વડોદરા: વારસિયાના રામાપીર મોહલ્લામાં જાહેરમાં જુગાર રમતા ૫ શખ્સો પોલીસના સકંજામાં

• કુંભારવાડા પોલીસનો સપાટો: વારસિયાની ગોપાલ બેકરીની ગલીમાં ચાલતા જુગારધામ પર રેડ.
• 5 ઈસમો પત્તા-પાના વડે પૈસાની હારજીતનો જુગાર રમતા રંગેહાથ ઝડપાયા.
• રોકડ રકમ ₹11,250 ના મુદ્દામાલ સાથે કાયદેસરની કાર્યવાહી.

વડોદરા શહેરમાં અસામાજિક પ્રવૃત્તિઓ અને જાહેરમાં ચાલતા જુગારના અડ્ડાઓ સામે પોલીસ કમિશનર નરસિંહા કોમાર દ્વારા કડક સૂચના આપવામાં આવી છે. આ સૂચનાઓના અમલીકરણના ભાગરૂપે કુંભારવાડા પોલીસ સ્ટેશનના પી.આઈ. એ.જે. પાંડવના માર્ગદર્શન હેઠળ પોલીસે વારસિયા વિસ્તારમાં દરોડો પાડી જુગાર રમતા ૫ ઈસમોને ઝડપી પાડ્યા છે.

🧐ઘટનાની વિગત:

કુંભારવાડા પોલીસની ટીમ વિસ્તારમાં પેટ્રોલિંગ કરી રહી હતી, તે દરમિયાન અ.હેડ.કોન્સ. દિનેશભાઈ અને રાહુલકુમારને ચોક્કસ બાતમી મળી હતી કે, વારસિયા ગોપાલ બેકરીની ગલીમાં આવેલા રામાપીર મોહલ્લામાં કેટલાક ઈસમો જાહેરમાં પત્તા-પાના વડે પૈસાની હારજીતનો જુગાર રમી રહ્યા છે. આ બાતમીના આધારે પોલીસે દરોડો પાડીને સ્થળ પરથી ૫ ઈસમોને રંગેહાથ દબોચી લીધા હતા.

🚨ઝડપાયેલ આરોપીઓ:

1. કિશનભાઈ મોહનભાઈ મારવાડી (રહે. વારસિયા)

2. ભગવાનદાસ નેનુમલલાલ લાલવાણી (રહે. બાપોદ)

3. રતીલાલ અમરાભાઈ મારવાડી (રહે. વારસિયા)

4. જીતુભાઈ વીરાભાઈ સોલંકી (રહે. વારસિયા)

5. મનોજભાઈ નારાયણદાસ લાલવાણી (રહે. વારસિયા)

🧐કબજે કરેલ મુદ્દામાલ:

પોલીસે આરોપીઓની અંગઝડતી અને દાવ પર લગાવેલા રૂપિયા મળી કુલ ₹11,250 ની રોકડ રકમ કબજે કરી છે:

• અંગઝડતીની રોકડ: ₹7,750
• જમીન દાવ પરની રકમ: ₹3,500

👮પોલીસ કાર્યવાહી:

કુંભારવાડા પોલીસે પકડાયેલા પાંચેય ઈસમો વિરુદ્ધ જુગારધારાની કલમ 12 હેઠળ ગુનો નોંધી કાયદેસરની કાર્યવાહી હાથ ધરી છે. રહેણાંક વિસ્તારમાં ચાલતી આ પ્રકારની પ્રવૃત્તિઓને લઈને સ્થાનિક રહીશોમાં પણ પોલીસની આ કામગીરીને લઈને સંતોષ જોવા મળ્યો છે.