વડોદરા બસ ડેપો રેઇડમાં 8 કિલો ગાંજો મળ્યો, સુરતથી આવેલા કેરિયરને પોલીસે ઝડપી પાડ્યો

8 ઓક્ટોબરે સયાજીગંજ પોલીસે વડોદરા એસટી ડેપો પરથી ઓરિસ્સાનાં શંકર સરધાને 8 કિલો ગાંજાના સાથે ઝડપી પાડ્યો

• શંકર સરધાને ગાંજાની ડિલિવરી માટે સુરતના સુબ્રતા નાગ સાથે સંપર્ક કર્યો હતો.
• સુબ્રતા નાગે 21 વર્ષિય યુવાનને ગાંજો લાવવા માટે સુરત મોકલ્યો હતો.
• મહંમદ અકરમ યાકુબભાઇ મલેક, કેરિયર, ભાગતો હતો તે ઝડપી પાડાયો.

વડોદરામાં એસટી બસ ડેપો પરથી ગાંજાની હેરાફેરી કરનાર નેટવર્કને લઈને સયાજીગંજ પોલીસે વધુ એક મોટી કાર્યવાહી અંજામ આપી છે. પોલીસએ ગાંજાનો ઓર્ડર આપનાર સુરતના કેરિયરને આખરે ઝડપી લીધો છે.

ગયા 8 ઓક્ટોબરે વડોદરા એસટી ડેપો પરથી પોલીસએ ચેકિંગ દરમિયાન ઓરિસ્સાનો રહેવાસી શંકર સરધાને 8 કિલો ગાંજા સાથે ઝડપી પાડ્યો હતો. તપાસમાં બહાર આવ્યું હતું કે શંકરને આ ડિલિવરી માટે સારી રકમ આપવાની લાલચ આપીને સુબ્રતા નાગ નામના વ્યક્તિએ સુરત મોકલ્યો હતો.

સયાજીગંજ પોલીસે ત્યારબાદ ગાંજો મંગાવનાર સુરતના કેરિયર અંગે તપાસ હાથ ધરી હતી. ગુપ્ત બાતમીના આધારે સુરત જિલ્લાના મોસાલી ગામ નજીક પોલીસે વોચ ગોઠવી હતી અને પોલીસે અંતે ભાગી રહેલા મહંમદ અકરમ યાકુબભાઇ મલેકને ઝડપી લીધો છે.ગાંજા કાંડમાં હવે ઓર્ડર ચેઇન અને સમગ્ર નેટવર્કના અન્ય સભ્યો સુધી પહોંચવા માટે પોલીસે વધુ તપાસ શરૂ કરી છે.