વડોદરા SSG હોસ્પિટલમાં દવાની ‘કાંગારૂ’ અછત: છેલ્લા 6 મહિનાથી ઇન્સ્યુલિન ગાયબ, ગરીબ દર્દીઓ રામભરોસે

વડોદરા: મધ્ય ગુજરાતની સૌથી મોટી સરકારી હોસ્પિટલ, એસ.એસ.જી. (SSG) હોસ્પિટલમાં ફરી એકવાર દવાની અછતનો મોટો પ્રશ્ન સામે આવ્યો છે. દૂર-દૂરથી સારવાર માટે આવતા ડાયાબિટીસના દર્દીઓને હોસ્પિટલમાંથી ઇન્સ્યુલિન ઇન્જેક્શન મળતા નથી, જેના કારણે દર્દીઓએ મોંઘા ભાવે ખાનગી મેડિકલ સ્ટોરમાંથી દવા ખરીદવા મજબૂર બનવું પડી રહ્યું છે.

➡️ દર્દીઓની વેદના:

જ્યારે દર્દીઓ હોસ્પિટલના બારી પર દવા લેવા પહોંચે છે, ત્યારે તેમને એક જ જવાબ મળે છે કે “સ્ટોક નથી”. નવાઈની વાત તો એ છે કે, કેટલાક દર્દીઓના જણાવ્યા મુજબ છેલ્લા 6 મહિનાથી અહીં ઇન્સ્યુલિન આવતું જ નથી.

• ડાયાબિટીસના દર્દીઓને જોખમ: ઇન્સ્યુલિન એવા દર્દીઓ માટે અનિવાર્ય છે જેમના શરીરમાં શુગરનું પ્રમાણ ખૂબ વધારે હોય છે. જો સમયસર ઇન્જેક્શન ન મળે તો દર્દીનું મૃત્યુ પણ થઈ શકે છે.
• આર્થિક બોજ: સરકારી હોસ્પિટલમાં મફત દવાની આશાએ આવતા શ્રમિક અને ગરીબ પરિવારો પાસે બહારથી દવા ખરીદવાના પૈસા હોતા નથી.

❓તંત્ર સામે સવાલો:

• શું હોસ્પિટલ તંત્રને 6 મહિનાથી આ અછત વિશે જાણ નથી?
• કરોડોની ગ્રાન્ટ અને બજેટ ફાળવવામાં આવે છે, તો પછી દવાઓ ક્યાં જાય છે?
• ગરીબ દર્દીઓના જીવ સાથે રમત રમતા જવાબદારો સામે શું કાર્યવાહી થશે?
  
  

એસ.એસ.જી. હોસ્પિટલ માત્ર વડોદરા જ નહીં પરંતુ આસપાસના પાંચથી વધુ જિલ્લાઓ માટે આશાનું કિરણ છે. જો આવી મોટી હોસ્પિટલમાં જ પ્રાથમિક અને જીવનરક્ષક દવાઓ ન હોય, તો આરોગ્ય ક્ષેત્રે ‘વિકાસ’ના દાવાઓ પોકળ સાબિત થાય છે. હવે જોવાનું એ રહેશે કે હોસ્પિટલ સુપરિન્ટેન્ડેન્ટ અને આરોગ્ય વિભાગ આ બાબતે ક્યારે જાગે છે.