ગાંધીનગર MLA ક્વાર્ટર્સમાં ધારાસભ્ય અનંત પટેલના ઘરે કપલ ઝડપાયું, પોલીસ પૂછપરછ શરૂ

ગાંધીનગર સેક્ટર-21 ધારા ધારાસભ્ય અનંત પટેલના ક્વાર્ટરમાં એક કપલ શંકાસ્પદ રીતે રોકાયેલ હોવાનું માહિતી મળ્યું હતું.

• પૂછપરછમાં જાણવા મળ્યું કે કપલ એકબીજાનો પરિચિત છે; છોકરી કોલેજમાં છે અને છોકરો ખાનગી કંપનીમાં નોકરી કરે છે.
• બંને સગીર હોવાથી પોલીસ દ્વારા કોઈ આજુબાજુ ગુનો નોંધાયો નહી.
• કપલ ધારાસભ્યના PAના પરિચિત હોવાથી ક્વાર્ટરમાં રોકાયા હતા.

ગાંધીનગરમાંથી એક રસપ્રદ ઘટના પ્રકાશમાં આવી છે. સેક્ટર-21 સ્થિત ધારાસભ્ય ક્વાર્ટરમાં એક કપલ રોકાયું હોવાની માહિતી મળતા પોલીસે સ્થળ પર પહોંચી તપાસ હાથ ધરી હતી. આ ક્વાર્ટર કોંગ્રેસ ધારાસભ્ય અનંત પટેલને ફાળવાયેલું હોવાનું સામે આવતા રાજકીય વર્તુળોમાં ચર્ચાનો માહોલ સર્જાયો છે.

જાણવા મળતી માહિતી મુજબ, સેક્ટર-21 પોલીસ સ્ટેશનની PI રેખા સિસોદિયા અને તેમની ટીમને મળેલી જાણકારીના આધારે પોલીસે તપાસ શરૂ કરી હતી. સ્થળ પર પહોંચી તપાસ કરતાં જોવા મળ્યું કે કપલ અનંત પટેલના ધારાસભ્ય ક્વાર્ટરમાં હાજર હતું.પોલીસે બંનેને સ્ટેશન ખાતે લાવી પૂછપરછ કરી હતી. જાણવા મળ્યું કે બંને એકબીજાના પરિચિત છે — છોકરી કોલેજમાં અભ્યાસ કરે છે અને છોકરો ખાનગી કંપનીમાં નોકરી કરે છે. કારણકે બંને સગીર હતા, પોલીસે કોઈ ગુનો નોંધ્યો નહોતો.

જ્યારે સૂત્રોના જણાવ્યા અનુસાર, કપલ ધારાસભ્ય અનંત પટેલના પીએના પરિચિત હોવાથી ત્યાં રોકાયું હતું. પોલીસે બંનેના પરિવારજનોને માહિતી આપીને સ્ટેશન પર બોલાવ્યા હતા. પૂછપરછ બાદ કોઈ ગુનાહી તત્વ સામે ન આવતા બંનેને મુક્ત કરવામાં આવ્યા હતા.

આ મામલે હજી સુધી કોઈ સત્તાવાર નિવેદન બહાર આવ્યું નથી, પરંતુ સમગ્ર ઘટનાએ રાજકીય અને સામાજિક વર્તુળોમાં ચર્ચા જોર પકડેલી છે.