મંદિરે દર્શન કરવા જતી યુવતીને ખેતરમાં ખેંચી જઇ નારાધમે દુષ્કર્મ આચર્યું

છાણી સોખડા રોડ પર મંદિરે દર્શન કરવા જતી યુવતીને ખેતર માં ખેંચી જઈ નરાધમે દુસ્કર્મ આચર્યું, પોલીસે ગણતરીના કલાકોમાં આરોપીને દબોચી લીધો

વડોદરા શહેરના નવલખી મેદાનમાં ચાર વર્ષ પહેલા થયેલા ગેંગ રેપે સમગ્ર શહેરમાં ચર્ચા જગાવી મૂકી હતી. ત્યારે સંસ્કારી નગરી વડોદરાને લાંછન લગાવતો વધુ એક કિસ્સો શહેરના છાણી વિસ્તારમાં સામે આવ્યો છે. મંદિરે દર્શન અર્થે ચાલતી જઈ રહેલ યુવતીને ધોળા દિવસે હવસખોર બળજબરીપૂર્વક રોડ પાસે આવેલ ખેતરમાં ખેંચી જઈ યુવતીની મરજી વિરુદ્ધ તેના સાથે નરાધમે દુસ્કર્મ આચરતા ચકચાર મચી જવા પામી છે. છાણી પોલીસે પીડિતાની ફરિયાદ નોંધી હવસખોર નરાધમને ગણતરીના કલાકોમાં જ શોધી કાઢી તેની ધરપકડ કરી છે.

આ અંગે પ્રાપ્ત વિગતો મુજબ શહેરના છાણી વિસ્તારમાં રહેતી યુવતી ગત તા. 12 ડિસેમ્બરના રોજ પોતાના ઘરે થી ચાલતા ચાલતા છાણી સોખડા રોડ ખાતે આવે મંદિરે દર્શન અર્થે જઈ રહી હતી દરમિયાન નવાયાડ વિસ્તારમાં રસુલજીની ચાલ ખાતે રહેતો હવસખોર આમીરખાન મહેદીહસન પઠાણ છાણી સોખડા રોડ ખાતે ઘસી આવ્યો હતો. અને યુવતી સાથે જબરજસ્તી કરી યુવતીને રોડની બાજુમાં આવેલ ખેતરમાં ખેંચી લઇ જઈ યુવતીની મરજી વિરુદ્ધ તેની સાથે દુસ્કર્મ આચર્યું હતું

હવસખોર આમીરખાન મહેદીહસન પઠાણની હવસનો શિકાર બનેલ પીડિતાને આમીરખાન પઠાણે તેની હવસ સંતોષાઈ જતા પીડિતાને આ વાતની કોઇને જાણ કરીશ તો તને જાનથી મારી નાખીશ તેવી ધમકી આપી પીડિતાને છોડી મુકતા હવસખોરની ચુંગાલ માંથી છુટેલી પીડિતા દ્ધારા ગતરોજ છાણી પોલીસ મથકે ફરિયાદ નોંધાવતા પોલીસે ગુનો નોંધી પીડિતાની ફરિયાદના આધારે નરાધમ આમીરખાન મહેદીહસન પઠાણ ઝડપી પાડવા અલગ અલગ ટિમો બનાવી ઘટના સ્થળના સી.સી.ટી.વી. ફુટેઝ ચેક કરી ટેકનીકલ સવેલન્સની મદદ થી આરોપી આમીરખાન મહેદીહસન પઠાણને ગણતરીની કલાકોમાં ઝડપી પાડી તેની ધરપકડ કરી કાયદેસરની કાર્યવાહી હાથ ધરવામાં આવી છે.