Connect with us

Vadodara

સૂરજ કહાર ઉર્ફે ચુઈએ દારૂ પી જેલ કર્મીને ધમકાવ્યો,પોલીસ કર્મી પણ પીધેલો મળ્યો

Published

on

• પાસામાં ભાવનગરમાં જેલવાસ ભોગવતા માથાભારે ચૂઇનું વધુ એક કારસ્તાન

• જેલના ગેટ પાસે ચૂઇના સાગરીતોએ બૂમાબૂમ કરી વીડિયો ઉતાર્યો, ગુનો દાખલ

Advertisement

પાસા હેઠળ જેલવાસ ભોગવતા શહેરના માથાભારે ગુનેગાર સૂરજ કહાર ઉર્ફે ચૂઈ દ્વારા દારૂ પીને જેલના કર્મચારીઓ સાથે દાદાગીરી કરતા રાવપુરા પોલીસ મથકે ગુનો નોંધાયો છે. મહત્વની વાત તો એ છેકે ભાવનગર જેલમાંથી વડોદરા કોર્ટમાં હાજરી આપવા જાપ્તા સાથે આવેલા ચૂઈ સાથેના પોલીસ કર્મીએ પણ દારૂ પીધેલો હોવાથી એની સામે પણ ગુનો નોંધાયો છે.

હત્યા, ખંડણી, મારામારી સહિત દારૂ અંગેના અનેક ગુનામાં સંડોવાયેલા સૂરજ ઉર્ફે ચૂઈ રમણભાઈ કહાર હાલમાં ભાવનગર જેલ ખાતે પાસા હેઠળ જેલવાસ ભોગવી રહ્યો છે. વડોદરાની અદાલતમાં મુદત હોવાથી ભાવનગર જેલથી કોન્સ્ટેબલ મહેશ સોમાજી નિનામા જાપ્તા હેઠળ વડોદરા લાવ્યો હતો.તે દરમ્યાન વડોદરાની જેલ ખાતે એને જાપ્તા હેઠળ લાવ્યા હતા. જેલમાં પ્રવેશ માટે નામ સરનામું જેલના અમલદારે પૂછ્યું હતું, તે સમયે સૂરજ કહાર ઉર્ફે ચૂઈ ઉશ્કેરાઈ ગયો હતો અને દાદાગીરી કરવા લાગ્યો હતો. આ ઉપરાંત તેની સાથે આવેલો જાપ્તાનો કર્મચારી પણ બોલાચાલી કરવા લાગ્યો હતો.

પરિણામે બંનેની તપાસ કરવામાં આવતા કેફી પીણું પીને નશો કર્યો હોવાનું બહાર આવ્યું હતું. જેને પગલે બંને સામે જેલ કર્મચારી દ્વારા કાર્યવાહી શરૂ કરવામાં આવતાં જેલના ગેટ પાસે ઉભેલા ચૂઈના સાગરીતોએ પણ જોર જોરથી બૂમાબૂમ કરવાની શરૂ કરી દીધી હતી અને વિડિયો ઉતારી વાઇરલ કરવાની ધમકી આપી હતી. કોર્ટ અને જેલના ગેટ પાસે બનેલી આ ઘટના અંગે મધ્યસ્થ જેલના ઇન્ચાર્જ જેલર રાજેશ પંડિતે ચૂઈ અને જાપ્તાના મહેશ નિનામા વિરુદ્ધ રાવપૂરા પોલીસ મથકે ગુનો નોંધ્યો છે.

Advertisement

ચૂઇએ અધિકારીને ધમકી આપી હતી, હું મર્ડરનો આરોપી છું, દુશ્મની ના કરો અગાઉ લોકડાઉનમાં પોલીસને પડકાર ફેંકી જેલમાંથી છૂટી રેલી કાઢનાર સૂરજ કહાર ઉર્ફે ચૂઈ એ જેલના અમલદારને ધમકી આપી હતી અને જણાવ્યું હતું કે હું વડોદરા નો સ્થાનિક આરોપી છું અને મર્ડર કેસમાં આવેલો છું મારી સાથે દુશ્મની ના કરશો એવું જણાવ્યું હોવાનું જેલના અધિકારી એ નોંધાવેલી ફરિયાદમાં જણાવ્યું છે.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Dabhoi

ડભોઈમાં નવનિર્મિત સરિતા ઓવરબ્રિજ 7 દિવસ માટે બંધ કરવા જાહેરનામું પ્રસિદ્ધ કરાયું,કેવડિયા-રાજપીપળા તરફ જવા માટે વૈકલ્પિક વ્યવસ્થા જાણો..

Published

on

વડોદરા જિલ્લાના ડભોઇ નગરમાં તાજેતરમાં તૈયાર થયેલા સરિતા ફાટક ઓવરબ્રિજ ની કામગીરી હજી પણ પ્રગતિમાં છે. એક તરફના બ્રિજના નિર્માણ બાદ બીજી તરફના બ્રિજની કામગીરી હાલ ચાલુ કરવામાં આવી છે. આ સાથે હયાત બ્રિજ ઉપર ડામર લેયરની બાકી કામગીરી કરવા માટે તેમજ વારંવાર થતાં અકસ્માત રોકવા બ્રિજની હેડ વૉલ પર રંગકામ કરવા માટે આ બ્રિજને સાત દિવસ માટે બંધ કરવાનું જાહેરનામુ જિલ્લા કલેકટર દ્વારા પ્રસિદ્ધ કરવામાં આવ્યું છે.

અત્રે ઉલ્લેખનીય છે કે, બ્રિજ પર છેલ્લા ઘણા સમયથી વારંવાર અકસ્માતો સર્જાઇ રહ્યા હતા. આ સાથે સાથે એક્સપાન્શન જોઈન્ટ માંથી બ્રિજ તૂટી ગયો હોવાની પણ વાતો વહેતી થઈ હતી. જેના સમારકામ માટે પણ આ સાત દિવસમાં કાર્યવાહી હાથ ધરવામાં આવશે.

Advertisement

ભારદારી વાહનો તેમજ હળવા વાહનો માટે વડોદરા થી ડભોઇ જવા માટેનો ફક્ત આ એક જ મુખ્યમાર્ગ હતો ત્યારે હવે સાત દિવસ માટે રાજપીપળા- કેવડીયા થી વડોદરા તરફ તેમજ વડોદરા થી કેવડિયા અને રાજપીપળા તરફ જવા માટે જિલ્લા કલેકટર દ્વારા ડાયવર્ઝનની રૂપરેખા તૈયાર કરવામાં આવી છે.

Continue Reading

Vadodara

“શાળામાં આવતા કે જતી વખતે કશું થાય તેની જવાબદારી શાળા સંચાલકોની નહીં” તેવા બાહેધરી પત્રો વાલીઓ પાસેથી લેવાયા

Published

on

શાળા સંચાલકો અને વાન ચાલકો વચ્ચે અટવાતા વિદ્યાર્થીઓના વાલીઓ પાસે આજે શાળા શરૂ થવાના પ્રારંભે કેટલીક સ્કૂલોએ બાહેધરી પત્રો લીધા હતા. “ઘરેથી શાળાએ આવતા અથવા શાળાએથી ઘરે જતી વખતે કોઈ દુર્ઘટના બને તે માટે શાળા સંચાલકોની કોઈ જવાબદારી રહેશે નહીં” એવા તેઓ પાસેથી સેલ્ફ ડેકલેરેશન લેવામાં આવ્યા હોવાનું કહેવાય છે.

Advertisement

ઘણી વખત રાજ્યમાં શાળામાં જતા વાહનોના અકસ્માત અથવા આગ લાગવા જેવી ઘટના બની ચૂકી છે. ત્યારે આવી ઘટનાના પગલે રાજ્ય સરકારે આદેશ જારી કરતા ઘરેથી શાળાએ આવતા અથવા શાળાએથી ઘરે સ્કૂલ વાન કે ઓટો રીક્ષામાં જતા વિદ્યાર્થીઓને કશું થશે તો તેની જવાબદારી શાળા સંચાલકોની રહેશે તેવો નિર્ણય જાહેર કર્યો હતો.

Advertisement

જેના વિરોધમાં શાળા સંચાલકોએ જિલ્લા કલેકટર ખાતે આવેદનપત્ર આપી સરકારના નિર્ણય સામે નારાજગી વ્યક્ત કરી હતી. શાળા સંચાલકોએ જણાવ્યું હતું કે, ઘરેથી શાળાએ આવતા અથવા શાળાથી ઘરે જતી વખતે વાહનમાં જો કોઈ ઘટના બને છે તો અમારી જવાબદારી નથી. શાળાના પ્રાંગણમાં પ્રવેશથી પ્રાંગણની બહાર જતા વેળા સુધીની જ અમારી જવાબદારી છે.

ત્યારે સરકારના નિયમમાં ભવિષ્યમાં કદાચ શાળા સંચાલકો ભેળવાય નહીં તે માટે વાન અથવા રિક્ષામાં આવતા વિદ્યાર્થીઓને કશું થાય છે તો તેની જવાબદારી વાલીઓની રહેશે તેવા બાહેધરી પત્રો આજે કેટલાક શાળા સંચાલકો દ્વારા લેવામાં આવ્યા છે.

Advertisement

Continue Reading

Vadodara

10 વર્ષ બાદ પૂર્વ નગરસેવકની આંખો ઉઘડી,ક્રિકેટર યુસુફ પઠાણ દ્વારા સરકારી જમીન પર દબાણ કરાયાનો આક્ષેપ

Published

on

એક સમયે વડોદરા શહેરને ગૌરવ અપાવનાર પઠાણ બંધુઓ પૈકીના યુસુફ પઠાણે પશ્ચિમ બંગાળમાં લોકસભાની ચૂંટણી જીતી જતા હવે વડોદરા ભાજપના સત્તાધીશોના પેટમાં તેલ રેડાઈ રહ્યું છે. એક સપ્તાહ પૂર્વે શહેરના પૂર્વ મેયર સુનિલ સોલંકીએ યુસુફ પઠાણ વિરુદ્ધની એક ફેસબુક પોસ્ટ કરી હતી. જ્યારે હવે ભારતીય જનતા પાર્ટીના પૂર્વ કાઉન્સિલર વિજય પવાર દ્વારા યુસુફ પઠાણ દ્વારા સરકારી જમીન પર ગેરકાયદેસર કબજો કરવામાં આવ્યો હોવાની આક્ષેપ કરવામાં આવી રહ્યા છે.

Advertisement

વર્ષ 2012માં ભારતીય ક્રિકેટ ટીમના ખેલાડી યુસુફ પઠાણ દ્વારા વડોદરા મહાનગરપાલિકા પાસે સરકારી જમીન વેચાણ થી માંગણી કરી હતી. આશરે 978 ચોરસ મીટર જેટલી સરકારી જમીન માટે પ્રતિ ચોરસ મીટર 57,270 નું પ્રીમિયમ ભરવાની તૈયારી પણ ક્રિકેટર યુસુફ પઠાણે દર્શાવી હતી.

Advertisement

ભારતીય ક્રિકેટ ટીમમાં મહત્વનું સ્થાન ધરાવતા હોય જે તે સમયના ભારતીય જનતા પાર્ટીના પાલિકાના સત્તાધીશો દ્વારા આ જમીન આપવા માટે પાલિકાની સામાન્ય સભામાં સર્વાનુમતે દરખાસ્ત મંજૂર કરવામાં આવી હતી.

વડોદરા મહાનગરપાલિકાએ કરેલી દરખાસ્તને અંતિમ મંજૂરી માટે રાજ્યના શહેરી વિકાસ મંત્રાલયમાં મોકલી આપવામાં આવી હતી. જ્યાં વર્ષ 2014માં રાજ્યના શહેરી વિકાસ મંત્રાલય દ્વારા આ દરખાસ્તને નામંજૂર કરવામાં આવી હતી. દરખાસ્તના મંજૂર કરાઈ હોવા છતાંય તાંદલજા વિસ્તારમાં પઠાણ બંધુઓના નિવાસ્થાની બાજુમાં આવેલા પ્લોટ પર ક્રિકેટર યુસુફ પઠાણ દ્વારા કબજો કરી લઈને તબેલો બાંધી દીધો હોવાના આક્ષેપ પૂર્વ કાઉન્સિલર વિજય પવાર દ્વારા કરવામાં આવ્યા છે.

Advertisement

સમગ્ર મામલે પાલિકા દ્વારા યોગ્ય તપાસ કરીને તૃણમુલ કોંગ્રેસના સાંસદ તેમજ પૂર્વ ક્રિકેટર યુસુફ પઠાણ દ્વારા કોર્પોરેશનના પ્લોટ પર કરાયેલા કબજાને ખાલી કરાવીને પ્લોટ પાછો લેવાની માંગણી પૂર્વ નગરસેવક વિજય પવારે કરી છે.

Advertisement
Continue Reading
Advertisement

Trending