BCCI : નવા સ્પોન્સરની શોધમાં , ₹450 કરોડનો લક્ષ્યાંક.Dream11 ની અચાનક વિદાય

BCCI: ભારતીય ક્રિકેટ કંટ્રોલ બોર્ડ (BCCI) અને તેના પ્રાયોજકો વચ્ચેના સંબંધો હંમેશા બદલાતા રહે છે. ક્યારેક મોટો કરાર થાય છે તો ક્યારેક અચાનક તે સમાપ્ત પણ થઇ જાય છે.

• Dream11 ની અચાનક વિદાય : કાયદાનો પ્રહાર
• BCCI ની શોધ : ₹450 કરોડનો નવો લક્ષ્યાંક
• દ્વિપક્ષીય મેચો માટે: પ્રતિ મેચ ₹3.5 કરોડનો લક્ષ્યાંક
• ભવિષ્યની પડકાર: શું BCCI ને નવો સ્પોન્સર મળશે.

ભારતીય ક્રિકેટ કંટ્રોલ બોર્ડ (BCCI) અને તેના પ્રાયોજકો વચ્ચેના સંબંધો હંમેશા બદલાતા રહે છે. ક્યારેક મોટો કરાર થાય છે તો ક્યારેક અચાનક તે સમાપ્ત પણ થઇ જાય છે. તાજેતરમાં, BCCI માટે એક નવી પરિસ્થિતિ ઊભી થઈ છે જ્યારે તેના મુખ્ય સ્પોન્સર Dream11 એ નિર્ધારિત સમય કરતાં લગભગ 1 વર્ષ પહેલા જ પોતાનો કરાર સમાપ્ત કરી દીધો. આ આશ્ચર્યજનક નિર્ણય પાછળનું મુખ્ય કારણ સંસદ દ્વારા પસાર કરાયેલો નવો ઓનલાઈન ગેમિંગ કાયદો છે.

Online gaming પ્લેટફોર્મ Dream11 એ જુલાઈ 2023માં જ BCCI સાથે 3 વર્ષ માટે ₹358 કરોડનો ટી-શર્ટ સ્પોન્સરશિપ કરાર કર્યો હતો. આ કરાર ભારતીય ક્રિકેટ માટે એક મોટી આવકનો સ્રોત હતો, પરંતુ નવા કાયદાએ બધું બદલી નાખ્યું. સંસદ દ્વારા પસાર કરાયેલા નવા કાયદા મુજબ, કોઈપણ ઓનલાઈન ગેમ જેમાં પૈસાનું રોકાણ થાય છે તેને ગેરકાયદેસર જાહેર કરવામાં આવી છે. છેલ્લા કેટલાક વર્ષોમાં, Dream11 જેવી ફેન્ટસી સ્પોર્ટ્સ કંપનીઓએ ભારતમાં ધૂમ મચાવી હતી.

જ્યારે કરોડો યુઝર્સ પોતાની ટીમો બનાવીને પૈસા લગાવતા હતા, અને ઘણા લોકો કરોડપતિ બનવાના સપના જોતા હતા. પરંતુ, આ પ્રવૃત્તિએ સમાજમાં ઘણી આર્થિક સમસ્યાઓ પણ ઊભી કરી, જ્યાં ઘણા લોકોએ મોટી રકમ ગુમાવી. આ કારણોસર, સરકારે આ પ્રકારની રમતોને નિયંત્રિત કરવા માટે કડક પગલાં લીધા છે.

નવા કાયદાએ Dream11 જેવા પ્લેટફોર્મની વ્યવસાયિક મોડેલને સીધો ફટકો માર્યો છે. પરિણામે, Dream11 એ પોતાનું ભવિષ્ય જોખમમાં મૂકવાને બદલે BCCI સાથેનો કરાર સમય પહેલા જ સમાપ્ત કરવાનું પસંદ કર્યું.

જ્યારે Dream11 ના વિદાય બાદ BCCI માટે તાત્કાલિક નવા સ્પોન્સરની શોધ કરવી અનિવાર્ય બની ગઈ છે. સપ્ટેમ્બર 9 થી એશિયા કપ શરૂ થવાનો છે અને ત્યારબાદ વર્લ્ડ કપ પણ છે. આવી સ્થિતિમાં, ભારતીય ટીમની જર્સી પર કોઈ મુખ્ય પ્રાયોજકનું નામ ન હોવું એ બોર્ડ માટે ચિંતાનો વિષય છે. એક અહેવાલ મુજબ, BCCI હવે 2025 થી 2028 સુધીના સમયગાળા માટે નવા સ્પોન્સરની શોધમાં લાગી ગયું છે. આ સમયગાળા દરમિયાન, ભારતીય ટીમ કુલ 140 મેચ રમશે.

ICC અને ACC ટૂર્નામેન્ટ્સ માટે : પ્રતિ મેચ ₹1.5 કરોડનો લક્ષ્યાંક છે. આ રકમ BYJU’s દ્વારા ચૂકવવામાં આવેલી રકમ કરતાં ઓછી છે, પરંતુ Dream11 કરતાં ઘણી વધારે છે. આ સ્પષ્ટપણે દર્શાવે છે કે BCCI ભારતીય ક્રિકેટ ટીમની બ્રાન્ડ વેલ્યુને કેટલી ઊંચી ગણે છે.

BCCI માટે યોગ્ય સ્પોન્સર શોધવાનું સરળ નથી. ઓનલાઈન ગેમિંગ પ્લેટફોર્મ પરના પ્રતિબંધોને કારણે, આ ક્ષેત્રની કંપનીઓ હવે પ્રાયોજક બનવામાં સંકોચ કરશે. BCCI ને હવે અન્ય ક્ષેત્રોની મોટી કંપનીઓને આકર્ષિત કરવી પડશે. ટેકનોલોજી, ઈ-કોમર્સ, ટેલિકોમ્યુનિકેશન, અને ઓટોમોબાઈલ જેવી કંપનીઓ આ માટે આદર્શ ઉમેદવાર બની શકે છે.

પડકારની સાથે એક તક પણ જોડાયેલી છે. ભારતીય ક્રિકેટ ટીમની વૈશ્વિક પહોંચ અને ચાહકોની સંખ્યા અગણિત છે. કોઈ પણ મોટી બ્રાન્ડ માટે ટીમ ઇન્ડિયા સાથે જોડાણ એક ગ્લોબલ પ્લેટફોર્મ પૂરું પાડી શકે છે.