વડોદરા: ચેક બાઉન્સના કેસમાં સજા પામેલો આરોપી ઝડપાયો; કપુરાઈ પોલીસે કૃષ્ણા હોટલ પાસેથી દબોચ્યો

• વર્ષ ૨૦૨૦ના ચેક બાઉન્સ કેસમાં કોર્ટે ફટકારેલી સજાના વોરંટની બજવણી.
• કપુરાઈ પોલીસની સતર્કતા: પાનના ગલ્લા પરથી સજા વોરંટના આરોપીને ઝડપી પાડ્યો.
• પોલીસ કમિશનરની સૂચનાથી નાસતા-ફરતા અને સજા પામેલા ગુનેગારો સામે કાર્યવાહી તેજ.

વડોદરા શહેરમાં સજા વોરંટના આરોપીઓને પકડી પાડવા કપુરાઈ પોલીસ સ્ટેશને મોટી સફળતા મેળવી છે. ચેક બાઉન્સના કેસમાં કોર્ટ દ્વારા સજા ફટકારવામાં આવ્યા બાદ ફરાર થયેલા આરોપીને પોલીસે બાતમીના આધારે ઝડપી પાડ્યો છે.

📌ઘટનાની વિગત:

કપુરાઈ પોલીસ સ્ટેશનના પી.આઈ. ડી.સી. રાઓલના માર્ગદર્શન હેઠળ પોલીસ ટીમ વિસ્તારમાં પેટ્રોલિંગમાં હતી. તે દરમિયાન હેડ કોન્સેબલ ચિરાગભાઈ જેસિંગભાઈને સચોટ બાતમી મળી હતી કે, નેગોશિયેબલ ઇન્સ્ટ્રુમેન્ટ એક્ટની કલમ ૧૩૮ (ચેક બાઉન્સ) ના કેસમાં સજા પામેલો આરોપી રજનીકાંત વસાવા સોમાતળાવ પાસે આવેલી કૃષ્ણા હોટલ નજીક પાનના ગલ્લા પર ઉભો છે.

​બાતમીમાં આરોપીના કપડાંના વર્ણન (સ્કાય બ્લૂ શર્ટ અને સફેદ પેન્ટ) ના આધારે પોલીસે તાત્કાલિક સ્થળ પર દરોડો પાડી આરોપીની અટકાયત કરી હતી.

🧐આરોપીની ઓળખ:

• નામ: રજનીકાંત કાશીભાઈ વસાવા
• રહેઠાણ: પ્રથમ રેસીડેન્સી, સોમાતળાવ નજીક, વાઘોડિયા રોડ, વડોદરા.

🚨કેસની પૃષ્ઠભૂમિ:

પોલીસની પ્રાથમિક પૂછપરછ અને તપાસમાં બહાર આવ્યું છે કે, વડોદરાની ૭મી એડિશનલ ચીફ જ્યુડિશિયલ મેજિસ્ટ્રેટ કોર્ટ દ્વારા સી.સી. નંબર ૭૫૭૭/૨૦૨૦ ના કેસમાં આ આરોપી વિરુદ્ધ તારીખ ૦૭/૦૪/૨૦૨૫ થી સજાનું વોરંટ ઇસ્યુ કરવામાં આવ્યું હતું. આરોપી લાંબા સમયથી પોલીસને થાપ આપી રહ્યો હતો, પરંતુ કપુરાઈ પોલીસે તેને ઝડપી પાડી કાયદેસરની કાર્યવાહી હાથ ધરી છે.

👮આ સફળ કામગીરીમાં કપુરાઈ પોલીસ સ્ટેશનના સ્ટાફે ટીમ વર્ક બતાવી કાયદાનું શાસન સ્થાપિત કરવાની દિશામાં મહત્વનું પગલું ભર્યું છે.