યમુના એક્સપ્રેસ વે પર ભીષણ અકસ્માત: ધુમ્મસના કારણે 9 વાહનોમાં આગ, 13ના મોતની પુષ્ટિ

🌫️ મથુરા/નોઈડા: દિલ્હી-એનસીઆરને આગ્રા સાથે જોડતા યમુના એક્સપ્રેસ વે પર આજે, મંગળવારે (16 ડિસેમ્બર) વહેલી સવારે એક ગોઝારો અકસ્માત સર્જાયો હતો. ગાઢ ધુમ્મસના કારણે આગ્રાથી નોઇડા તરફ જતી લેન પર એકસાથે અનેક વાહનો ટકરાયા હતા, જેના પરિણામે 13 લોકોના કરુણ મોત થયા છે.

⚠️ભીષણ ટક્કર અને આગનું તાંડવ

• ઘટના સ્થળ: બલદેવ પોલીસ સ્ટેશન વિસ્તારના ખડેહરા ગામ પાસે, યમુના એક્સપ્રેસ વે.
• કારણ: વહેલી સવારે ધુમ્મસ એટલું ગાઢ હતું કે દ્રશ્યતા શૂન્ય થઈ ગઈ હતી. આગળ-પાછળ ચાલી રહેલા વાહનો એકબીજાને જોઈ ન શકતાં એક પછી એક ટકરાયા હતા.
• અકસ્માતનો વ્યાપ: આ ભીષણ ટક્કરના કારણે સાત બસ અને બે કાર સહિત કુલ નવ વાહનોમાં ભીષણ આગ ફાટી નીકળી હતી.
• જાનહાનિ: આ અકસ્માતમાં અત્યાર સુધીમાં 13 લોકોના મોતની પુષ્ટિ થઈ છે.

🏃 જીવ બચાવવા મુસાફરોએ બારીમાંથી કૂદકો માર્યો
ટક્કર બાદ વાહનોમાં આગ લાગતાં અફરાતફરી મચી ગઈ હતી.

• અનેક મુસાફરો વાહનની અંદર ફસાઈ ગયા હતા, જ્યારે કેટલાક લોકોએ જીવ બચાવવા માટે બસની બારીમાંથી કૂદીને પોતાનો જીવ બચાવ્યો હતો.
• પોલીસના જણાવ્યા અનુસાર, બે ડઝનથી વધુ લોકો ઈજાગ્રસ્ત થયા છે, જેમને તાત્કાલિક ધોરણે 20થી વધુ એમ્બ્યુલન્સ દ્વારા હોસ્પિટલમાં દાખલ કરવામાં આવ્યા છે.
• અત્યાર સુધીમાં ત્રણ મૃતકોની ઓળખ થઈ ચૂકી છે.

🛑 ટ્રાફિક જામ, પોલીસ કામગીરી

અકસ્માતની જાણ થતાં જ ફાયર વિભાગની ટીમ ઘટનાસ્થળે પહોંચી હતી અને આગને કાબૂમાં લેવાની કામગીરી શરૂ કરી હતી.

• અકસ્માત બાદ નોઈડા તરફ જતી એક્સપ્રેસ વેની લેન પર વાહનવ્યવહાર સંપૂર્ણપણે ઠપ થઈ ગયો હતો.
• પોલીસે તાત્કાલિક ક્રેન બોલાવી ક્ષતિગ્રસ્ત વાહનોને દૂર કર્યા હતા અને ત્યારબાદ એક્સપ્રેસ વે પર વાહનવ્યવહાર ફરી શરૂ કરવામાં આવ્યો હતો.