“બાપુ ક્યારેય વેચાય નહીં”; વોર્ડ-2 ના કોંગ્રેસ ઉમેદવાર દિલીપ પટેલ દબાણો સામે અડગ, ચૂંટણી જંગ બન્યો પ્રતિષ્ઠાનો જંગ

• ખરીદ-વેચાણના ખેલ વચ્ચે મક્કમતા: ઉમેદવારોને બેસાડી દેવાના રાજકારણ વચ્ચે દિલીપ પટેલનો હુંકાર – “હું મેદાન છોડવાનો નથી.”
• દબાણની કબૂલાત: મીડિયા સમક્ષ સ્વીકાર્યું – “પારિવારિક અને અન્ય દબાણો માટે આવ્યા હતા અનેક ફોન.”
• જનતા માટે જંગ: “વડોદરાની જનતા માટે મેદાનમાં ઊભો રહીશ, કોઈ મને ખરીદી શકશે નહીં” – દિલીપ પટેલ.
• વોર્ડ-2 માં હાઈપ્રોફાઈલ મુકાબલો: ઉમેદવારની અડગતાથી હવે આ બેઠક પરના રાજકીય સમીકરણોમાં આવ્યો મોટો પલટો.

​વડોદરા: વડોદરા મહાનગરપાલિકાની ચૂંટણીના રણમેદાનમાં અત્યારે ઉમેદવારોને ‘બેસાડી દેવાના’ કે ‘ખેંચી લેવાના’ પદડા પાછળના ખેલ જોરશોરથી ચાલી રહ્યા છે. આવા સમયે વોર્ડ નંબર 2 ના કોંગ્રેસના ઉમેદવાર દિલીપ પટેલે શરણાગતિ સ્વીકારવાને બદલે લડાયક મિજાજ બતાવીને રાજકારણમાં ખળભળાટ મચાવી દીધો છે.

🧐દબાણ સામે લડત:

દિલીપ પટેલે મીડિયા સમક્ષ ખુલ્લેઆમ નિવેદન આપ્યું છે કે તેમને ચૂંટણી મેદાનમાંથી હટી જવા માટે અનેક પ્રકારના દબાણો કરવામાં આવ્યા હતા. તેમણે સ્વીકાર્યું કે તેમના પર પારિવારિક સંબંધોનો હવાલો આપીને અને અન્ય પ્રલોભનો કે દબાણો દ્વારા ફોર્મ પાછું ખેંચવા માટે ફોન આવ્યા હતા. સામાન્ય રીતે આવા સમયે ઉમેદવારો નમી જતા હોય છે, પરંતુ દિલીપ પટેલે અડગ રહેવાનો નિર્ણય કર્યો છે.

☝️“બાપુ વેચાય નહીં”:

પોતાના દમખમ અને ક્ષત્રિય મિજાજમાં દિલીપ પટેલે ગરજીને કહ્યું કે, “બાપુ ક્યારેય વેચાય નહીં અને મને કોઈ ખરીદી શકવાનું પણ નથી.” તેમણે સ્પષ્ટ કર્યું છે કે તેઓ કોઈના દબાણમાં આવ્યા વગર વડોદરાની જનતાના પ્રશ્નો ઉઠાવવા માટે અંત સુધી મેદાનમાં ટકી રહેશે.

👉પ્રતિષ્ઠાનો જંગ:

દિલીપ પટેલની આ મક્કમતાને કારણે વોર્ડ નંબર 2 ની ચૂંટણી હવે માત્ર મતોની ગણતરી પૂરતી મર્યાદિત નથી રહી, પરંતુ તે એક પ્રતિષ્ઠાનો જંગ બની ગઈ છે. રાજકીય પક્ષો માટે આ બેઠક જીતવી હવે પડકારજનક બની રહેશે, કારણ કે જનતા પણ હવે જોઈ રહી છે કે કયા નેતા દબાણ સામે નમે છે અને કોણ અડગ રહે છે.

🫵શું આ મક્કમતા દિલીપ પટેલને વિજય અપાવશે? અને શું અન્ય વોર્ડના ઉમેદવારો પણ આમાંથી પ્રેરણા લેશે?