સુરતના હજીરા સ્થિત આર્સેલર મિત્તલ નિપ્પોન સ્ટીલમાં એક ક્રેન તૂટી પડતાં એક કામદારનું ઘટનાસ્થળે જ મૃત્યુ

જેના કારણે તેની નીચે કામ કરી રહેલા ચાર કામદારો દબાઈ ગયા હતા. ઘટનાની જાણ થતાં જ તાત્કાલિક બચાવ કામગીરી શરૂ કરવામાં આવી હતી.

• હજીરા સ્થિત (આર્સેલર મિત્તલ નિપ્પોન સ્ટીલ)  કંપનીના પ્લાન્ટમાં  એક મોટી દુર્ઘટના   
• પ્લાન્ટના કોકો ગેટ નજીક એક ક્રેન તૂટી પડતાં એક કામદારનું ઘટનાસ્થળે જ મૃત્યુ
• નીચે કામ કરી રહેલા ચાર કામદારો દબાઈ ગયા હતા. ઘટનાની જાણ થતાં જ તાત્કાલિક બચાવ.

29 સપ્ટેમ્બર આજે સુરતમાં હજીરા સ્થિત આર્સેલર મિત્તલ નિપ્પોન સ્ટીલ  કંપનીના પ્લાન્ટમાં  એક મોટી દુર્ઘટના સર્જાઈ હતી. પ્લાન્ટના કોકો ગેટ નજીક એક ક્રેન તૂટી પડતાં એક કામદારનું ઘટનાસ્થળે જ મૃત્યુ થયું છે, જ્યારે અન્ય ત્રણ કામદારોને ગંભીર ઈજાઓ પહોંચી છે. આ ઘટનાને પગલે સમગ્ર પ્લાન્ટ વિસ્તારમાં ભય અને અફરાતફરીનો માહોલ ફેલાઈ ગયો હતો.

જાણવા મળ્યા અનુસાર, આ દુર્ઘટના પ્લાન્ટના કોકો ગેટ પાસે બની હતી. કામગીરી દરમિયાન અચાનક ક્રેન તૂટી પડી હતી, જેના કારણે તેની નીચે કામ કરી રહેલા ચાર કામદારો દબાઈ ગયા હતા. ઘટનાની જાણ થતાં જ તાત્કાલિક બચાવ કામગીરી શરૂ કરવામાં આવી હતી.

જ્યારે ઇજાગ્રસ્ત થયેલા ત્રણેય કામદારોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે, જ્યાં તેમની હાલત સ્થિર હોવાનું જાણવા મળ્યું છે. આ ઘટનામાં મૃત્યુ પામેલા કામદારના પરિવારજનોમાં શોકનું મોજું ફરી વળ્યું છે.