અમેરિકામાં લૂંટ ઈરાદાથી સ્ટોર પર હુમલા માટે આવેલા હુમલાકર્તાએ ગુજરાતી મહિલાને ગોળી મારી દીધી

મૃતકનું નામ કિરણ પટેલ હોવાનું પોલીસ દ્વારા જણાવાયું છે જેમની ઉંમર 49 વર્ષ હતી, આ ઘટના બની ત્યારે તેઓ સ્ટોરમાં એકલા જ હતા. કિરણ પટેલ ડીડી’સ ફુડ માર્ટ નામનો બિઝનેસ ચલાવતા હતા.

• અમેરિકામાં ગુજરાતી મહિલાની ગોળીબારથી હત્યા: લૂંટના ઈરાદાથી સ્ટોર પર હુમલો
• સાઉથ કેરોલાઈના યુનિયન કાઉન્ટીમાં કિરણ પટેલની હત્યા: ગુજરાતી વેપારીનું દુઃખદ અંત
  
• 49 વર્ષીય કિરણ પટેલની ગોળી મારી હત્યા: ડીડી’સ ફુડ માર્ટ પર થયો હુમલો
  

અમેરિકાના સાઉથ કેરોલાઈના યુનિયન કાઉન્ટીમાં એક ચોંકાવનારી ઘટના સામે આવી છે, જ્યાં ગુજરાતી મહિલા કિરણ પટેલની ગોળી મારીને હત્યા કરવામાં આવી છે. 49 વર્ષીય કિરણ પટેલ ડીડી’સ ફુડ માર્ટ નામના ગેસ સ્ટેશન અને સ્ટોરનું સંચાલન કરતી હતી. આ હુમલો 16 સપ્ટેમ્બરની રાત્રે થયો, જ્યારે તેઓ સ્ટોરમાં એકલા હતા. પોલીસ અનુસાર, આ લૂંટના ઈરાદાથી કરવામાં આવેલો હુમલો જણાય છે, જેમાં હુમલાકર્તા કિરણને પૈસા આપતા પહેલાં જ ગોળી મારી દીધી હતી.

જ્યારે યુનિયન પબ્લિક સેફ્ટી વિભાગને 16 સપ્ટેમ્બરની રાત્રે સાઉથ પિંક્ની સ્ટ્રીટ પર આવેલા ડીડી’સ ફુડ માર્ટ પાસે ગોળીબારના સમાચાર મળ્યા હતા. પોલીસ પહોંચી ત્યારે સ્ટોરના પાર્કિંગ લોટમાં કિરણ પટેલની ગોળી મારીને હત્યા કરાયેલો મૃતદેહ મળ્યો હતો. કોરોનરના કાર્યાલયે તેમને 49 વર્ષીય કિરણ પટેલ તરીકે ઓળખ કરી છે. ઘટનાસ્થળ પર સ્ટોરના આગળના બારીમાંથી ગોળીઓ લાગ્યાના નિશાન અને શેલ કેસિંગ્સ મળ્યા છે.

જાણવા મળ્યા અનુસાર યુનિયન પબ્લિક સેફ્ટી વિભાગ અને કાઉન્ટી કોરોનરનું કાર્યાલય તપાસ કરી રહ્યા છે. હજુ સુધી કોઈ આરોપી પકડાયો નથી, પરંતુ પોલીસે વીડિયો ફૂટેજ અને અન્ય પુરાવા એકત્ર કર્યા છે. આ ઘટના અન્ય એક હત્યા સાથે જોડાયેલી છે કે કેમ તેની તપાસ પણ ચાલુ છે. કિરણ પટેલ ગુજરાતી મહિલા હોવાથી અમેરિકામાં વસતા ગુજરાતી સમુદાયમાં આ ઘટનાથી શોકની લહેર ફરી છે. તેઓએ તેમના પરિવાર પ્રત્યે સહાનુભૂતિ વ્યક્ત કરી છે અને પોલીસને ત્વરિત કાર્યવાહીની અપીલ કરી છે.