Connect with us

Vadodara

રોંગ સાઈડ આવેલા બાઇક સવાર યુવક સાથે મહિલાની છુટ્ટા હાથની મારામારી

Published

on

વડોદરા શહેરના ગેંડા સર્કલ નજીક રોંગસાઈડ પર આવતા બાઇક ચાલકે કારને અડફેટે લેતા મામલો ગરમાયો હતો. જ્યારે કારચાલક મહિલા અને બાઇક સવાર યુવક વચ્ચે છુટ્ટા હાથની મારમારી થવા પામી હતી. સમગ્ર ઘટનામાં ટ્રાફિક પોલીસે બંનેને છુટા પડવાના પ્રયત્નો હાથ ધર્યા હતા.જોકે સમગ્ર ઘટનાનો વિડીયો સોશ્યલ મીડિયા પર વાયરલ થવા પામ્યો હતો.

પ્રાપ્ત માહિતી અનુસાર વડોદરા શહેરના વિવિધ વિસ્તારમાં ટ્રાફિક નિયમોનો ભંગ કરીને રોંગ સાઈડ પર વાહન હંકારતા વાહન ચાલકોને દંડવા માટે મુહિમ શરૂ કરવામાં આવી છે. જે મુહિમ અંતર્ગત શહેરના 27 જેટલા પોઇન્ટ પર ટ્રાફિક પોલીસની ટિમોને દિવસ દરમિયાન ખડેપગે તૈનાત રાખવામાં આવે છે.

આજે બપોરના સુમારે શહેરના ગેંડા સર્કલ પાસે એક કાર ચાલક મહિલા નિયમિત માર્ગ પર પસાર થતી હતી તે દરમિયાન રોંગ સાઈડ પર આવતા બાઇક સવારે કારને ટક્કર મારી હતી. ઘટના બાદ મહિલા અને બાઇકસવાર યુવક વચ્ચે બોલાચાલી થઈ હતી. જોકે તે બાદ ટ્રાફિક જવાન દ્વારા પણ બંનેને છૂટા પાડવાના પ્રયત્ન કર્યા હતા. જ્યાં કાર ચાલક મહિલા અને બાઇક સવાર યુવક વચ્ચે મારામારી શરૂ થઈ ગઈ હતી. સમગ્ર ઘટનાનો વિડીયો સોશ્યલ મીડિયામાં વાયરલ થવા પામ્યો હતો.

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Dabhoi

ડભોઈમાં નવનિર્મિત સરિતા ઓવરબ્રિજ 7 દિવસ માટે બંધ કરવા જાહેરનામું પ્રસિદ્ધ કરાયું,કેવડિયા-રાજપીપળા તરફ જવા માટે વૈકલ્પિક વ્યવસ્થા જાણો..

Published

on

વડોદરા જિલ્લાના ડભોઇ નગરમાં તાજેતરમાં તૈયાર થયેલા સરિતા ફાટક ઓવરબ્રિજ ની કામગીરી હજી પણ પ્રગતિમાં છે. એક તરફના બ્રિજના નિર્માણ બાદ બીજી તરફના બ્રિજની કામગીરી હાલ ચાલુ કરવામાં આવી છે. આ સાથે હયાત બ્રિજ ઉપર ડામર લેયરની બાકી કામગીરી કરવા માટે તેમજ વારંવાર થતાં અકસ્માત રોકવા બ્રિજની હેડ વૉલ પર રંગકામ કરવા માટે આ બ્રિજને સાત દિવસ માટે બંધ કરવાનું જાહેરનામુ જિલ્લા કલેકટર દ્વારા પ્રસિદ્ધ કરવામાં આવ્યું છે.

અત્રે ઉલ્લેખનીય છે કે, બ્રિજ પર છેલ્લા ઘણા સમયથી વારંવાર અકસ્માતો સર્જાઇ રહ્યા હતા. આ સાથે સાથે એક્સપાન્શન જોઈન્ટ માંથી બ્રિજ તૂટી ગયો હોવાની પણ વાતો વહેતી થઈ હતી. જેના સમારકામ માટે પણ આ સાત દિવસમાં કાર્યવાહી હાથ ધરવામાં આવશે.

Advertisement

ભારદારી વાહનો તેમજ હળવા વાહનો માટે વડોદરા થી ડભોઇ જવા માટેનો ફક્ત આ એક જ મુખ્યમાર્ગ હતો ત્યારે હવે સાત દિવસ માટે રાજપીપળા- કેવડીયા થી વડોદરા તરફ તેમજ વડોદરા થી કેવડિયા અને રાજપીપળા તરફ જવા માટે જિલ્લા કલેકટર દ્વારા ડાયવર્ઝનની રૂપરેખા તૈયાર કરવામાં આવી છે.

Continue Reading

Vadodara

“શાળામાં આવતા કે જતી વખતે કશું થાય તેની જવાબદારી શાળા સંચાલકોની નહીં” તેવા બાહેધરી પત્રો વાલીઓ પાસેથી લેવાયા

Published

on

શાળા સંચાલકો અને વાન ચાલકો વચ્ચે અટવાતા વિદ્યાર્થીઓના વાલીઓ પાસે આજે શાળા શરૂ થવાના પ્રારંભે કેટલીક સ્કૂલોએ બાહેધરી પત્રો લીધા હતા. “ઘરેથી શાળાએ આવતા અથવા શાળાએથી ઘરે જતી વખતે કોઈ દુર્ઘટના બને તે માટે શાળા સંચાલકોની કોઈ જવાબદારી રહેશે નહીં” એવા તેઓ પાસેથી સેલ્ફ ડેકલેરેશન લેવામાં આવ્યા હોવાનું કહેવાય છે.

Advertisement

ઘણી વખત રાજ્યમાં શાળામાં જતા વાહનોના અકસ્માત અથવા આગ લાગવા જેવી ઘટના બની ચૂકી છે. ત્યારે આવી ઘટનાના પગલે રાજ્ય સરકારે આદેશ જારી કરતા ઘરેથી શાળાએ આવતા અથવા શાળાએથી ઘરે સ્કૂલ વાન કે ઓટો રીક્ષામાં જતા વિદ્યાર્થીઓને કશું થશે તો તેની જવાબદારી શાળા સંચાલકોની રહેશે તેવો નિર્ણય જાહેર કર્યો હતો.

Advertisement

જેના વિરોધમાં શાળા સંચાલકોએ જિલ્લા કલેકટર ખાતે આવેદનપત્ર આપી સરકારના નિર્ણય સામે નારાજગી વ્યક્ત કરી હતી. શાળા સંચાલકોએ જણાવ્યું હતું કે, ઘરેથી શાળાએ આવતા અથવા શાળાથી ઘરે જતી વખતે વાહનમાં જો કોઈ ઘટના બને છે તો અમારી જવાબદારી નથી. શાળાના પ્રાંગણમાં પ્રવેશથી પ્રાંગણની બહાર જતા વેળા સુધીની જ અમારી જવાબદારી છે.

ત્યારે સરકારના નિયમમાં ભવિષ્યમાં કદાચ શાળા સંચાલકો ભેળવાય નહીં તે માટે વાન અથવા રિક્ષામાં આવતા વિદ્યાર્થીઓને કશું થાય છે તો તેની જવાબદારી વાલીઓની રહેશે તેવા બાહેધરી પત્રો આજે કેટલાક શાળા સંચાલકો દ્વારા લેવામાં આવ્યા છે.

Advertisement

Continue Reading

Vadodara

10 વર્ષ બાદ પૂર્વ નગરસેવકની આંખો ઉઘડી,ક્રિકેટર યુસુફ પઠાણ દ્વારા સરકારી જમીન પર દબાણ કરાયાનો આક્ષેપ

Published

on

એક સમયે વડોદરા શહેરને ગૌરવ અપાવનાર પઠાણ બંધુઓ પૈકીના યુસુફ પઠાણે પશ્ચિમ બંગાળમાં લોકસભાની ચૂંટણી જીતી જતા હવે વડોદરા ભાજપના સત્તાધીશોના પેટમાં તેલ રેડાઈ રહ્યું છે. એક સપ્તાહ પૂર્વે શહેરના પૂર્વ મેયર સુનિલ સોલંકીએ યુસુફ પઠાણ વિરુદ્ધની એક ફેસબુક પોસ્ટ કરી હતી. જ્યારે હવે ભારતીય જનતા પાર્ટીના પૂર્વ કાઉન્સિલર વિજય પવાર દ્વારા યુસુફ પઠાણ દ્વારા સરકારી જમીન પર ગેરકાયદેસર કબજો કરવામાં આવ્યો હોવાની આક્ષેપ કરવામાં આવી રહ્યા છે.

Advertisement

વર્ષ 2012માં ભારતીય ક્રિકેટ ટીમના ખેલાડી યુસુફ પઠાણ દ્વારા વડોદરા મહાનગરપાલિકા પાસે સરકારી જમીન વેચાણ થી માંગણી કરી હતી. આશરે 978 ચોરસ મીટર જેટલી સરકારી જમીન માટે પ્રતિ ચોરસ મીટર 57,270 નું પ્રીમિયમ ભરવાની તૈયારી પણ ક્રિકેટર યુસુફ પઠાણે દર્શાવી હતી.

Advertisement

ભારતીય ક્રિકેટ ટીમમાં મહત્વનું સ્થાન ધરાવતા હોય જે તે સમયના ભારતીય જનતા પાર્ટીના પાલિકાના સત્તાધીશો દ્વારા આ જમીન આપવા માટે પાલિકાની સામાન્ય સભામાં સર્વાનુમતે દરખાસ્ત મંજૂર કરવામાં આવી હતી.

વડોદરા મહાનગરપાલિકાએ કરેલી દરખાસ્તને અંતિમ મંજૂરી માટે રાજ્યના શહેરી વિકાસ મંત્રાલયમાં મોકલી આપવામાં આવી હતી. જ્યાં વર્ષ 2014માં રાજ્યના શહેરી વિકાસ મંત્રાલય દ્વારા આ દરખાસ્તને નામંજૂર કરવામાં આવી હતી. દરખાસ્તના મંજૂર કરાઈ હોવા છતાંય તાંદલજા વિસ્તારમાં પઠાણ બંધુઓના નિવાસ્થાની બાજુમાં આવેલા પ્લોટ પર ક્રિકેટર યુસુફ પઠાણ દ્વારા કબજો કરી લઈને તબેલો બાંધી દીધો હોવાના આક્ષેપ પૂર્વ કાઉન્સિલર વિજય પવાર દ્વારા કરવામાં આવ્યા છે.

Advertisement

સમગ્ર મામલે પાલિકા દ્વારા યોગ્ય તપાસ કરીને તૃણમુલ કોંગ્રેસના સાંસદ તેમજ પૂર્વ ક્રિકેટર યુસુફ પઠાણ દ્વારા કોર્પોરેશનના પ્લોટ પર કરાયેલા કબજાને ખાલી કરાવીને પ્લોટ પાછો લેવાની માંગણી પૂર્વ નગરસેવક વિજય પવારે કરી છે.

Advertisement
Continue Reading
Advertisement

Trending