પ્લાસ્ટિકની ડોલમાં થતી હતી શરાબની હેરાફેરી,PCB પોલીસે 117 પેટી વિદેશી શરાબ ઝડપી પાડ્યો

રાજ્યભરમાં થર્ટી ફર્સ્ટની ઉજવણીને રંગીન બનાવવા માટે બુટલેગરો સક્રિય થયા છે. ત્યારે વડોદરા પીસીબી પોલીસની ટીમે શહેરના તાંદલજા વિસ્તારમાં સ્થાનિક જેપી પોલીસ મથકના થોડા અતરે આવેલ એક મકાનમાં બાતમીના આધારે દરોડા પાડી પ્લાસ્ટિકની ડોલોની આડમાં ચાલી રહેલ વિદેશી દારૂનો વેપલાનો પર્દાફાશ કરી સ્થળ પર થી બિનવારસી વિદેશી દારૂની 117 પેટીનો જથ્થો ઝડપી પાડ્યો હતો

આ અંગે પ્રાપ્ત માહિતી અનુસાર વડોદરા શહેર ના તાંદલજા વિસ્તારમાં જેપી પોલીસે મથકથી થોડા અંતરે આવેલ ન્યુ સમર્પણ બંગ્લોઝ મકાન ભાડે રાખી પ્લાસ્ટિકની ડોલોની આડમાં વિદેશી દારૂનો વેપલો કરવામાં આવી રહ્યો હોવાની બાતમી પીસીબી પોલીસને મળી હતી જે બાતમીના આધારે પીસીબી પોલીસે તાંદલજાના ન્યુ સમર્પણ બંગ્લોઝમાં દરોડા પાડી પ્લાસ્ટિકની ડોલોની આડમાં ચાલતા
વિદેશી દારૂના વેપલાનો પર્દાફાશ કરી શહેર પીસીબી પોલીસે બિનવારસી 117 પેટી વિદેશી દારૂનો જથ્થો કબજે કરી જેપી પોલીસ મથક ખાતે અજાણ્યા આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે.