મકરપુરા પોલીસે ઘાઘરેટીયા વિસ્તારમાં ખુલ્લી જગ્યામાં જુગાર રમતા 7 ઇસમો ઝડપાયા

• જુગારધામ પર રેડ: મકરપુરા પોલીસ દ્વારા ઘાઘરેટીયા વિસ્તારમાં ખુલ્લી જગ્યામાં ચાલતા જુગાર પર દરોડો.
• 7 શખસો ઝડપાયા: પત્તા-પાનાનો જુગાર રમતા 7 આરોપીઓની સ્થળ પરથી ધરપકડ.
• મુદ્દામાલ જપ્ત: રૂ. 10,900 રોકડ અને 6 મોબાઈલ ફોન મળી કુલ રૂ. 1,00,900/- નો મુદ્દામાલ કબ્જે કરાયો.
• પોલીસ કાર્યવાહી: મકરપુરા પોલીસ સ્ટેશનમાં જુગારધારા હેઠળ ગુનો નોંધી કાયદેસરની કાર્યવાહી કરાઈ.

વડોદરા: વડોદરા શહેરમાં પ્રોહિબિશન અને જુગાર જેવી અસામાજિક પ્રવૃત્તિઓને નેસ્તનાબુદ કરવા માટે પોલીસ કમિશનર નરસિમ્હા કોમાર, સંયુક્ત પોલીસ કમિશનર નિલેશ જાજડીયા, ડીસીપી ઝોન-3 અભિષેક ગુપ્તા અને એસીપી વી.પી. ગામીતના માર્ગદર્શન હેઠળ મકરપુરા પોલીસ સ્ટેશનના પોલીસ ઇન્સ્પેક્ટર એ.એમ. ગોહિલના સ્ટાફ દ્વારા સઘન પેટ્રોલીંગ હાથ ધરવામાં આવ્યું હતું.

🧐 શું હતી ઘટના?

મકરપુરા પોલીસ સ્ટેશન વિસ્તારમાં પેટ્રોલિંગ દરમિયાન એ.એસ.આઈ. રમેશભાઈ ગોવિંદભાઈ અને પો.કો. ઇસ્માઇલખાન નવરંગખાનને મળેલી ચોક્કસ બાતમીના આધારે, ઘાઘરેટીયા બળીયા બાપજીના મંદિર પાસે આવેલી ખુલ્લી જગ્યામાં રેડ કરવામાં આવી હતી. આ દરમિયાન જાહેરમાં પત્તા-પાના વડે જુગાર રમતા 7 શખસો પોલીસના હાથે ઝડપાઈ ગયા હતા.

પોલીસે પકડાયેલા આરોપીઓ પાસેથી અંગ જડતીના રૂ. 6,000 અને જમીન દાવ પરના રૂ. 4,900 મળી કુલ રૂ. 10,900 ની રોકડ રકમ, રૂ. 90,000 ની કિંમતના 6 મોબાઈલ ફોન અને પત્તા-પાના નંગ ૫૨ સહિત કુલ રૂ. 1,00,900/- નો મુદ્દામાલ જપ્ત કર્યો છે. પકડાયેલા આરોપીઓમાં સિદ્ધાર્થસિંહ જાદવ, જતિનભાઈ તડવી, નવીનભાઈ કાલે, સાહિલભાઈ જાદવ, રહીશભાઈ દીવાન, રોહિતસિંહ રાજપુત અને નવીન સુભાષભાઈ તડવીનો સમાવેશ થાય છે. આ તમામ શખસો વિરુદ્ધ મકરપુરા પોલીસ સ્ટેશનમાં જુગારધારા કલમ-12 મુજબ ગુનો નોંધી આગળની કાયદેસરની કાર્યવાહી હાથ ધરવામાં આવી છે.