વડોદરા: જાંબુઆ બ્રિજ પાસે કાળમુખો અકસ્માત; નવી રિક્ષા છોડાવીને આવતા બે ભાઈઓને આઈસરે ફંગોળ્યા

• ખુશી માતમમાં ફેરવાઈ: ગઈકાલે જ કરજણથી નવી રિક્ષા લીધી ને આજે પાસિંગ કરાવીને આવતા નડ્યો અકસ્માત.
• ભીષણ ટક્કર: પૂરપાટ ઝડપે આવતી આઈસરે રિક્ષાને ટક્કર મારતા રિક્ષા પલટી ખાઈ ગઈ; આઈસર ચાલકની બ્રેક ફેઈલ હોવાનો દાવો.
• લોહીલુહાણ હાલત: રિક્ષામાં સવાર બે ભાઈઓ ઇજાગ્રસ્ત; પાછળ બેઠેલા યુવકને માથામાં ગંભીર ઇજા થતા SSGમાં ખસેડાયા.
• ડ્રાઈવર પણ ઇજાગ્રસ્ત: અકસ્માતમાં આઈસરના ડ્રાઈવરને પણ પગમાં પહોંચી ઇજા.

વડોદરા: શહેરના જાંબુઆ બ્રિજ પાસે આજે એક હૃદયદ્રાવક અકસ્માતની ઘટના સામે આવી છે. જેમાં નવી રિક્ષા છોડાવીને ઘરે પરત ફરી રહેલા બે ભાઈઓને કાળમુખી આઈસરે અડફેટે લીધા હતા. આ અકસ્માત એટલો ભીષણ હતો કે રિક્ષા રસ્તા પર જ પલટી મારી ગઈ હતી અને તેમાં સવાર બંને ભાઈઓ લોહીલુહાણ થયા હતા.

​ઘટનાની વિગત:

મળતી માહિતી મુજબ, ભોગ બનનાર પરિવારે ગઈકાલે જ કરજણથી નવી રિક્ષા ખરીદી હતી. આજે દરજીપુરા ખાતે રિક્ષાનું પાસિંગ કરાવીને બંને ભાઈઓ પરત ફરી રહ્યા હતા ત્યારે જાંબુઆ બ્રિજ પાસે પાછળથી પૂરપાટ ઝડપે આવતી એક આઈસર ગાડીએ રિક્ષાને જોરદાર ટક્કર મારી હતી. ટક્કર વાગતા જ નવી નકોર રિક્ષા પલટી ખાઈ ગઈ હતી.

🛺ઇજાગ્રસ્તોની સ્થિતિ:

રિક્ષામાં આગળ બેઠેલા ભાઈને પગમાં ઇજા પહોંચી છે, જ્યારે પાછળ બેઠેલા ભાઈને માથાના ભાગે ગંભીર ઇજાઓ થતા તાત્કાલિક સારવાર અર્થે વડોદરાની SSG હોસ્પિટલમાં ખસેડવામાં આવ્યા છે. હાલ તેમને વધુ ઇજા હોવાનું જાણવા મળી રહ્યું છે.

🚚આઈસર ચાલકનો દાવો:

આ અકસ્માતમાં આઈસર ગાડીને પણ નુકસાન થયું છે અને તેના ચાલકને પણ પગમાં ઇજા પહોંચી છે. આઈસર ચાલકના જણાવ્યા અનુસાર, તેની ગાડીની સ્પીડ 50-55 ની હતી અને અચાનક બ્રેક ન વાગવાને કારણે આ અકસ્માત સર્જાયો હતો. હાલ પોલીસે આ મામલે ગુનો નોંધી વધુ તપાસ હાથ ધરી છે.

🧐સ્થાનિકો નું કહેવું છે અમે વારવાર સ્પીડબ્રેકર ની માગ કરી છે. છતાં તંત્ર ઉંઘ માં જ છે.નવી રિક્ષાની ખુશી ક્ષણભરમાં ચિંતામાં ફેરવાઈ ગઈ છે. રસ્તા પર દોડતા ભારે વાહનોની સ્પીડ અને બ્રેકની ખામી નિર્દોષ લોકો માટે જીવલેણ સાબિત થઈ રહી છે.