Connect with us

Vadodara

જીલ્લા LCBએ ત્રણ વાહનચોરને ઝડપી પાડી 7 ચોરી થયેલા વાહનો કબ્જે લીધા

Published

on

વડોદરા જીલ્લા LCB પોલીસે ચોરી કરેલી એક કાર સહિત 6 મોટરસાયકલ મળીને 7 જેટલી વાહનચોરીનો ભેદ ઉકેલીને ત્રણ આરોપીઓની ધરપકડ કરી છે. જ્યારે અન્ય બે આરોપીઓને વોન્ટેડ જાહેર કર્યા છે.

વડોદરા શહેર LCB પોલીસની ટીમને બાતમી મળી હતી કે, શહેરના લક્ષ્મીપુરા તરફથી ત્રણ બાઇક સવારો ચોરીની મોટરસાયકલ લઈને વોસ્ટર્ન બાયપાસ થઈને પાદરા તરફ જવાના છે જે બાતમીના આધારે પોલીસે સાંગમાં નજીક કેનાલ પાસે વોચ ગોઠવી હતી. જ્યા થોડી વારમાં ચોરીની ત્રણ મોટરસાયકલ લઈને ત્રણેય યુવકો ત્યાં પહોંચતા જ પોલીસે તેઓને પકડી પાડયા હતા.

ત્રણેયના નામઠામ પૂછતાં પ્રતીક કુમાર પરબતસિંહ પરમાર રહે. કોયલી ગંગાનગર,પ્રકાશ ઉર્ફે જાડો નાયક રહે. ઇન્દિરા નગરી, અંકોડિયા તેમજ સતીશ કનુભાઈ ચૌહાણ રહે. ઇન્દિરાનગર કોયલી હોવાનું જણાવ્યું હતું. ત્રણેય મોટરસાયકલના રેકોર્ડ તપાસતા તે અન્ય કોઈના નામે રજીસ્ટર્ડ હોવાનું જણાઈ આવ્યું હતું. જ્યારે ત્રણેય યુવકોની ઘનિષ્ઠ પૂછપરછમાં તેઓ ભાંગી પડયા હતા. અને ત્રણેય મોટરસાયકલ કોયલી સિંધરોટ રોડ પર આવેલા ઓમકાર ફ્લેટ માંથી ચોરી કરીને લાવ્યા હોવાની કબૂલાત કરી હતી.

ત્રણેય વાહનચોર યુવકોની પુછપરછ કરતા તેઓએ કબૂલાત કરી હતી કે તેઓના મિત્ર ધનરાજ ગોહિલ અને ઉપેન્દ્ર સાથે મળીને શહેરના વિવિધ વિસ્તારમાં રેકી કરીને વાહન ચોરી કરતા હતા. જેમાં હાલ સુધી 9 જેટલા વાહન ચોરીને અંજામ આપી ચુક્યા છે. જેમાંથી બે વાહનને બિનવારસી મૂકી દઈને ચાલ્યા ગયા હતા. જ્યારે એક કાર અને 6 ટુ વ્હીલરની ચોરી કરી હોવાની કબૂલાત કરી હતી.


પોલીસે તમામ વાહનો કબ્જે લઈને કુલ 4 લાખની કિંમતના વાહનો,ત્રણ મોબાઈલ ફોન મળીને 4.12 લાખનો મુદ્દામાલ કબ્જે લીધો છે. જ્યારે ત્રણ વાહનચોરની ધરપકડ કરી અન્ય બેને વોન્ટેડ જાહેર કર્યા છે.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Karjan-Shinor

કરજણ ભરથાણા ટોલનાકા પાસે થી કંટેનરમાં ગોવાથી ગોધરા લઇ જવાતો એક કરોડથી વધુ કિંમતનો વિદેશી દારૂનો જથ્થો ઝડપી પાડી ચાલક અને ક્લીનરની ધરપકડ કરી

Published

on

ગાંધીના ગુજરાતમાં દારૂબંધી હોય શરાબ માફિયાઓ ગાંધીના ગુજરાતમાં દારૂનો જથ્થો ઠાલવવા અવનવા નુસખા અપનાવતા હોય છે ત્યારે પોલીસ પણ શરાબ માફિયાઓના નુસખાને નિષ્ફળ બનાવવા સક્રિય રહેતી હોય છે ત્યારે એલ.સી.બી. પોલીસે કરજણ પો.સ્ટે. વિસ્તારના ભરથાણા ટોલનાકા પાસે થી ગોવાથી કંટેનરમાં અંદાજિત એક કરોડનો વિદેશી દારૂનો જથ્થો ભરી ગોધરા જતા કંટેનરને પોલીસે ઝડપી પાડી ચાલક સહિત બે આરોપીઓની ધરપકડ કરી કાયદેસરની કાર્યવાહી હાથ ધરી છે



આ અંગે પ્રાપ્ત માહિતી અનુસાર વડોદરા જિલ્લાના કરજણ મથકના હદ વિસ્તારમાં આવેલ ભરથાણા ટોલનાકા ઉપર એલસીબી પોલીસની ટિમની વાહન ચેકીંગની કામગીરીમાં હતી દરમિયાન ભરુચ તરફથી આવતા એક કન્ટેનર ચાલકે પોલીસને દૂરથી વાહન ચેકિંગ કરતા જોઇ કન્ટેનર દૂર ઉભો કરી દીધેલ જેથી પોલીસને શંકા જતા કન્ટેનર પાસે જઇ કન્ટેનરની કેબીનમાં તપાસ કરતા કેબીનમાં ડ્રાઇવર તથા ક્લીનર મળી આવ્યા હતા પોલીસે તેમની પુછપરછ કરતા બન્ને જણાએ પોલીસને સંતોષકારક જવાબ ના આપી શકતા પોલીસને શકા ઉપજી હતી

Advertisement



પોલીસે કન્ટેનર ચાલક અને ક્લીનરને સાથે રાખી કન્ટેનરના પાછળ ભાગે તપાસ કરતા કન્ટેનરનો દરવાજો ખોલતા અધધ દારૂનો જથ્થો જોઈ પોલીસ પણ ચોકી ઉઠી હતી પોલીસે બન્ને આરોપીઓને કન્ટેનર સાથે પોલીસ પહેરા હેઠળ કરજણ પોલીસ મથક ખાતે લઇ જવા માં આવવા હતા અને પોલીસે સ્થાનિકોની મદદ લઇ ત્રણ કલાકની ભારે જહેમત બાદ કન્ટેનર માંથી વિદેશી દારૂની પેટીઓ બહાર કાઢી ગણતરી કરતા કુલ રૂપિયા 95,96,600ની કિંમતની 1999 પેટી માંથી 95966 નંગ વિદેશી દારૂની બોટલ મળી આવી હતી પોલીસે વિદેશી દારૂના જથ્થા સહીત કુલ એક કરોડ છ લાખ અઢાર હજાર છસ્સોની કિંમતનો મુદામાલ કબ્જે કરી કન્ટેનર ચાલક અને ક્લીનરની ધરપકડ કરી હતી



એલસીબી પોલીસે દારૂના જથ્થા સાથે ઝડપી પાડેલ કેરેલાના કન્ટેનર ચાલક અથુલ ગંગાધરણ પીલ્લઇ અને અનીશકુમાર ઉન્ની હીરાવાની પુછપરછ કરતા આ વિદેશી દારૂ ભરેલ કન્ટેનર 
તિરૂવનંતપુરમ ખાતે રહેતા રાજેશ કરુનાકરન અને કેરલના સુધી નામના ઇસમે ગોવાના પણજી ખાતે થી કન્ટેનર આપ્યું હતું અને કન્ટેનર ગોવાથી ગોધરા ખાતે લઇ જવાનું હતું અને ગોધરા પહોચી સુધીને ફોન કરવાનુ જણાવેલ આ દારૂ ભરેલા કન્ટેનરની એક ટ્રીપ મારવા માટે 60 હજાર આપવાનું નક્કી થયું હતું અને દારૂ ભરેલ કન્ટેનર સિધુ નામના ઇસમે અમને ગોવા ચેક પોસ્ટ પસાર કરાવી આપેલ અને તે ત્યા ઉતરી હતો એલસીબી પોલીસે પકડી પાડેલ અથુલ ગંગાધરણ પીલ્લઇ અને અનીશકુમાર ઉન્ની હીરાવા વિરુદ્ધ કરજણ પોલીસ મથકે ગુનો નોંધી દારૂના જથ્થો સપ્લાય કરનાર સુધી અને રાજેશ નામના ઇસમોને વૉન્ટેડ જાહેર કરી કાયદેસરની કાર્યવાહી હાથ ધરી છે

Advertisement
Continue Reading

Vadodara

નશાકારક સીરપનો વેપાર ફરી ધમધમ્યો, અમદાવાદ ગ્રામ્ય પોલીસે સીરપનો જથ્થો પકડતા ગોડાઉન વડોદરામાં મળ્યું

Published

on



ખેડા જીલ્લામાં થયેલા ચકચારી સીરપ કાંડમાં 7 જેટલા લોકોના મોત નિપજ્યા હતા. જ્યારે પોલીસે રાજ્યભરમાં આવી નકલી અને નશાકારક સીરપનું વેચાણ કરતા તત્વોને શોધી કાઢવા માટે એક ખાસ ડ્રાઈવ ચલાવી હતી. આ દરમિયાન અમદાવાદ ગ્રામ્ય પોલીસે નશાકારક સીરપના જથ્થા સાથે એક રિક્ષાને પકડી પાડયા બાદ તેના કનેક્શન વડોદરા સાથે નીકળતા વડોદરામાં ગોડાઉનને સીલ કરવામાં આવ્યું છે.


ખેડા જીલ્લામાં થોડા સમય પહેલા નશાકારક સીરપ પીવાથી 7 જેટલા નશાના આદીઓના મોટ નિપજ્યા હતા. જેમાં વડોદરા સાથે કનેક્શન નીકળતા મુખ્ય આરોપીની વડોદરાથી ધરપકડ કરવામાં આવી હતી. આ ઘટનાને થોડો સમય થયો છે ત્યાં તો અમદાવાદ ગ્રામ્ય એસ.ઓ.જીએ વટામણ ચોકડી પાસેથી એક રિક્ષામાં નશાકારક સીરપના જથ્થા સાથે શકીલ શેખ અને પ્રતીક પંચાલની ધરપકડ કરવામાં આવી હતી.

Advertisement



બંને પકડાયેલા આરોપીઓ મૂળ વડોદરાના હોવાથી પોલીસે તપાસનો દોર વડોદરા તરફ લંબાવ્યો હતો. જ્યારે સીરપનો જથ્થો વડોદરાના સુભાનપુરા વિસ્તારમાં આવેલા આનંદવન કોમ્પ્લેક્ષ માંથી લાવ્યા હોવાનું સામે આવતા અમદાવાદ પોલીસની ટિમ વડોદરા આવી પહોંચી હતી.




સુભાનપુરા આનંદવન કોમ્પ્લેક્ષની ઉત્તુંગ બિલ્ડીંગના ગ્રાઉન્ડ ફ્લોર પર આવેલી દુકાનમાં સીરપનો જથ્થો રાખવામાં આવતો હોવાનું સામે આવ્યું  છે. નશાકારક સીરપનું ગોડાઉન રાજુ નામના ઈસમનું હોવાનું જાણવા મળ્યું છે. જ્યારે પોલીસે તે દિશામાં તપાસ હાથ ધરી છે.

Advertisement
Continue Reading

Vadodara

વડોદરાના નવ નિયુક્ત જિલ્લા કલેક્ટર બિજલ શાહે આજે વિધિવત રીતે ચાર્જ સંભાળ્યો

Published

on

બિજલ શાહ જામનગર જિલ્લા કલેકટર પદે ફરજ બજાવી ચુક્યા છે



વડોદરાના જિલ્લા કલેકટર એ.બી.ગોરની મુખ્યમંત્રી કાર્યાલયમાં ખાસ ફરજ પરના અધિકારી બદલી થતા તેમને હરણી બોટ દુર્ઘટનાની તપાસનો રિપોર્ટ સરકારને સોંપ્યા બાદ વડોદરા જિલ્લા કલેકટર તરીકેનો ચાર્જ છોડતા વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળ્યો હતો

Advertisement



વડોદરા જિલ્લા કલેકટર તરીકે નવ નિયુક્ત બિજલ શાહે આજે સવારે વિધિવત રીતે વડોદરા જિલ્લા કલેક્ટરે તરીકેનો ચાર્જ સંભાળતા અધિક નિવાસી કલેકટર બી એસ પ્રજાપતિ સહિત અધિકારીઓ અને વર્ગ-3 મહેસુલી કર્મચારી મહામંડળ દ્વારા
નવ નિયુક્ત જિલ્લા કલેકટરનું બુકે આપી કર્યું સ્વાગત કરવામાં આવ્યું હતું વડોદરાના નવ નિયુક્ત જિલ્લા કલેકટર બિજલ શાહ જામનગર જિલ્લા કલેકટર પદે ફરજ બજાવતા હતા



આ પ્રંસગે નવનિયુક્ત જિલ્લા કલેક્ટર બીજલ શાહએ જાણવ્યું હતું કે, વડોદરામાં સુઓમોટો વારસાઈની ઝુંબેશ ચલાવવામાં આવશે અને વર્ષ 2010-20 ની વચ્ચે જે લોકોના મૃત્યુ થયા હોય તેમના ડેટા કાઢી વારસાઈ ન થઈ હોય તો તેમના ઘરે જઈ વારસાઈ કરવા સમજાવીશું સાથે સરકારી જમીનમાં સરકારી પ્રોજેક્ટ માટે અડચણ આવી રહી હોય તેને તાત્કાલિક દૂર કરાવીશું

Advertisement
Continue Reading
Advertisement

Trending