મિડલ ઈસ્ટ યુદ્ધ વચ્ચે ભારતની પાડોશી ધર્મની ભૂમિકા: બાંગ્લાદેશને પાઈપલાઈન દ્વારા મોકલાયું 5000 ટન ડીઝલ

નવી દિલ્હી/ઢાકા: અમેરિકા, ઈઝરાયલ અને ઈરાન વચ્ચે ચાલી રહેલા સંઘર્ષના આજે 11મા દિવસે વિશ્વભરમાં ઈંધણનું સંકટ ઘેરાયું છે. આ કપરા સમયમાં ભારતે બાંગ્લાદેશની વહારે આવીને 5000 ટન ડીઝલનો જથ્થો મોકલી પાડોશી ધર્મ નિભાવ્યો છે. બાંગ્લાદેશ પાસે હવે માત્ર બે સપ્તાહ ચાલે તેટલું જ ઈંધણ બચ્યું હતું, ત્યારે ભારતની આ સહાયથી ત્યાંના અર્થતંત્રને મોટી રાહત મળી છે.

✍️ભારત-બાંગ્લાદેશ વચ્ચેનો ખાસ કરાર

​બાંગ્લાદેશ પેટ્રોલિયમ કોર્પોરેશન (BPC) ના જણાવ્યા મુજબ, બંને દેશો વચ્ચે થયેલા કરાર હેઠળ:

• ભારત પાઈપલાઈન દ્વારા દર વર્ષે કુલ 1,80,000 ટન ડીઝલ સપ્લાય કરશે.
• આજે મંગળવારે આવેલી 5,000 ટનની ખેપ આ જ કરારનો એક ભાગ છે.
• આગામી 6 મહિનામાં ભારતથી કુલ 90,000 ટન ડીઝલની આયાત કરવામાં આવશે.

⛽ પાઈપલાઈન દ્વારા સપ્લાય અને સરહદી સુરક્ષા

ભારતે આ ડીઝલ પાઈપલાઈન દ્વારા મોકલ્યું છે, જે બાંગ્લાદેશના પારબતીપુર (Parbatipur) બોર્ડરથી દેશમાં પ્રવેશ્યું હતું. મિડલ ઈસ્ટ યુદ્ધને કારણે આંતરરાષ્ટ્રીય સપ્લાય ચેઈન ખોરવાઈ છે, ત્યારે ભારતની પાઈપલાઈન સીધી હોવાથી બાંગ્લાદેશમાં ઈંધણની ઉપલબ્ધતા જાળવવામાં ઘણી સરળતા રહી છે.

🧐સંગ્રહખોરી સામે બાંગ્લાદેશ સરકારનું કડક વલણ

​એક તરફ ભારત મદદ કરી રહ્યું છે, ત્યારે બીજી તરફ બાંગ્લાદેશમાં ઈંધણની કૃત્રિમ અછત ઉભી કરતા વેપારીઓ સામે સરકારે લાલ આંખ કરી છે:

• મોબાઈલ કોર્ટ દ્વારા તપાસ: ઢાકા સહિતના શહેરોમાં પેટ્રોલ પંપો પર દરોડા પાડવામાં આવી રહ્યા છે.
• ગેરકાયદેસર સંગ્રહખોરી: કેટલાક વેપારીઓ વધુ નફો કમાવવા ઈંધણનો સંગ્રહ કરી રહ્યા છે અને દાણચોરી કરી રહ્યા છે, જેની સામે આકરા પગલાં લેવામાં આવી રહ્યા છે.

🌍ગ્લોબલ ઈમ્પેક્ટ

​યુદ્ધના 11મા દિવસે જ્યારે મોટા દેશો પોતાની ઉર્જા જરૂરિયાતો પૂરી કરવા મથી રહ્યા છે, ત્યારે દક્ષિણ એશિયામાં ભારતની આ સક્રિયતા પ્રાદેશિક સ્થિરતા માટે ખૂબ મહત્વની માનવામાં આવી રહી છે.