વિદેશી શરાબની ડિલીવરી થાય તે પહેલા જ રૂ. 22 લાખનો જથ્થો જીલ્લા LCBએ ઝડપી પાડ્યો

• કોન્સ્ટેબલને સંયુક્ત રીતે બાતમી મળી કે, આઇસર ટેમ્પો ભારતીય બનાવટનો વિદેશી દારૂનો જથ્થો ભરીને સુરત તરફથી આવી રહ્યો છે વડોદરા જિલ્લામાંથી દારૂની હેરાફેરી સહિતની ગતિવિધીઓ અટકાવવા માટે ગ્રામ્ય એલસીબી સતર્ક રહે છે. તાજેતરમાં સંયુક્ત બાતમીના આધારે મોટી કાર્યવાહી કરવામાં આવી હતી. જેમાં રૂ. 22 લાખનો વિદેશી દારૂનો જથ્થો બંધ બોડીના આઇસર ટેમ્પામાંથી પકડી પાડવામાં આવ્યો છે. આ ઘટનામાં પોલીસે આરોપી ચાલકની અટકાયત કરી છે.

વડોદરા ગ્રામ્ય એલસીબી પ્રોહીબીશના કેસો પકડી પાડવા માટે સતત સતર્ક રહે છે. તાજેતરાં એલસીબીના પીએસઆઇ અને ટીમ કરજણ પોલીસ મથક વિસ્તારમાં પેટ્રોલીંગ કરી રહી હતી. દરમિયાન કોન્સ્ટેબલને સંયુક્ત રીતે બાતમી મળી કે, એક બંધ બોડીનો આઇસર ટેમ્પો ભારતીય બનાવટનો વિદેશી દારૂનો જથ્થો ભરીને સુરત તરફથી આવી રહ્યો છે. બાતમીના આધારે ભારતમાલા હાઇવે પર વડોદરાથી અમદાવાદ તરફ જવાના રસ્તે વોચ ગોઠવવામાં આવી હતી. દરમિયાન બતમીથી મળતો ટેમ્પો જણાઇ આવતા તેને કોર્ડન કરીને તેને રોકવામાં આવ્યો હતો.

ટેમ્પામાં એક માત્ર ચાલક મળી આવ્યો હતો. તેનું નામ અશોકકુમાર ભગવાનરામજી ખીલેરી (બિશ્નોઇ) (રહે. ધોરીમના, અજાણી ચોરી ઢાણી, બાડમેર, રાજસ્થાન) હોવાનું જણાવ્યું હતું. ત્યાર બાદ આઇસર ટેમ્પામાં તપાસ કરતા 531 નંગ વિદેશી દારૂની પેટીઓ મળી આવી હતી. જેની કિંમત રૂ. 22 લાખ આંકવામાં આવી રહી છે. આ સાથે જ પોલીસે ટેમ્પો, મોબાઇલ અને જીપીઆરએસ ડિવાઇઝ જપ્ત કર્યા છે. જે તમામ મળીને કુલ. રૂ. 32.07 લાખનો મુદ્દામાલ જપ્ત કરવામાં આવ્યો છે. સમગ્ર મામલે કરજણ પોલીસ મથકમાં પ્રોહીબીશનનો ગણનાપાત્ર કેસ નોંધવામાં આવ્યો છે.

આરોપી ચાલકની એલસીબી દ્વારા કડકાઇ પૂર્વક પુછપરથ કરવામાં આવતા તેણે જણાવ્યું કે, પુનારામ ધોકલારામ ગોદારા એ કર્ણાયક હુબલીના કિષ્ણાભાઇ નામના વ્યક્તિનો સંપર્ક કરાવીને કર્ણાટકના હુબલી હાઇવે પરથી આઇસર ગાડી આપી હતી. અને મનોહરલાલ ને રસ્તો બતાવીને અમદાવાદ ખાતે પહોંચીને ફોન કરવા જણાવ્યું હતું. જો કે, દારૂનો જંગી જથ્થો તેના ડિલીવરીના ડેસ્ટીનેશન સુધી પહોંતે તે પહેલા જ ગ્રામ્ય એલસીબી દ્વારા પકડી પાડવામાં આવ્યો છે.