. આ કામગીરી દરમિયાન ટીમ દ્વારા ન્યુટ્રાસ્યુટીકલ પ્રોડકટસ, ઘી તેમજ પેકેજ ડ્રીંકીંગ વોટર સહીત અનેક  ખાદ્ય વસ્તુઓના સેમ્પલ લઈને ટેસ્ટિંગ માટે લેબોરેટરીમાં મોકલ્યા હતા. જેમાં 11 નમુનાઓ નાપાસ જાહેર થયેલ છે. આ 11 નમુનાઓ સબ-સ્ટાન્ડર્ડ જાહેર કરવામાં આવ્યા છે. જેમાં પતંજલિ ગાયનું ઘી, મહીસાગરનું પ્રીમિયમ ગાયનું ઘી, સુકુનનુ પ્રીમિયમ ઘી, પ્રસંગનું પ્રીમિયમ ગાયનું ઘી તેમજ હેલ્થ સપ્લિમેન્ટ, પેકેજ ડ્રીંકીંગ વોટર અને ન્યુટ્રાસ્યુટીકલ પ્રોડકટસનો સમાવેશ થાય છે.

Advertisement

વડોદરા શહેરમાં વારસીયા, રાવપુરા, નિઝામપુરા, તરસાલી, ગોરવા, છાણી, કાલુપુરા તેમજ હાથીખાના સહીત અલગ અલગ જગ્યાએ ફૂડ સેફટી ઓફીસરો દ્વારા દવાની એજન્સીઓ, ઉત્પાદક પેઢીઓ અને દુકાનોમાંથી પેકેજ ઘી, ડ્રીંકીંગ વોટર અને ન્યુટ્રાસ્યુટીકલ પ્રોડકટસના 11 જેટલા શંકાસ્પદ નમુના લેવામાં આવ્યા હતા. આ નમૂનાઓને પૃથકકરણ અર્થે ખોરાક અને ઔષધ નિયમન તંત્રમાં મોકલી આપવામાં આવ્યા હતા. જેના રિપોર્ટમાં 11 જેટલા નમૂનાઓ અપ્રમાણસર સબ-સ્ટાન્ડર્ડ જાહેર કરેલ છે.

ત્યારે હવે નાપાસ થયેલા નમુના જે દુકાનો, દવાની એજન્સીઓ તેમજ ઉત્પાદક પેઢીઓમાંથી લેવામાં આવ્યા હોય તેઓની સામે ફુડ સેફટી એન્ડ સ્ટાન્ડર્ડ એકટ અંતર્ગત વધુ કાયદેસરની કાર્યવાહી હાથ ધરવામાં આવશે.

Advertisement

Continue Reading

Vadodara

વડોદરાના મકરપુરા જાંબુઆ પાસે હિટ એન્ડ રન નો બનાવ યમ બનીને આવેલ કારે રિક્ષાને જોરદાર ટક્કર મારતા ગમખ્વાર અકસ્માત રીક્ષા ચાલકનું મોત નીપજ્યું

Published

on


વડોદરાના મકરપુરા જાંબુઆ પોલીસ ચેકપોસ્ટ પાસે હિટ એન્ડ રન નો બનાવ બન્યો છે. જેમાં યમ બનીને આવેલી એક કારે રિક્ષાને જોરદાર ટક્કર મારતા અકસ્માત સર્જાયો હતો. આ ગમખ્વાર અકસ્માતમાં રીક્ષા ચાલકનું મોત નીપજ્યું છે. જયારે કાર ચાલક અકસ્માત સર્જી ફરાર થઇ ગયો છે.

Advertisement

પ્રાપ્ત માહિતી અનુસાર, મકરપુરા જાંબુઆ પોલીસ ચેકપોસ્ટની સામે જ હિટ એન્ડ રનનો બનાવ બન્યો હતો. જેમાં પોલીસની નજર સામે જ એક કાર ચાલકે પુરપાટ ઝડપે આવી રિક્ષાને અડફેટે લીધી હતી. આ ટક્કર એટલી ખતરનાક હતી કે આખી રીક્ષા હવામાં ફંગોળાઈ ગઈ હતી. આ અકસ્માતમાં રીક્ષા ચાલકનું ઘટના સ્થળે જ કમકમાટી ભર્યું મોત થયું છે.

Advertisement

તો બીજી તરફ કાર ચાલક પણ અકસ્માત સર્જી ઘટન સ્થળે થી નાસી છૂટ્યો છે. મૃતક રીક્ષા ચાલક પર આખા ઘરનું ગુજરાન ચાલતું હતું. રીક્ષા ચાલકના મોત થી તેમના પરિવાર પર જાણે આભ ફાટી પડ્યું હોય તેવી સ્થિતિ સર્જાઈ છે. ત્રણ સંતાનોના પિતા અકસ્માતમાં મોતને ભેટતા સંતાનોએ પિતાની છત્રછાયા ગુમાવી દીધી છે. આ હિટ એન્ડ રનના બનાવને પગલે પોલીસે વધુ તાપસ હાથ ધરી છે.

Advertisement
Continue Reading
Advertisement

Trending