નકલી નોટોનું ‘એપિસેન્ટર’ બનતું ગુજરાત: છેલ્લા 10 વર્ષમાં રૂ. 176 કરોડની નકલી નોટો જપ્ત.

ગુજરાતના એવા ચહેરાની જે ચિંતાજનક છે. જે રાજ્યને આપણે ‘મોડેલ સ્ટેટ’ કહીએ છીએ, તે આજે નકલી નોટોના કારોબારમાં દેશનું ‘એપીસેન્ટર’ બની રહ્યું હોય તેમ લાગે છે. વર્ષ 2016ની નોટબંધી વખતે દાવો કરાયો હતો કે નકલી નોટો અને કાળા નાણાંનો સફાયો થશે, પણ વાસ્તવિકતા તેનાથી સાવ વિપરીત છે.

• કુલ જપ્ત નકલી નોટો: 32,73,141 થી વધુ
• કુલ મૂલ્ય: ₹176.42 કરોડ
• સ્થાન: દેશમાં પ્રથમ ક્રમે

ગુજરાતમાં નકલી નોટોનું નેટવર્ક એટલું મજબૂત બન્યું છે કે ખુદ કેન્દ્ર સરકારના આંકડા જ હવે ‘સબ સલામત’ની પોલ ખોલી રહ્યા છે. NCRBના ડેટા મુજબ, વર્ષ 2022માં આખા દેશમાંથી પકડાયેલી કુલ નકલી નોટોમાં ગુજરાત સૌથી અગ્રેસર રહ્યું છે. નોટબંધી બાદ ₹500 અને ₹2000ની નકલી નોટોનું ચલણ ઘટવાને બદલે વધ્યું છે.

• ₹500ની નકલી નોટોમાં વધારો: 291% (છેલ્લા 6 વર્ષમાં)
• મુખ્ય કેન્દ્રો: અમદાવાદ, સુરત, રાજકોટ અને સરહદી વિસ્તારો.

આ ગંભીર મુદ્દે હવે રાજકારણ પણ ગરમાયું છે. કોંગ્રેસ પ્રવક્તા ડૉ. મનિષ દોશીએ સરકારની ઈચ્છાશક્તિ પર સવાલો ઉઠાવ્યા છે.

“સરકાર માત્ર આંકડા બતાવીને સંતોષ માની રહી છે. સીમા નિગરાની કડક કરવાને બદલે જાણે નકલી નોટોના સોદાગરોને ખુલ્લું મેદાન મળી ગયું છે. અમે માંગ કરીએ છીએ કે આ સંગઠિત ગુનાખોરીને રોકવા માટે આર્ટિફિશિયલ ઇન્ટેલિજન્સ (AI) જેવી આધુનિક ટેકનોલોજીનો ઉપયોગ કરવામાં આવે.”

🧐 આર્થિક સુરક્ષા જોખમમાં

જ્યારે રાજ્યની આર્થિક સ્થિરતા જોખમાય છે, ત્યારે સામાન્ય જનતાની સુરક્ષા પણ ‘રામ ભરોસે’ થઈ જાય છે. બનાસકાંઠાના ડીસા જેવા વિસ્તારોમાં તો નકલી નોટો છાપવાની આખી ફેક્ટરીઓ પકડાઈ રહી છે, જે દર્શાવે છે કે આ નેટવર્ક કેટલું ઊંડું ઉતરી ગયું છે. શું ગૃહ વિભાગ હવે જાગશે ખરો? કે પછી આ નકલી નાણાનો ખેલ આમ જ ચાલતો રહેશે?