વડોદરામાં ફ્રોડ: બેંક કસ્ટમર કેરના નામે વૃદ્ધા સાથે ₹91 લાખની છેતરપિંડી

અકોટાના રહેવાસીની 91.10 લાખ રૂપિયાની ઠગાઈ એફડી ટ્રાન્સફર કરવાના બહાને કરવામાં આવી.

• વૃદ્ધાએ 20.10 લાખની FD Bank ટ્રાન્સફર માટે ઈક્વિટ્સ બેંકના કસ્ટમર કેર નંબરનું ગુગલ પરથી ઉપયોગ કર્યો.
• અભિષેક નામના વ્યક્તિએ કસ્ટમર કેર હોવાનો ભાન આપી કોલ ફોરવર્ડિંગ કરાવ્યું.
• 20 થી 22 ઓક્ટોબરના દરમિયાન 57 ટ્રાન્ઝેક્શન્સને કરી 91.10 લાખ ટ્રાન્સફર થઈ ગયા.

વડોદરામાં ઓનલાઇન ફ્રોડનો વધુ એક ચોંકાવનારો બનાવ સામે આવ્યો છે. અકોટા વિસ્તારમાં રહેતી એક વૃદ્ધા સાથે એફડી ટ્રાન્સફર કરાવવા બહાને 91.10 લાખ રૂપિયાની ઠગાઈ થવાની ઘટના બહાર આવી છે.માહિતી મુજબ, વૃદ્ધા મીથિલાબેને પોલીસને જણાવ્યું કે તેમના પતિ વિદેશમાં સરકારી ડોક્ટર હતા.

તાજેતરમાં તેમની 20.10 લાખ રૂપિયાની એફડી પાકી થતા તેમણે આ રકમ બીજી બેંકમાં ટ્રાન્સફર કરવા માટે ઈક્વિટ્સ બેંકનો કસ્ટમર કેર નંબર ગુગલ પરથી શોધ્યો હતો. આ નંબર પર તેમણે સંપર્ક કરતા અભિષેક નામના વ્યક્તિ સાથે વાત થઈ હતી.આ વ્યક્તિએ કસ્ટમર કેર હોવાનું જણાવી વૃદ્ધાને કોલ ફોરવર્ડિંગ કરાવ્યું, જેમાંથી પછી તેમના બધા કોલ બીજે ફોરવર્ડ થવા માંડ્યા. ત્યારબાદ ઠગોએ તેમની પાસે આધાર કાર્ડ અને ડેબિટ કાર્ડની વિગતો મેળવી લીધી હતી.

થોડા સમય બાદ વૃદ્ધાનો ફોન હેક થઈ ગયો હતો.વૃદ્ધાના જણાવ્યા પ્રમાણે 20 થી 22 ઑક્ટોબર વચ્ચે કુલ 57 ટ્રાન્ઝેક્શન કરીને તેમના ખાતામાંથી 91.10 લાખ રૂપિયાની રકમ ટ્રાન્સફર કરી લેવામાં આવી હતી. ઘટનાની ગંભીરતા સમજતા વૃદ્ધાએ તરત જ વડોદરા સાયબર સેલમાં ફરિયાદ દાખલ કરી હતી.પોલીસે કેસ નોંધ્યો છે અને ઠગોની શોધખોળ શરૂ કરી છે.