વડોદરામાં વિઠ્ઠલનાથજી અને નરસિંહજીના વરઘોડાની તૈયારીઓ માટે માંડવી ખાતે પાલિકા દ્વારા સ્થળ વિઝિટ

વરઘોડો દર વર્ષે માંડવી ગેટથી પસાર થાય છે અને આ વર્ષે પણ તેનો માર્ગ આ સ્થળેથી જ પસાર કરવાનો પ્રયાસ
અસિસ્ટન્ટ મ્યુનિસિપલ કમિશનર સુરેશ તુવેરે જણાવ્યું કે ભવિષ્યમાં માર્ગમાં વિકલ્પ માટે પણ વિચારણા થશે.

• મહાનગરપાલિકા અધિકારીઓ અને કોર્પોરેટરો દ્વારા માંડવી ખાતે વરઘોડા નિયંત્રણ માટે સ્થળ નિરીક્ષણ
• ભક્તો અને આયોજકોની માંગણી તેમજ સુરક્ષા દૃષ્ટિએ વિકલ્પી માર્ગ સંભવિત
• આગળ મ્યુનિસિપલ કમિશનર અને સંબંધિત અધિકારીઓ સાથે બેઠક અંતે અંતિમ નિર્ણય લેવામાં આવશે.

વડોદરામાં ભગવાન વિઠ્ઠલનાથજી અને નરસિંહજીના આવનારા વરઘોડાને લઈને આજે મોટી તૈયારીઓના ભાગરૂપે પાલિકાના અધિકારીઓ અને કોર્પોરેટરોએ માંડવી વિસ્તારમાં સ્થળ વિઝિટ કરી હતી.

વડોદરા મહાનગરપાલિકાના આસિસ્ટન્ટ મ્યુનિસિપલ કમિશનર સુરેશ તુવેરે જણાવ્યું કે દર વર્ષે આ વરઘોડો માંડવી ગેટમાંથી પસાર થતો હોય છે. આ વર્ષે પણ આયોજકો અને ભક્તોની એ જ માંગણી આવી છે.તેમણે કહ્યું કે સ્થળ નિરીક્ષણ દરમ્યાન માર્ગ વ્યવસ્થા સહિતની શક્યતાઓની ચર્ચા થઈ છે. ભક્તોની લાગણીને ધ્યાનમાં રાખીને તેમજ સુરક્ષા અને વ્યવસ્થાપનના મુદ્દાઓને ધ્યાને લઈ અંતિમ નિર્ણય મ્યુનિસિપલ કમિશનર અને સંબંધિત અધિકારીઓ સાથેની આગળની બેઠક બાદ લેવામાં આવશે.

VMC ના સુરેશ તુવેરે જણાવ્યું કે જો જરૂરી રહેશે તો વિકલ્પરૂપ રસ્તાની પણ સમીક્ષા કરવામાં આવશે જેથી ધાર્મિક ભાવના અને શહેરની જનવ્યવસ્થામાં સંતુલન જળવાઈ રહે.