ગૃહિણીઓમાં ફફડાટ: હવે પાઇપલાઇન ગેસમાં પણ ‘રેશનિંગ’, સવાર-સાંજ માત્ર ગણતરીના કલાકો જ મળશે ગેસ!

• યુદ્ધની અસર: ઈરાન-ઇઝરાયલ યુદ્ધને કારણે ઈંધણ અને ગેસના આયાતમાં મોટો વિક્ષેપ.
• VGL નો નિર્ણય: વડોદરામાં ગેસ સપ્લાયના કલાકો મર્યાદિત કરવાની વિચારણા (સવારે 3 કલાક, સાંજે 2 કલાક)
• ઉદ્યોગો પર જોખમ: ગુજરાત ગેસના 50% કાપને કારણે મોરબીનો સિરામિક ઉદ્યોગ ઠપ્પ થવાની ભીતિ.
• કડક નિયમો: * પાઇપલાઇન ગેસ ધારકોએ સિલિન્ડર તાત્કાલિક જમા કરાવવા પડશે.
  • બેથી વધુ સિલિન્ડર રાખનાર સામે કાયદેસરની કાર્યવાહી થશે.
• તંત્રની સજ્જતા: કલેક્ટર કચેરીમાં કંટ્રોલરૂમ દ્વારા ફરિયાદોનું નિવારણ.

ઈરાન, ઇઝરાયલ અને અમેરિકા વચ્ચે છેલ્લા 16 દિવસથી ચાલી રહેલા ભીષણ યુદ્ધની ઝાળ હવે વડોદરા સહિત સમગ્ર ગુજરાતના રસોડા સુધી પહોંચી છે. અત્યાર સુધી માત્ર સિલિન્ડરની અછત હતી, પરંતુ હવે પાઇપલાઇન દ્વારા ગેસ મેળવતા ગ્રાહકો માટે પણ માઠા સમાચાર આવ્યા છે.

વડોદરા ગેસ લિમિટેડ અને ગુજરાત ગેસ દ્વારા લેવાયેલા કડક નિર્ણયોએ ગૃહિણીઓની ચિંતામાં ધરખમ વધારો કર્યો છે.વડોદરામાં સ્થિતિ એટલી હદે વણસી છે કે ઓનલાઇન બુકિંગ બંધ થઈ ગયું છે અને લોકો વહેલી સવારથી એજન્સીઓ બહાર લાંબી કતારોમાં ઉભા છે. આ તકનો લાભ ઉઠાવી સક્રિય થયેલા કાળાબજારિયાઓ પર લગામ કસવા માટે પુરવઠા વિભાગ અને પોલીસે સઘન ચેકિંગ શરૂ કર્યું છે. કલેક્ટર કચેરીમાં સ્પેશિયલ કંટ્રોલરૂમ પણ કાર્યરત કરી દેવાયો છે.

વડોદરામાં સ્થિતિ એટલી હદે વણસી છે કે ઓનલાઇન બુકિંગ બંધ થઈ ગયું છે અને લોકો વહેલી સવારથી એજન્સીઓ બહાર લાંબી કતારોમાં ઉભા છે. આ તકનો લાભ ઉઠાવી સક્રિય થયેલા કાળાબજારિયાઓ પર લગામ કસવા માટે પુરવઠા વિભાગ અને પોલીસે સઘન ચેકિંગ શરૂ કર્યું છે. કલેક્ટર કચેરીમાં સ્પેશિયલ કંટ્રોલરૂમ પણ કાર્યરત કરી દેવાયો છે.

ગુજરાત ગેસે કરાર મુજબ ‘ફોર્સ મેજર’ જાહેર કરી ગેસ સપ્લાયમાં 50 ટકાનો તોતિંગ કાપ મૂક્યો છે. જેની સીધી અસર મોરબીના સિરામિક ઉદ્યોગ પર પડી છે, જે હવે બંધ થવાના આરે છે. બીજી તરફ, વડોદરા ગેસ લિમિટેડ દ્વારા સવારે 3 કલાક અને સાંજે માત્ર 2 કલાક જ ગેસ આપવાની હિલચાલ શરૂ કરવામાં આવી છે.

“સવારે અને સાંજે માત્ર થોડા કલાકો ગેસ મળશે તો રસોઈ કેવી રીતે થશે? ઉપરથી જો અમારી પાસે જૂનો સિલિન્ડર હોય તો તે પણ જમા કરાવી દેવાની સૂચના આપી છે. આ તો પડતા પર પાટું જેવી સ્થિતિ છે.”

મધ્ય પૂર્વનું આ યુદ્ધ જો વધુ લંબાશે તો આગામી દિવસોમાં ગેસ અને ઇંધણનું સંકટ વધુ ઘેરું બની શકે છે. અત્યારે તો વડોદરાવાસીઓએ આ મર્યાદિત પુરવઠામાં જ દિવસો કાઢવા પડશે તેવી સ્થિતિ દેખાઈ રહી છે.