Connect with us

Savli

મંજુસર GIDCની ફ્લોરમિલમાં ગ્રાઈન્ડર તૂટી પડતા ત્રણ મજૂર ઘઉંના જથ્થા નીચે દબાયા,એકનું મોત

Published

on

વડોદરા જીલ્લાના સાવલી મંજુર GIDCમાં આવેલી ફલોરમિલમાં ગ્રાઈન્ડર મશીન તૂટતા ત્રણ કામદારો ઘઉંના જથ્થા નીચે દબાઈ ગયા હતા. ઘટનાની જાણ ફાયરબ્રિગેડને કરવામાં આવતા ફાયરબ્રિગેડનો કાફલો ઘટના સ્થળે પહોચ્યો હતો જ્યાં ઘઉં નીચે દબાયેલા મજુરોને બચાવવાની કામગીરી શરુ કરવામાં આવી હતી.



પ્રાપ્ત માહિતી અનુસાર સાવલીના મંજુર GIDCમાં પુનમ આટામિલ આવેલી છે. જ્યાં રોજીંદા હજારો ટન ઘઉંનો જથ્થો લઈને તેને લોટમાં તબદીલ કરવામાં આવે છે. આ પ્રોસેસ માટે હેવી ડ્યુટી ઘંટીઓ તેમજ ગ્રાઈન્ડર મશીનોનો ઉપયોગ કરવામાં આવે છે. જ્યાં ગત રાત્રીના સમયે ફોલરમિલમાં પડેલા ઘઉંના જથ્થાને એકઠો કરવા માટે ત્રણ મજુરો કામ કરતા હતા .તે સમયે વિશાળકાય ગ્રાઈન્ડર મશીન તૂટી પડતા ત્રણ મજુરો મશીન નીચે દટાયા હતા. મશીનમાં ઘઉંનો જથ્થો પણ હતો. જે જથ્થો પણ કામદારો પર પડ્યો હતો.

Advertisement



કામદારોને બચાવવા માટે JCB મશીનોની મદદ લેવામાં આવી હતી. જ્યાં JCBનો ઉપયોગ કરીને ઘઉંનો જથ્થો ખસેડવામાં આવ્યો હતો. જેમાં ભારે જહેમત બાદ ત્રણેય કામદારોને બહાર કાઢવામાં આવ્યા હતા. આ બચાવ કામગીરી દરમિયાન એક કામદારે ઘઉં નીચે દબાઈ જવાથી દમ તોડી દીધો હતો. જયારે અન્ય બે કામદારોને ગંભીર હાલતમાં સારવાર અર્થે વડોદરા ખાતે ખસેડવામાં આવ્યા હતા. જ્યાં તેઓની હાલત સ્થિત હોવાનું જાણવા મળે છે.

Advertisement

Advertisement
Continue Reading
Advertisement

Savli

સાવલી: બહુથા ગામ નજીક મેસરી નદીમાં શંકાસ્પદ માંસનો જથ્થો મળતા પોલીસ દોડતી થઈ

Published

on

સાવલી તાલુકાના બહુથા ગામ પાસેથી પસાર થતી મેસરી નદીમાં મોટા પ્રમાણમાં ગૌવંશનું માસ મળી આવતા પોલીસ દોડતી થઇ હતી. સ્થાનિકોએ નદીમાં પડેલા શંકાસ્પદ માંસના ટુકડા જોતા જ ગૌસેવકો અને પોલીસને જાણ કરી હતી. જયારે માંસની તપાસ માટે FSLની પણ મદદ લેવાઈ હતી.



પ્રાપ્ત માહિતી અનુસાર સાવલી તાલુકાના બહુથા ગામ પાસેથી પસાર થતી મેસરી નદીમાં રાત્રીના 9 વાગ્યાના અરસામાં આસપાસના ખેડૂતોએ મોટા પ્રમાણમાં માંસનો જથ્થો તેમજ હાડકા જોયા હતા. જેની જાણ સ્થાનિકોએ પોલીસ વિહ્બાગ અને  ગૌરક્ષકોને કરી હતી.

Advertisement



માહિતી મળતા જ પોલીસ સ્થળ પર પહોચી હતી. સ્થળ પર જઈને તપાસતા ગૌવંશના માસના ટુકડાં ભરેલા કોથળા તેમજ શીંગડા સહીત ચામડાંનો જથ્થો મળી આવ્યો હતો. નજીકમાં કોઈ કતલખાનું પણ નથી. તો આ માંસનો જથ્થો નદીમાં કોણે નાખ્યો તે સવાલ ઉભો થયો હતો. પોલીસે માંસના જથ્થાને તપાસવા માટે FSLની મદદ લીધી હતી. જયારે FSLની ટીમ દ્વારા માંસના સેમ્પલ લેવામાં આવ્યા હતા.



માંસનો જથ્થો મળ્યો હોવાની વાત વાયુ વેગે પંથકમાં પ્રસરી જતા આસપાસના ગ્રામજનો પણ સ્થળ પર એકત્રિત થઇ ગયા હતા. જયારે ગૌરક્ષકો પણ સ્થળ પર આવી પહોચ્યા હતા. સેમ્પલ લીધા બાદ બચેલા માંસના જથ્થાને JCB દ્વારા ખાડો કરીને દાટી દેવામાં આવ્યું હતું. નદીમાં માંસનો જથ્થો ક્યાંથી આવ્યો તે દિશામાં મંજુસર પોલીસે વધુ તપાસ હાથ ધરી છે.

Advertisement
Continue Reading

Savli

ડો.હેમાંગ જોષીના નામની જાહેરાત થતા કેતન ઇનામદાર સમર્થકોમાં રોષ,સી.આર પાટીલ વિશે પણ ટિપ્પણીઓ કરી

Published

on

વડોદરા લોકસભા બેઠક પર ભાજપના ઉમેદવાર રંજનબેન ભટ્ટ નો વિરોધ થતા ભાજપે ઉમેદવાર બદલવાની જરૂર પડી હતી. રંજનબેન ભટ્ટે જાતે જ ચૂંટણી લડવાની ઈચ્છા નથી તેવી જાહેરાત કરતા ગત રોજ ભાજપના ઉમેદવારોની પાંચમી યાદીમાં વડોદરાના નવા ઉમેદવાર તરીકે ડો.હેમાંગ જોષીના નામની જાહેરાત કરવામાં આવી હતી.

માત્ર 33 વર્ષની વયે લોકસભાની દાવેદારી મળતા ડો.હેમાંગ જોષીના નામથી સૌ કોઈ ચોંકી ઉઠયા હતા. RSSની પસંદગી હોવાની વાત જાહેર થતા જ સૌ કોઈએ આ નામને વધાવી લીધું હતું. જોકે સાવલી વિધાનસભા આ કેતન ઇનામદાર સમર્થકોએ અસંતોષ વ્યક્ત કર્યો હતો. I Support Ketan Bhai Inamdar નામના ગ્રૂપમાં કેતન ઇનામદારના સમર્થકોએ જાહેરમાં ઉમેદવાર ડો.હેમાંગ જોષીનો વિરોધ વ્યક્ત કર્યો હતો. એટલેથી નહિ અટકીને પ્રદેશ અધ્યક્ષ સી.આર પાટીલ વિરુદ્ધ પણ લખાણો લખ્યા હતા.

મહત્વની વાત એ છે કે,જે વોટ્સએપ ગ્રુપની ચેટ વાયરલ થઈ છે તે ગ્રુપમાં સાવલી ધારાસભ્ય કેતન ઇનામદાર શામેલ નથી. આ ગ્રૂપ તેઓના નજીકના સમર્થકોનું ગ્રૂપ છે.તેઓ એમ પણ લખે છે કે, ભાજપને મત કેતન ઇનામદારને કારણે મળે છે.

Advertisement

Advertisement
Continue Reading

Blog

“વાઘ આવ્યો-વાઘ આવ્યો”, આવું તો વારંવાર થયું: શું આ વખતે ખરેખર વાઘ આવી જશે?

Published

on

(મૌલિક પટેલ) વડોદરા જીલ્લાના રાજકારણમાં એક મોટું નામ કહેવાતા સાવલીના ધારાસભ્ય કેતન ઈનામદારે આજે સવારે ફરી એક વાર ધારાસભ્ય પદેથી રાજીનામું ધરી દેતા વિવાદ સર્જાયો છે. એક સમયના અપક્ષ ધારાસભ્ય ભાજપમાં જોડાયા બાદ સતત સંઘર્ષ સહન કરી રહ્યા હોવાની વાત સામે આવી છે. ભાજપ પક્ષના હોદ્દેદારો દ્વારા લેવામાં આવેલા કેટલાક નિર્ણયોને કારણે કેતન ઈનામદાર લાંબા સમયથી નારાજ ચાલી રહ્યા હોવાની વાત સપાટી પર આવી છે. જયારે પ્રદેશ કક્ષા સુધી રજૂઆત કર્યા બાદ પણ કોઈ નિર્ણય નહિ આવતા અંતે રાજીનામું આપી દેવાના વિકલ્પની પસંદગી  કેતન ઇનામદારે કરી છે.

કેતન ઈનામદારનું મધ્યગુજરાતમાં રાજકીય મહત્વ વધારે રહેલું છે. વડોદરા લોકસભામાં આવતી જીલ્લાની બે વિધાનસભામાં કેતન ઈનામદારનો મોટો સિંહફાળો રહેલો છે. ખુબ સારી લીડથી જીતતા કેતન ઈનામદારનો કાર્યકર્તા સમૂહ અને વિસ્તારમાં લોકપ્રિયતા ઘણી વિશાળ છે. આ સાથે તેઓ હાલના લોકસભાના ઉમેદવાર રંજનબેન ભટ્ટના નીકટના હોવાનું પણ જગજાહેર છે. બહેન-ભાઈ તરીકે જાહેરમાં તેઓ ઓળખાય છે.

Advertisement

લોકસભાની દાવેદારી માંગતા કેતન ઈનામદાર અચાનક કેમ રાજીનામું આપવા તૈયાર થયા?
તાજેતરમાં જયારે લોકસભાની ઉમેદવારી માટે કોન્સેસ પ્રક્રિયા શરુ થઇ ત્યારે હાલના સાંસદ રંજનબેન ભટ્ટ સાથે કેતન ઈનામદારે પણ લોકસભાની ચુંટણી લડવાની ઈચ્છા વ્યક્ત કરી હતી. પાર્લામેન્ટ્રી બોર્ડ સમક્ષ રજુ થયેલા નામોમાં કેતન ઇનામદારની પણ દાવેદારી હતી. જોકે પક્ષ દ્વારા ત્રીજી વાર માટે રંજનબેનના નામની જાહેરાત કરવામાં આવતા કેતન ઈનામદારે તેઓને સમર્થન કર્યું હતું.

“ઘી ઢોળાયું તો ખીચડીમાં” રંજનબેનને ત્રીજીવારની પસંદગી થી કેતન ઈનામદારને રાજકીય કારકિર્દીમાં વધુ એક એક્સ્ટેન્શન મળી ગયું હતું. જેથી બંને તરફ વિન વિન પરિસ્થિતિ હતી. પણ ત્યાર બાદ રંજનબેનની ઉમેદવારી સામે પક્ષના રાષ્ટ્રીય મહિલા મોરચાના ઉપાધ્યક્ષ ડો. જ્યોતિબેન પંડ્યાએ પડકાર ફેક્યો હતો. અને ત્યાર બાદ રંજનબેનના નામનું મેન્ડેડ ન આવે તે માટે પક્ષમાં જ અંદરખાને રજુઆતો શરુ થઇ ગઈ હતી. અને આ મામલે પક્ષના નેતાઓ હાલ વિચાર કરીને ઉમેદવાર બદલવાના નિર્ણય પર પહોચ્યા હોવાની વાતો વહેતી થઇ છે.

કુલદીપસિંહ રાઉલજી સાથે કેતન ઈનામદારને કેમ વાંકુ પડ્યું ?
બીજી તરફ વર્ષ 2022માં કેતન ઈનામદાર સામે ચુંટણી લડવા ભાજપ છોડીને કોંગ્રેસમાં ગયેલા કુલદીપસિંહ રાઉલજીએ બાયો ચઢાવી હતી. અને કોંગ્રેસમાં જોડવાની સાથે જ વિધાનસભાની ઉમેદવારી પણ કુલદીપસિંહ લઇ આવ્યા હતા. એક બીજા ઉપર વ્યક્તિગત પ્રહારો કરીને બંને ઉમેદવારોએ તેઓ વચ્ચેની ખાઈ વધુ ઊંડી કરી દીધી હતી. એક સમયના બંને મિત્રોને જાણે બાપે માર્યા વેર થયા હોય તેમ સામસામે શાબ્દિક પ્રહારો કરતા હતા. કુલદીપસિંહ ક્ષત્રીયાવાદ લઈને ચાલ્યા તો કેતન ઈનામદારે પણ ક્ષત્રીય ફેંટો બાંધી દીધો હતો. અંતે વિધાનસભાની ચુંટણીમાં કુલદીપસિંહની હાર થઇ હતી.

Advertisement

થોડા સમય પહેલા જ પક્ષ છોડીને ગયેલા ભાજપના નેતાઓની ઘરવાપસી માટે પ્રદેશ દ્વારા મંત્રણા શરુ થઇ હતી. કુલદીપસિંહ રાઉલજી પણ ખુબ સારા મતો લાવ્યા હતા જેથી ભાજપને પણ તેઓની જરૂર હતી. જેથી કુલદીપસિંહ રાઉલજીને પક્ષમાં સમાવી લેવાની હિલચાલ શરુ થઇ હતી. જોકે તે સમયે પણ કેતન ઈનામદારે વિરોધ વ્યક્ત કરીને રાજીનામું આપી દેવાની ચીમકી ઉચ્ચારી હોવાનું જાણવા મળ્યું છે. જોકે, પ્રદેશ અધ્યક્ષ સી.આર પાટીલે કેતન ઈનામદારની ચીમકીથી ડર્યા વિના જ કુલદીપસિંહ રાઉલજીને ભાજપમાં આમંત્રિત કર્યા હતા.

કેતન ઈનામદારના રાજીનામાંનું શું કરશે ભાજપ ?
વાત અહીંથી અટકતી નથી, ભાજપ ક્યારેય સત્તા અને શક્તિના કાટલાં ત્રાજવામાં એક તરફ મૂકતું નથી. કોઈ વ્યક્તિ પોતે જ મહાન છે તેવું ન સમજે તે માટે ભાજપ સત્તા અને શક્તિને બેલેન્સ કરીને ચાલે છે. એવામાં લોકસભાના ઉમેદવારોની બીજી યાદી જાહેર થતા જ એક દિવસ પહેલા કુલદીપસિંહ રાઉલજીને ડભોઇ વિધાનસભા વિસ્તારમાં લોકસભાની ચુંટણીમાં મહત્વની જવાબદારી સોંપવામાં આવી હતી.

તારીખ 19 માર્ચ 2024ના રોજ થઇ રહેલી રાજકીય ઉથલપાથલ પાછળ બે મહત્વના કારણો સામે આવ્યા છે. ભારે વિરોધ બાદ રંજનબેન ભટ્ટની ઉમેદવારી માટે ફેરવિચારણા ચાલી રહી હોવાથી કેતન ઈનામદાર ભાજપનું નાક દબાવવા માટે રાજીનામાંનું તરકટ ચારી રહ્યા છે ! અથવા  કેતન ઈનામદારના રાજીક્ય પ્રતિધ્વંધી કુલદીપસિંહનું ભાજપમાં કદ વધી રહ્યું છે. અને તેઓને “માપમાં” રાખવાની કરવામાં આવેલી રજુઆતો બાદ પણ ભાજપ તેઓની વાત સાંભળતું નથી, તેથી રાજીનામું ધરી દીધું છે!

Advertisement

મહત્વનું છે કે, વાઘ આવ્યો-વાઘ આવ્યો તેવું દ્રશ્ય વારંવાર રજુ કરતા હવે કેતન ઈનામદારના રાજીનામાંથી પ્રેદેશ ભાજપને કોઈ જજો ફરક પડતો નથી. તત્કાલીન મુખ્યમંત્રી વિજય રૂપાણીના સમયકાળમાં બે થી ત્રણ વાર કોઈ ને કોઈ કારણોસર કેતન ઈનામદાર પોતાનું રાજીનામું જાહેર કરી ચુક્યા છે. જેથી આ પ્રેશર ટેકિનકથી પ્રદેશ અને રાષ્ટ્રીય કક્ષાના નેતાઓ ખુબ સારી રીતે વાકેફ થઇ ગયા છે.   હાલ કેતન ઈનામદારને પ્રદેશ કાર્યાલય ખાતે બોલાવવામાં આવ્યા છે. જ્યાં સાંજ સુધીમાં નિર્ણય સામે આવશે. જોકે કેતન ઈનામદાર સાવલી છોડીને ગાંધીનગર જવા નીકળ્યા ત્યારે પણ અંતિમ શબ્દો હતા કે, “રાજીનામાંનો નિર્ણય અડગ રહેશે.”

Advertisement
Continue Reading
Advertisement

Trending