વડોદરામાં વિદ્યાર્થીઓની જાહેરમાં મારામારી, રાહદારીઓએ મામલો શાંત પાડયો

સેવન્થ ડે સ્કૂલ જેવી ઘટના થતાં બચ્યા,સમગ્ર ઘટનાક્રમનો વીડિયો સોશિયલ મીડિયા પર વાયરલ થતાં શહેરભરમાં ચર્ચાનો વિષય બન્યો હતો.

• રાહદારીઓએ દરમિયાનગીરી કરીને આ વિદ્યાર્થીઓને અલગ પાડ્યા.
• આ ઘટના સયાજીનગર ગૃહની સામે મુખ્ય રોડ પર બની હતી.
• મારામારીમાં સંડોવાયેલા આ વિદ્યાર્થીઓ જીઇબી સ્કૂલમાં અભ્યાસ કરે છે.

શહેરમાં વિદ્યાર્થીઓ વચ્ચેની આ મારામારી એટલી હદે વધી ગઈ કે આસપાસમાંથી પસાર થઈ રહેલા રાહદારીઓએ વચ્ચે પડવાની ફરજ પડી હતી. રાહદારીઓએ દરમિયાનગીરી કરીને આ વિદ્યાર્થીઓને અલગ પાડ્યા હતા અને મામલો થાળે પાડ્યો હતો.

શહેરમાં જાહેરમાં વિદ્યાર્થીઓ વચ્ચે મારામારીની એક ઘટના સામે આવી છે, જેનો વીડિયો સોશિયલ મીડિયા પર વાયરલ થઈ એ રહ્યો છે. આ ઘટના સયાજીનગર ગૃહની સામે મુખ્ય રોડ પર બની હતી. વીડિયોમાં સ્પષ્ટ જોઈ શકાય છે કે, કેટલાક વિદ્યાર્થીઓ ઉગ્ર બોલાચાલી બાદ એકબીજ બાઝી પડ્યા હતા અને રસ્તા પર જ મારામારી કરવા હતા. તપાસ બાદ એવું જાણવા મળ્યું છે કે મારામારીમાં સંડોવાયેલા આ વિદ્યાર્થીઓ જીઇબી સ્કૂલમાં અભ્યાસ કરે છે.

જ્યારે વિદ્યાર્થીઓ વચ્ચેની આ મારામારી એટલી હદે વધી ગઈ કે આસપાસમાંથી પસાર થઈ રહેલા રાહદારીઓએ વચ્ચે પડવાની ફરજ પડી હતી. રાહદારીઓએ દરમિયાનગીરી કરીને આ વિદ્યાર્થીઓને અલગ પાડ્યા હતા અને મામલો શાંત પાડ્યો હતો. આ સમગ્ર ઘટનાક્રમનો વીડિયો સોશિયલ મીડિયા પર વાયરલ થતાં શહેરભરમાં ચર્ચાનો વિષય બન્યો હતો. જાહેરમાં વિદ્યાર્થીઓ દ્વારા કરવામાં આવેલા આ પ્રકારના વર્તનથી કાયદો અને વ્યવસ્થા જાળવવાનો સવાલ પણ ઊભો થયો છે.

જ્યારે આવી ઘટનાની જાણ થતાં જ પોલીસે તાત્કાલિક પગલાં લીધાં હતાં. પોલીસે મારામારીમાં સામેલ ત્રણેય વિદ્યાર્થીઓના વાહનો (ટુ-વ્હીલર) ડિટેઈન કર્યા હતા અને તેમને પોલીસ સ્ટેશન લઈ જવામાં આવ્યા હતા. ત્યારબાદ પોલીસે ત્રણેય વિદ્યાર્થીઓના વાલીઓને બોલાવ્યા હતા. વાલીઓએ પોલીસ સમક્ષ આવીને પોતાના બાળકોના આ વર્તન બદલ માફી માગી હતી અને ભવિષ્યમાં આવો કોઈ બનાવ ન બને તેની ખાતરી આપી હતી. પોલીસે વાલીઓને કડક સૂચના આપીને અને કાયદાકીય સમજણ આપીને આ મામલો શાંત પાડ્યો હતો.