“પતિ ઘરવાળાઓને ખુશ રાખે, હું પિટાઈ સહન નહીં કરી શકી”: મોતને વ્હાલી થતા પહેલા મહિલાએ લખ્યા દર્દભર્યા અંતિમ શબ્દો

• પગ પર સુસાઈડ નોટ: પરિણીતાએ મરતા પહેલા પોતાના પગ પર મારઝૂડ અને ત્રાસ સહન ન કરી શકવાની વાત હિન્દીમાં લખી હતી.
• 8 મહિનાની બાળકીને સોંપી: આપઘાત કરતા પૂર્વે માતાએ પોતાની માસૂમ દીકરીને પાડોશીને સોંપી દીધી હતી.
• રૂા. 2 લાખ માટેનો ત્રાસ: પ્લોટ ખરીદવા માટે પિયરમાંથી નાણાં લાવવા દબાણ કરી સાસરીયાઓ દ્વારા અપાતો અસહ્ય ત્રાસ.
• પતિ અને સાસરીયાઓ સામે ગુનો: ઉત્તર પ્રદેશથી આવેલા ભાઈની ફરિયાદના આધારે પોલીસે ગુનો નોંધી સઘન તપાસ શરૂ કરી છે.

વડોદરા: વડોદરા શહેરના ઊંડેરા વિસ્તારમાં આવેલી રિલાયન્સ ટાઉનશિપમાં એક અત્યંત કરુણ અને હચમચાવી નાખતી ઘટના સામે આવી છે. લગ્નના માત્ર ત્રણ જ વર્ષમાં પ્લોટ ખરીદવા માટે પિયરમાંથી પૈસા લાવવાના ત્રાસથી કંટાળીને 31 વર્ષીય પરિણીતાએ પોતાના પગ પર સુસાઈડ નોટ લખીને ગળેફાંસો ખાઈ જીવન ટૂંકાવી લીધું છે. આ મામલે પોલીસે મૃતક મહિલાના પતિ, સાસુ અને સસરા સામે આપઘાત માટે મજબૂર કરવા અંગેનો ગુનો નોંધ્યો છે.

🧐શું હતી સમગ્ર ઘટના?

પ્રાપ્ત વિગતો અનુસાર, હતી. ઊંડેરા ખાતે આવેલા રિલાયન્સ ટાઉનશિપના સેક્ટર-1 માં રહેતા અને એન્જિનિયર તરીકે નોકરી કરતા સુધીરકુમાર અનેકસિંગની પત્ની સીમાએ ગત ૮મી તારીખે આત્મહત્યા કરી હતીઘટનાના દિવસે પતિ મોબાઈલ રિપેર કરાવવા માટે શહેરમાં ગયો હતો, તે દરમિયાન સીમાએ પોતાની 8 મહિનાની માસૂમ બાળકીને પાડોશીને સાચવવા માટે સોંપી દીધી હતી અને ઘરમાં ફાંસો ખાઈ લીધો હતો.

✍️પગ પર લખેલી હિન્દીમાં ભાવુક સુસાઈડ નોટ:

જ્યારે પરિવારજનો અને પોલીસે ઘટનાસ્થળે પહોંચીને તપાસ કરી, ત્યારે સીમાના મૃતદેહના પગ પર હિન્દીમાં લખેલા અંતિમ શબ્દો જોઈને સૌ કોઈ સ્તબ્ધ થઈ ગયા હતા. પગ પર લખેલું હતું કે, “જા રહી હું દુનિયા સે, પતિ અપને ઘરવાલો કો ખુશ રખે, મેં સહન નહીં કર પાઈ પિટાઈ…” આ હ્રદયદ્રાવક લખાણે સમગ્ર ઘટનાની ગંભીરતા ઉજાગર કરી છે.

🗣️પિયર પક્ષના ગંભીર આક્ષેપો:

મૃતક સીમાના ભાઈ અનિલકુમાર જાટવ (રહે. ઇંટા, ઉત્તર પ્રદેશ) એ પોલીસ સમક્ષ જણાવ્યું હતું કે, સીમાને તેનો પતિ સુધીરકુમાર, સાસુ શાલાદેવી અને સસરા અનેકસિંગ પ્લોટ ખરીદવા માટે પિયરમાંથી રૂા. 2 લાખ લઈને આવવાનું કહીને સતત શારીરિક અને માનસિક ત્રાસ આપતા હતા. પતિએ ભાઈનો મોબાઈલ નંબર પણ બ્લોક કરી દીધો હતો અને અગાઉ મેસેજ કરીને ધમકી પણ આપી હતી કે તે સીમાને મારી નાખશે.

ઘટનાની જાણ થતા જ ઉત્તર પ્રદેશથી પરિવારજનો વડોદરા સિવિલ હોસ્પિટલ દોડી આવ્યા હતા. ભાઈની ફરિયાદના આધારે પોલીસે પતિ સુધીરકુમાર, સાસુ શાલાદેવી અને સસરા અનેકસિંગ સામે ગુનો નોંધીને આગળની કાયદેસરની તપાસ હાથ ધરી છે.