દિલ્હી-મુંબઈ હાઈવે પર પોલીસની સફળ કાર્યવાહી: 1488 દારૂના ક્વોટરીયા સાથે ભાવનગરનો શખ્સ જેલહવાલે

• સઘન પેટ્રોલિંગ: નંદેસરી પોલીસ દ્વારા બાતમીના આધારે હાઈવે પર સફળ રેઈડ.
• મોટો મુદ્દામાલ: 23.96 લાખની કિંમતના દારૂ, કાર અને મોબાઈલ સાથે આરોપીની ધરપકડ.
• આરોપીની ઓળખ: ભાવનગરના રહેવાસી ક્રુષ્ણરાજસિંહ ઉર્ફે શિવુભા ગોહીલની ધરપકડ.
• કાયદાકીય કાર્યવાહી: પ્રોહીબિશનના ગુનામાં સંડોવાયેલા ઈસમ સામે પોલીસ દ્વારા કડક પગલાં.

વડોદરા: વડોદરા પોલીસ દ્વારા પ્રોહીબિશનની પ્રવૃત્તિઓ ડામવા માટે શરૂ કરવામાં આવેલા સઘન અભિયાન હેઠળ નંદેસરી પોલીસને મોટી સફળતા સાંપડી છે. દિલ્હી-મુંબઈ હાઈવે પર પેટ્રોલીંગ દરમિયાન પોલીસે બાતમીના આધારે એક લક્ઝુરિયસ ફોર્ચ્યુનર કારમાંથી લાખો રૂપિયાનો વિદેશી દારૂનો જથ્થો ઝડપી પાડ્યો છે.

🧐કાર્યવાહીની વિગતો:

તારીખ 19 જૂન 2026 ના રોજ નંદેસરી પોલીસ સ્ટેશનનો સર્વેલન્સ સ્ટાફ હાઈવે પર પેટ્રોલિંગમાં હતો, ત્યારે બાતમી મળી હતી કે એક ફોર્ચ્યુનર કારમાં સુરતથી વડોદરા તરફ દારૂનો મોટો જથ્થો આવી રહ્યો છે. બાતમીના આધારે પોલીસે રાજલપુર ટોલનાકા નજીક વોચ ગોઠવી હતી. દરમિયાન શંકાસ્પદ કારને અટકાવીને તપાસ કરતા તેમાંથી ભારતીય બનાવટના વિદેશી દારૂના 1488 ક્વોટરીયા મળી આવ્યા હતા.

🚨મુદ્દામાલ અને આરોપી:

પોલીસે ભાવનગરના રહેવાસી ક્રુષ્ણરાજસિંહ ઉર્ફે શિવુભા વેલુભા ગોહીલની ધરપકડ કરી છે. પોલીસે તેની પાસેથી:

• દારૂના ક્વોટરીયા: 1488 નંગ (કિંમત રૂ. 3,70,512)
• મોબાઈલ ફોન: 3 નંગ (કિંમત રૂ. 26,000)
• ટોયોટા ફોર્ચ્યુનર કાર: (કિંમત રૂ. 20,00,000) આમ, કુલ રૂ. 23,96,512 ના મુદ્દામાલ સાથે આરોપીને ઝડપી પાડી કાયદેસરની કાર્યવાહી હાથ ધરી છે.

👮પોલીસની આ સફળ કામગીરીને પગલે પ્રોહીબિશનના ગુના આચરતા ઈસમોમાં ફફડાટ વ્યાપી ગયો છે. નંદેસરી પોલીસ હવે આ દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે દિશામાં વધુ તપાસ કરી રહી છે.